AP: పదో తరగతి విద్యార్థులకు గుడ్ న్యూస్.. ఉచిత ప్రయాణం చేయండిలా
- Edited By: NARESH ENNAM,
- Updated on March 8, 2025 / 11:29 AM
AP:
ఏపీలో పదవ తరగతి పరీక్షలు మార్చి 17వ తేదీ నుంచి ప్రారంభం కానున్నాయి. ఈ క్రమంలో ఏపీఎస్ఆర్టీసీ గుడ్ న్యూస్ తెలిపింది. పదో తరగతి పరీక్షలకు హాజరయ్యే విద్యార్థులకు ఫ్రీగా బస్సు ప్రయాణం చేసేలా ఏపీఎస్ఆర్టీసీ కీలక నిర్ణయం తీసుకుంది. ఈ నెల 17 నుంచి 31వ తేదీ హాజరయ్యే విద్యార్థులకు బస్ ప్రయాణం ఫ్రీ. మొత్తం 6.49 లక్షల మంది విద్యార్థులు ఈ పరీక్షలకు హాజరుకానున్నారు. అయితే విద్యార్థులు ఆర్టీసీ పల్లె వెలుగు, ఆల్ట్రా పల్లె వెలుగు, సిటీ ఆర్డీనరీ సర్వీసుల్లో ఉచితంగా ప్రయాణించేందుకు అధికారులు అవకాశం కల్పించారు. పదో తరగతి విద్యార్థులు హాల్ టికెట్ చూపిస్తే చాలు.. ఫ్రీ అవకాశం కల్పిస్తారు. పదవ తరగతి పరీక్షలు ఉదయం 9:30 నుంచి మధ్యాహ్నం 12:45 గంటల వరకు నిర్వహిస్తారు. మార్చి 17న ఫస్ట్ లాంగ్వేజ్, మార్చి 19న సెకండ్ లాంగ్వేజ్, మార్చి 21న ఇంగ్లిష్, మార్చి 22న ఫస్ట్ లాంగ్వేజ్ పేపర్-2, మార్చి 24న మ్యాథమెటిక్స్, మార్చి 26న ఫిజికల్ సైన్స్, మార్చి 28న బయోలాజికల్ సైన్స్, మార్చి 29న OSSC మెయిన్ లాంగ్వేజ్ పేపర్ 2, ఒకేషన్ కోర్స్, మార్చి 31న సోషల్ స్టడీస్ పరీక్షలను నిర్వహిస్తారు.
హాల్ టికెట్లకు స్కూల్‌ వరకు వెళ్లకుండా వాట్సాప్ ద్వారానే డౌన్‌లోడ్ చేసుకునే విధానాన్ని ఏపీ ప్రభుత్వం తీసుకొచ్చింది. దీనివల్ల విద్యార్థులకు ఎలాంటి ఇబ్బంది ఉండదని ఈ నిర్ణయం తీసుకుంది. అధికారిక వెబ్ సైట్ bse.ap.gov.in ద్వారా కూడా విద్యార్థులు హాల్ టికెట్ తీసుకువచ్చు. అయితే ఏపీ ప్రభుత్వం ఇటీవల మిత్ర గవర్నెన్స్ ప్రారంభించిన సంగతి తెలిసిందే. దీని ద్వారా కూడా హాల్ టికెట్లు పొందవచ్చని ఏపీ ప్రభుత్వం తెలిపింది. పదవ తరగతి విద్యార్థులు వాట్సాప్‌లో 9552300009 నెంబర్‌కి Hi అని ముందుగా మెసేజ్ చేయాలి. వెంటనే మీకు రిప్లే వస్తుంది.
మీకు కావాల్సిన సేవను ఎంచుకోండనే ఆప్షన్ వస్తుంది. మీరు విద్య సేవలు అనే ఆప్షన్ ఎంచుకోండి. ఆ తర్వాత ఇంటర్మీడియట్, పదవ తరగతి హాల్ టికెట్స్ అనే ఆప్షన్ వస్తుంది. దీనిలో పదవ తరగతి హాల్ టికెట్స్‌పై క్లిక్ చేయాలి. అందులో మీరు మీ అప్లికేషన్ నంబర్, విద్యార్థి గుర్తింపు సంఖ్య, పుట్టిన తేదీ అన్ని వివరాలు ఫిల్ చేయాలి. ఇలా చేసిన తర్వాత మీకు రెగ్యులర్ గా చదువుతున్నారా లేకపోతే ప్రైవేట్‌లో చదువుతున్నారా అని అడుగుతుంది. మీకు కావాల్సిన ఆప్షన్‌ను ఎంచుకోవాలి. అన్ని వివరాలు కూడా ఫిల్ చేసిన తర్వాత పదో తరగతి హాల్ టికెట్ మీకు వస్తుంది. దీన్ని డౌన్‌లోడ్ చేసుకుని ప్రింట్ తీసుకుంటే అయిపోతుంది.
