Speed Dating : నిమిషాల్లోనే పార్ట్‌నర్‌ సెలక్షన్.. అసలేంటి ‘స్పీడ్ డేటింగ్’ ?

Speed Dating : నేటి బిజీ ప్రపంచంలో ప్రేమను, బంధాలను వెతుక్కోవడం ఒక సవాలుగా మారింది. ఉద్యోగ జీవితం, సోషల్ మీడియా ప్రపంచం, సమయం లేకపోవడం వంటి కారణాల వల్ల ప్రజలు ఇప్పుడు పాత పద్ధతులకు బదులుగా కొత్త, స్మార్ట్ ఆప్షన్లను ప్రయత్నిస్తున్నారు. తమకు తగిన పార్టనర్ ను కనుగొనడానికి ఇప్పటివరకు డేటింగ్ యాప్‌లను ఆశ్రయించేవారు. అయితే ఇప్పుడు ‘స్పీడ్ డేటింగ్’ అనే కొత్త ట్రెండ్ మొదలై, చాలా పాపులారిటీ పొందుతోంది.

గత కొన్ని సంవత్సరాలుగా ఇండియాలో ముఖ్యంగా పెద్ద నగరాల్లోని యువతలో స్పీడ్ డేటింగ్ ట్రెండ్ వేగంగా పెరిగింది. ఇందులో ప్రజలు కేవలం కొన్ని నిమిషాల్లో ఒకరినొకరు కలుసుకుంటారు, మాట్లాడుకుంటారు, ఆపై తదుపరి అడుగు ఏమిటో డిసైడ్ చేసుకుంటారు. ఈ పద్ధతి చాలా ఆసక్తికరంగా ఉంది. అయితే, కొంతమందికి ఈ పదం కొత్తగా వినిపించి ఉండవచ్చు. అసలు స్పీడ్ డేటింగ్ అంటే ఏమిటి ? ఒంటరి వ్యక్తులకు ఇది ఎంత ప్రయోజనకరమైనదో తెలుసుకుందాం.

Read Also:Home Cleaning Tips : ఇంటి నుంచి చీమలు పోవడం లేదా? ఈ సింపుల్ చిట్కాలు వాడి చూడండి!

స్పీడ్ డేటింగ్ అంటే ఏమిటి?
స్పీడ్ డేటింగ్ అనేది ఒక సోషల్ ఈవెంట్. ఇందులో ఒకే చోట చాలా మంది సింగిల్ అబ్బాయిలు, అమ్మాయిలు కలుసుకుంటారు. ప్రతి వ్యక్తికి మరొక వ్యక్తితో కొన్ని నిమిషాలు (సాధారణంగా 5 నుండి 7 నిమిషాలు) మాట్లాడే అవకాశం ఇస్తారు. సమయం ముగియగానే వారు తదుపరి భాగస్వామి వద్దకు వెళతారు. ఈ విధంగా ప్రతి ఒక్కరికీ తక్కువ సమయంలో చాలా మందిని కలిసే అవకాశం లభిస్తుంది. ఈ ఈవెంట్‌ను కొంతమంది నిర్వహిస్తుంటారు. చివరికి అందరికీ ఒక కార్డు ఇస్తారు. అందులో వారు మళ్ళీ కలవాలనుకునే వ్యక్తుల పేర్లు రాయాలి. ఇద్దరు వ్యక్తులు ఒకరి పేరు మరొకరు రాస్తే నిర్వాహకులు వారి కాంటాక్ట్ వివరాలను షేర్ చేస్తుంటారు.

ఒంటరి వ్యక్తులకు ఎంత ప్రయోజనకరం?
త్వరగా, నేరుగా ఒక ప్రత్యేకమైన వ్యక్తితో కనెక్ట్ అవ్వాలనుకునే వారికి స్పీడ్ డేటింగ్ ఒక అద్భుతమైన ఆప్షన్. ఇందులో తక్కువ సమయంలో చాలా మందిని కలిసే అవకాశం లభిస్తుంది. దీనివల్ల మీ ప్రాధాన్యతలు స్పష్టంగా ఎదుటివారికి అర్థం అవుతాయి. ఆన్‌లైన్ చాటింగ్ ద్వారా నమ్మకం లేని వారు, ఫేస్ టు ఫేస్ మాట్లాడాలని అనుకునే వాళ్లకు ఈ పద్ధతి ప్రయోజనకరం. అంతేకాకుండా, ఇందులో ఎక్కువ లాంఛనాలు ఉండవు. దీనివల్ల వాతావరణం తేలికపాటిగా ఉంటుంది. సామాజిక నైపుణ్యాలు కూడా మెరుగుపడతాయి.

Read Also:Ear Hair: చెవి వెంట్రుకల బట్టి వ్యక్తిత్వం.. ఈజీగా చెప్పేయచ్చు

స్పీడ్ డేటింగ్ వల్ల కలిగే నష్టాలు ఏమిటి?
ప్రయోజనాలతో పాటు దీనికి కొన్ని నష్టాలు కూడా ఉన్నాయి. 5 నుండి 7 నిమిషాల్లో ఎవరినైనా సరిగ్గా తెలుసుకోవడం కష్టం. కొన్నిసార్లు ప్రజలు కేవలం బాహ్య రూపం లేదా మొదటి అభిప్రాయం ఆధారంగా నిర్ణయాలు తీసుకుంటారు. దీనివల్ల లోతైన సంబంధాలు ఏర్పడే అవకాశం తగ్గుతుంది. కొందరు వ్యక్తులు ఇందులో కేవలం సరదా కోసం వస్తారు. తీవ్రమైన సంబంధం కోసం కాదు. అంతేకాకుండా, కొందరు వ్యక్తులకు ఎక్కువ మంది గుంపులో లేదా అపరిచితులతో త్వరగా మాట్లాడటం అసౌకర్యంగా అనిపించవచ్చు.