Indonesia : ప్రతి సంవత్సరం శవాలను బయటకు తీసి ఆ తెగ వారు ఏం చేస్తారో తెలుసా?

Indonesia :

మరణం తర్వాత ఏమి జరుగుతుందో మీరు ఎప్పుడైనా ఆలోచించారా? ప్రపంచంలోని వివిధ మూలల్లో ప్రజలు ఈ ప్రశ్నకు వివిధ మార్గాల్లో సమాధానం ఇస్తున్నారు. నిజమే ఈ ప్రశ్నకు సమాధానం కనుక్కోవాలని చాలా మంది ఆశపడుతున్నారు. అయితే ఇండోనేషియాలోని సులవేసి ద్వీపంలో నివసించే తోరాజా తెగ ప్రజలు మరణాన్ని జీవితంలోని మరో అధ్యాయంగా భావిస్తారు. వారు తమ చనిపోయిన వారిని ఎంతగానో ప్రేమిస్తారు. వారు మరణించిన తర్వాత కూడా వారిని జాగ్రత్తగా చూసుకుంటారు. ఏంటి మరణించిన తర్వాత జాగ్రత్తగా చూసుకుంటారా? ఇదేంటి అని ఆశ్చర్యపోతున్నారా?

అవును, ఈ తెగ ప్రజలు తమ పూర్వీకులను సమాధి నుంచి బయటకు తీసుకువచ్చి, వారికి కొత్త బట్టలు ధరిస్తారు. ఆ తర్వాత వారితో మాట్లాడతారు. వినడానికి చాలా వింతగా అనిపిస్తుంది కదా. చనిపోయిన వారి ఆత్మలు ఇప్పటికీ తమతోనే ఉన్నాయని, తమను కాపాడుకుంటాయని వారు నమ్ముతుంటారు. ఈ ప్రక్రియను ‘మనేనే’ (ఇండోనేషియాలో ప్రత్యేకమైన ఖనన పద్ధతులు) అంటారు. ఇది వార్షిక పండుగ. దీనిలో మొత్తం సమాజంలోని ప్రజలు తమ పూర్వీకులను గౌరవించడానికి కలిసి వస్తారు.

ప్రత్యేక సంప్రదాయం
ఇండోనేషియాలోని టోరాజా తెగ వారు తమ చనిపోయిన వారిని సమాధి నుంచి బయటకు తీసుకువెళ్లి, వారికి కొత్త బట్టలు ధరిస్తారు. ఆ తర్వాత వారితో మాట్లాడతారు. చనిపోయిన వారి ఆత్మలు ఇప్పటికీ తమతోనే ఉన్నాయని, తమను కాపాడుకుంటాయని వారు నమ్ముతారు. ఈ ప్రక్రియను ‘మనేన్’ అంటారు. ఇది వార్షిక పండుగ. అంటే సంవత్సరానికి ఒకసారి జరుపుకుంటారు. ఒకరు కాదు ఆ ప్రాంతం వారు మొత్తం అక్కడికి వెళ్లి ఇలాగే చేసి వస్తారు. అందరు కూడా కలిసి కట్టుగా వెళ్తారు. అయినా ఇప్పుడు వారులా ఎందుకు చేస్తారని మీరు ఆలోచిస్తున్నారా? అటువంటి పరిస్థితిలో, అంత్యక్రియల ఆచారం పూర్తయ్యే వరకు, మరణించిన వ్యక్తి ఆత్మ ఈ ప్రపంచం నుండి పూర్తిగా బయలుదేరదని తోరాజా ప్రజలు నమ్ముతారని, కాబట్టి వారు తమ ప్రియమైనవారితో ఎక్కువ కాలం ఉండాలని కోరుకుంటారు.

నిజంగా మీరు ఇప్పుడు అక్కడే ఉన్నారు అనుకోండి. మీరు ఏం చూస్తారో తెలుసా? భయంకరమైన వింతైన ఆచారాన్ని చూస్తారు? ఇంతకీ ఏం చూస్తారంటే? మీరు ఇప్పుడు ఆ ఊరికి ఎంటర్ అయ్యారు అనుకుందాం. మీరు ఇప్పుడు ఇండోనేషియాలోని సులవేసి ద్వీపంలో ఉన్నారు. ఇది ఆగస్టు నెల అనుకుందాం. ఎందుకంటే ఆ నెలలోనే ఈ ఆచారం పాటిస్తారు. మీరు ఒక వింత దృశ్యాన్ని చూస్తున్నారు. అక్కడున్న ప్రజలు సమాధులు తెరిచి వాటి నుంచి అస్థిపంజరాలను బయటకు తీస్తున్నారు. ఈ అస్థిపంజరాలు శుభ్రంగా, చక్కగా ఉన్నాయి. ప్రజలు వాటికి స్నానం చేయించి కొత్త బట్టలు వేస్తున్నారు. ఆ తర్వాత తినిపిస్తున్నారు, ఈ శవాల చేతుల్లో సిగరెట్లు కూడా పెడుతున్నారు కొందరు. చూశారా మొత్తం. అయినా ఇదంతా ఎందుకు చేస్తారంటే? ఈ ఆచారం వెనుక ఉన్న నమ్మకం ఏమిటంటే, మరణం తరువాత కూడా జీవితం ఉంటుంది అనుకుంటారు ఆ ప్రజలు. ఇలా చేస్తూ వారు తమ పూర్వీకులతో సంబంధం కలిగి ఉన్నట్టు ఫీల్ అవుతారు.

ఇదంతా చేసిన తర్వాత సమాధులను శుభ్రం చేసి, చనిపోయిన వారిని తిరిగి పూడ్చిపెడతారు. ఈ ఆచారం ప్రతి సంవత్సరం చేస్తుంటారు. వారు మృతదేహాలను భద్రపరచడానికి ప్రత్యేక శ్రద్ధ తీసుకుంటారు. ఈ పండుగలో ప్రజలు చాలా ఉత్సాహంగా ఉంటారు, నృత్యం చేస్తారు, పాటలు పాడుతూ గేదెల నుంచి పందుల వరకు జంతువులను బలి ఇస్తారు. ధనవంతులు ఎక్కువ జంతువులను బలి ఇస్తారు. కొన్నిసార్లు వంద పందులు, పది గేదెలను కూడా బలి ఇస్తారు. బలి మాంసాన్ని అతిథులందరికీ తినిపిస్తారు. ఆశ్చర్యకరంగా, చిన్న పిల్లలను బోలు చెట్లలో పాతిపెడతారు.

Disclaimer : ఈ సమాచారం కేవలం అవగాహన, ప్రాథమిక సమాచారం కోసం మాత్రమే. దీన్ని trendingtelugus.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.