Tilak Varma: తిలక్ వర్మ రిటైర్డ్ ఔట్.. తెలుగు కుర్రాడికి ఘోర అవమానం

Tilak Varma ముంబై ఇండియన్స్ కెప్టెన్ హార్దిక్ పాండ్యా ఇన్నింగ్స్ చివరి వరకూ క్రీజులో ఉన్నాడు. అప్పటి వరకు ఉండి ఏం చేశాడని, తిలక్ వర్మని ఎందుకు రిటైర్డ్ ఔట్ చేయించారని అంటున్నారు.

Tilak Varma: ఐపీఎల్‌లో భాగంగా లక్నో సూపర్ జెయింట్స్, ముంబై ఇండియన్స్ మధ్య మ్యాచ్ జరిగింది. ఈ మ్యాచ్‌లో ముంబై ఇండియన్స్ 12 పరుగుల తేడాతో ఓడిపోయింది. అయితే ఈ మ్యాచ్ ఎంతో ఉత్కంఠతో సాగింది. ఎవరు గెలుస్తారని చివరి వరకు మ్యాచ్ చాలా ఉత్కంఠతో జరిగింది. చివరకు ఈ మ్యాచ్‌లో లక్నో సూపర్ జెయింట్స్ విజయం సాధించింది. అయితే ఈ మ్యాచ్‌లో ముంబై జట్టు కెప్టెన్ హార్దిక్ పండ్యాపై తీవ్ర విమర్శలు వస్తున్నాయి. ఎందుకంటే ఈ ముంబై జట్టులో తెలుగు కుర్రాడు తిలక్ వర్మ ఉన్నాడు. ఇతను ఇన్నింగ్స్ మధ్యలోనే రిటైర్డ్ ఔట్ కావడమే దీనికి ముఖ్య కారణం. దీనికి తోడు హార్దిక్ పాండ్యా ఆఖరి ఓవర్‌లో బ్యాటింగ్ ఆడటం కూడా కారణమే. హార్దిక్ తీసుకున్న ఈ నిర్ణయంపై సర్వత్రా విమర్శలు వెల్లువెత్తున్నాయి. ఒక తెలుగు కుర్రాడికి ఇది ఘోర అవమానమని అంటున్నారు. లక్నో పై ముంబై విజయం సాధించాలంటే 12 బంతుల్లో 29 పరుగులు చేయాల్సి ఉంది. ఈ సమయంలో హార్దిక్, తిలక్ వర్మ క్రీజులో ఉన్నారు. ఈ సమయంలో తిలక్ వర్మ టైమింగ్‌ను కాస్త తడబడుతూ.. 23 బంతుల్లో 25 పరుగులు చేశాడు. దీంతో ముంబై ఇండియన్స్ అతన్ని రిటైర్డ్ ఔట్‌గా పెవిలియన్ చేరేలా చేసింది. అయితే ఇతని స్థానంలో వేరే బ్యాటర్ వచ్చి ఏమైనా ఆడాడా? అంటే అది లేదు. స్పిన్నర్ అయిన శాంట్నర్ క్రీజులోకి వచ్చాడు. కానీ పెద్దగా అయితే ఆడలేదు. దీంతో తిలక్‌ను అవమానించారంటూ నెట్టింట హార్దిక్‌పై విమర్శలు వస్తున్నాయి.

ముంబై ఇండియన్స్ కెప్టెన్ హార్దిక్ పాండ్యా ఇన్నింగ్స్ చివరి వరకూ క్రీజులో ఉన్నాడు. అప్పటి వరకు ఉండి ఏం చేశాడని, తిలక్ వర్మని ఎందుకు రిటైర్డ్ ఔట్ చేయించారని అంటున్నారు. శార్దూల్ ఠాకూర్ 19వ ఓవర్‌లో 7 పరుగులు మాత్రమే ఇచ్చాడు. దీంతో ముంబై జట్టు ఆరు బంతుల్లో కేవలం 22 పరుగులు చేయాల్సి వచ్చింది. అవేష్ ఖాన్ వేసి చివరి ఓవర్‌లో హార్ది్క్ మొదటి బంతికి సిక్స్ కొట్టాడు. ఆ తర్వాత డాట్ బాల్స్ తీశాడు. చివరకు ఒక బాల్‌కి 13 రన్‌లు చేయాల్సి వచ్చింది. దీంతో ముంబై జట్టు ఓడిపోయింది. అయితే హార్దిక్ స్ట్రైక్ ఇవ్వనప్పుడు తిలక్ వర్మను ఎందుకు రిటైర్డ్ ఔట్ చేసి శాంట్నర్‌ను తీసుకువచ్చారని ఫ్యాన్స్ మండిపడుతున్నారు. కేవలం ఫ్యాన్స్ మాత్రమే కాకుండా భారత మాజీ స్పిన్నర్ హర్భజన్ సింగ్ కూడా స్పందించారు. ముంబై ఇండియన్స్ జట్టు తిలక్ వర్మను ఇలా రిటైర్డ్ ఔట్ చేయడం సరికాదన్నారు. శాంట్నర్ కోసం తిలక్‌ను రిటైర్డ్ ఔట్ చేయడం తప్పని అన్నారు. ఇంకో ఆటగాడు వచ్చి మ్యాచ్‌ను గెలిపించేలా సిక్స్‌లు కొడితే.. ఇవ్వచ్చు.. కానీ శాంట్నర్ కోసం ఇలా చేయడం కరెక్ట్ కాదన్నారు. అయితే గతంలో హార్దిక్ కూడా ఇలాంటి ఇబ్బందే పడ్డాడు. కానీ అప్పుడు హార్దిక్‌ను ఔట్ చేయలేదని, ఇప్పుడు తిలక్ వర్మను ఎందుకు ఔట్ చేశారని విహారి కూడా ప్రశ్నించాడు.