Motorola Razr 60 Ultra: ఏఐ సపోర్ట్‌తో మోటోరోలా రేజర్ 60 అల్ట్రా వచ్చేసింది.. శాంసంగ్‌కు ఇక తిప్పలే!
Motorola Razr 60 Ultra ఈ ఫోన్‌లో 7-అంగుళాల పిఓఎల్ఈడి సూపర్ హెచ్‌డి డిస్‌ప్లే ఉంది. ఇది హెచ్‌డిఆర్10 ప్లస్‌కు మద్దతు ఇస్తుంది. అంతేకాకుండా, ఫోన్ వెలుపలి వైపు 4-అంగుళాల ఎల్‌పిటిఓ డిస్‌ప్లే 165 హెర్ట్జ్ రిఫ్రెష్ రేట్, 3000 నిట్స్ పీక్ బ్రైట్‌నెస్‌తో వస్తుంది.
- Edited By: NARESH ENNAM,
- Updated on May 13, 2025 / 04:34 PM
Motorola Razr 60 Ultra : మోటోరోలా తన సరికొత్త ఫ్లిప్ ఫోన్ మోటోరోలా రేజర్ 60 అల్ట్రాను మార్కెట్‌లోకి రిలీజ్ చేసింది. ఈ ఫోన్ ప్రత్యేకతల విషయానికి వస్తే, ఇది IP48 ప్రొటెక్షన్‌తో వస్తుంది. అలాగే, మన్నిక కోసం టైటానియం హింజ్‌ను ఉపయోగించారు. స్క్రీన్ రక్షణ కోసం కార్నింగ్ గొరిల్లా గ్లాస్ సెరామిక్‌ను వాడారు. ఈ లేటెస్ట్ మోటోరోలా స్మార్ట్‌ఫోన్‌కు మూడు సంవత్సరాల పాటు ఓఎస్ అప్‌డేట్లు, నాలుగు సంవత్సరాల పాటు సెక్యూరిటీ అప్‌డేట్లు లభిస్తాయి.
మోటోరోలా రేజర్ 60 అల్ట్రా స్పెసిఫికేషన్‌లు
డిస్‌ప్లే: ఈ ఫోన్‌లో 7-అంగుళాల పిఓఎల్ఈడి సూపర్ హెచ్‌డి డిస్‌ప్లే ఉంది. ఇది హెచ్‌డిఆర్10 ప్లస్‌కు మద్దతు ఇస్తుంది. అంతేకాకుండా, ఫోన్ వెలుపలి వైపు 4-అంగుళాల ఎల్‌పిటిఓ డిస్‌ప్లే 165 హెర్ట్జ్ రిఫ్రెష్ రేట్, 3000 నిట్స్ పీక్ బ్రైట్‌నెస్‌తో వస్తుంది.
చిప్‌సెట్: వేగం, మల్టీటాస్కింగ్ కోసం ఈ మోటోరోలా స్మార్ట్‌ఫోన్‌లో క్వాల్‌కామ్ స్నాప్‌డ్రాగన్ 8 ఎలైట్ ప్రాసెసర్‌ను అందించారు.
కెమెరా : వెనుకవైపు 50ఎంపీ ప్రైమరీ కెమెరా, 50ఎంపీ అల్ట్రా వైడ్ అండ్ మ్యాక్రో కెమెరా, 50ఎంపీ సెల్ఫీ కెమెరా ఉన్నాయి. దీనితో పాటు, మోటో ఏఐ 2.0 సపోర్ట్‌తో ఏఐ ఇమేజ్ స్టూడియో, ఏఐ ప్లేలిస్ట్ స్టూడియో వంటి ఫీచర్లను ఉపయోగించుకోవచ్చు.
బ్యాటరీ: 68 వాట్ టర్బోచార్జింగ్ సపోర్ట్‌తో ఈ ఫోన్‌లో 4700mAh పవర్ ఫుల్ బ్యాటరీని అమర్చారు. ఈ ఫోన్ 30 వాట్ వైర్‌లెస్, 5 వాట్ రివర్స్ ఛార్జింగ్‌కు సపోర్ట్ చేస్తుంది.
భారత్‌లో మోటోరోలా రేజర్ 60 అల్ట్రా ధర
ఈ ఫోన్ 16 జీబీ ర్యామ్, 512 జీబీ స్టోరేజ్‌తో ఒకే వేరియంట్‌లో విడుదలైంది. ఈ వేరియంట్ ధర రూ.99,999. ఈ ఫోన్ అమ్మకాలు మే 21, 2025 నుండి ప్రారంభమవుతాయి. లాంచ్ ఆఫర్ల విషయానికి వస్తే, బ్యాంక్ కార్డ్‌లపై రూ.10,000 ఇన్ స్టంట్ డిస్కౌంట్ లభిస్తుంది. అయితే, ఏయే బ్యాంక్ కార్డ్‌లపై ఈ తగ్గింపు వర్తిస్తుందో ఇంకా తెలియాల్సి ఉంది. దీనితో పాటు, జియో వినియోగదారులకు రూ.15,000 విలువైన బెనిఫిట్స్ లభిస్తాయి. ఈ మోటోరోలా ఫోన్ శాంసంగ్ గెలాక్సీ జెడ్ ఫ్లిప్ 6కి పోటీ ఇవ్వనుంది. శాంసంగ్ అధికారిక వెబ్‌సైట్‌లో ఈ ఫోన్ 256 జీబీ వేరియంట్ రూ.89,999కి, 512 జీబీ వేరియంట్ రూ.1,01,999కి అమ్ముడవుతోంది.
