Cheese: చీజ్ లో ఇన్ని రకాలు ఉంటాయా? మీరు ఏది తింటున్నారు? ప్రయోజనాలు ఎందులో ఉంటాయి?

Cheese : చీజ్ తినడం చాలా మందికి ఇష్టమే కదా. వివిధ రకాలుగా కూడా దీన్ని ఉపయోగిస్తుంటారు. అయితే దీన్ని పిజ్జా, బర్గర్, శాండ్‌విచ్ వంటి ఇతర వస్తువులను తయారు చేయడానికి ఉపయోగిస్తుంటారు. వంటకం రుచిని రెట్టింపు చేస్తుంది చీజ్. రుచి తో పాటు ఆరోగ్యం కూడా. ఇక ఈ చీజ్‌లో ప్రోటీన్, కాల్షియం, అనేక ఇతర పోషకాలు ఉంటాయి. జున్నులో కూడా అనేక రకాలు ఉంటాయి. వీటిలో ప్రతి దాని స్వంత లక్షణాలు, ప్రయోజనాలు ఉన్నాయి. అయితే మోజారెల్లా, చెడ్డార్ వంటి జున్ను పేర్లను విన్నారా? అయితే చాలా తక్కువ మందికి జున్ను రకాల గురించి తెలుసు. అందుకే మనం ఈ ఆర్టికల్ లో జున్ను రకాల గురించి తెలుసుకుందామా? అదేనండీ చీజ్ రకాల గురించి?

మోజారెల్లా
మోజారెల్లా అనేది మృదువైన, తేలికపాటి చీజ్. దీనిని పిజ్జా లేదా సలాడ్ కోసం ఉపయోగిస్తారు. రుచి తేలికపాటే ఉంటుంది. కానీ క్రీముగా ఉంటుంది. ఇతర చీజ్‌లతో పోలిస్తే, మోజారెల్లాలో సోడియం, కేలరీలు తక్కువగా ఉంటాయి. 28 గ్రాముల పూర్తి కొవ్వు మోజారెల్లా చీజ్‌లో 85 కేలరీలు, 6 గ్రాముల ప్రోటీన్, 1 గ్రాము కార్బోహైడ్రేట్లు, 6 సోడియం, 11 కాల్షియం ఉంటాయి. ఇందులో ప్రోబయోటిక్స్ కూడా ఉంటాయి.

బ్లూ చీజ్
బ్లూ జున్ను ఆవు, మేక లేదా గొర్రె పాలతో తయారు చేస్తారు. ఈ జున్నులో నీలిరంగు చారలు, మచ్చలు కనిపిస్తాయి. అందుకే దీనిని బ్లూ జున్ను అంటారు. ఇక ఈ బ్లూ చీజ్ చాలా పోషకమైనది. కాల్షియానికి మంచి మూలం. 28 గ్రాముల బ్లూ చీజ్‌లో 100 కేలరీలు, 6 గ్రాముల ప్రోటీన్, 8 గ్రాముల కొవ్వు, సోడియం DVలో 14%, కాల్షియం 12% ఉంటాయి. ఇందులో మంచి మొత్తంలో కాల్షియం ఉండటం వల్ల, ఇది ఎముకలకు మేలు చేస్తుంది.

ఫెటా
ఫెటా అనేది ఒక గ్రీకు జున్ను. ఇది ఉప్పు, పుల్లని రుచిని కలిగి ఉంటుంది. దీన్ని సలాడ్లు, ఇతర వంటకాల రుచిని పెంచడానికి ఉపయోగిస్తుంటారు. ఇందులో కాల్షియం ఎక్కువగా ఉంటుంది. ఎముకలు, కండరాలకు మేలు చేస్తుంది. ఈ జున్ను గొర్రెలు లేదా మేక పాలతో తయారు చేస్తారు. గొర్రె పాలలని ఫెటా మంచి రుచిని కలిగి ఉంటుంది. అయితే మేక పాలు ఫెటా తేలికైనది. దీనిలో సోడియం ఉంటుంది. 28 గ్రాముల ఫెటా చీజ్‌లో 75 కేలరీలు, 4 గ్రాముల ప్రోటీన్, 1 గ్రాము కార్బోహైడ్రేట్లు, 14% సోడియం, కాల్షియం లు రోజువారీ విలువలో 11% ఉంటాయి.

పర్మేసన్
పర్మేసన్ అనేది గట్టి జున్ను. ఇది గ్రైటీ టెక్స్చర్, ఉప్పగా, నట్టి రుచిని కలిగి ఉంటుంది. దీనిని ఎక్కువగా ఇటాలియన్ వంటకాల్లో ఉపయోగిస్తారు. ప్రోటీన్, కాల్షియానికి మంచి మూలం. 28 గ్రాముల ప్రోటీన్‌లో 111 కేలరీలు, 10 గ్రాముల ప్రోటీన్, 7 కొవ్వు, 1 గ్రాము కార్బోహైడ్రేట్లు, 15% సోడియం, కాల్షియం లు రోజువారీ విలువలో 26% ఉంటాయి.

క్రీమ్ చీజ్
క్రీమ్ చీజ్‌లో ఎక్కువ కొవ్వు, కేలరీలు ఉంటాయి. కానీ అది చాలా క్రీమీగా, తీపిగా ఉంటుంది. దీనిని బ్రెడ్, క్రాకర్స్, డిప్స్‌లో ఉపయోగిస్తారు. 28 గ్రాముల ప్రోటీన్‌లో 99 కేలరీలు, 2 గ్రాముల ప్రోటీన్, 10 గ్రాముల కొవ్వు, 2 కార్బోహైడ్రేట్లు, విటమిన్ ఎ 10%, విటమిన్ బి2 లు ఉంటాయి.

ఇంతకీ ఏది బెటర్: ఇందులో మీకు నచ్చిన చీజ్ ను మీ అవసరాలకు బట్టి వినియోగించవచ్చు. ఒక్కో చీజ్ టైప్ దాని స్వంత ప్రయోజనాలతో నిండి ఉంది. అందుకే బెస్ట్ ది ఎంచుకొని ఉపయోగించడం బెటర్. సన్నగా ఉన్నవారు, లావుగా ఉన్నవారు, కొవ్వు ఉన్న వారు లేని వారు ఇలా డిఫరెంట్ గా ప్లాన్ చేసుకోవడమే బెటర్ కదా.

Disclaimer : ఈ సమాచారం కేవలం అవగాహన, ప్రాథమిక సమాచారం కోసం మాత్రమే. దీన్ని trendingtelugu.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.