Sankranthiki Vastunnam: బిగ్గెస్ట్ మైల్ స్టోన్ దాటవేసిన వెంకీ మామ మూవీ.. ఓటీటీలో రికార్డులు సృష్టించిన సంక్రాంతికి వస్తున్నాం

Sankranthiki Vastunnam:

హీరో వెంకటేష్, డైరెక్టర్ అనిల్ రావిపూడి కాంబోలో వచ్చిన సంక్రాంతికి వస్తున్నాం సినిమా బాక్సాఫీస్ దగ్గర హిట్ సాధించిన విషయం తెలిసిందే. సంక్రాంతికి విన్నర్‌గా నిలిచిన ఈ సినిమా మార్చి 1వ తేదీన ఓటీటీ, టీవీలోకి వచ్చింది. జీ 5 ఓటీటీలో స్ట్రీమింగ్ అవుతున్న ఈ సినిమా మరో మైల్ స్టోన్‌ను దాటింది. ఈ సినిమా ఓటీటీలో 300 మిలియన్ల స్ట్రీమింగ్ నిమిషాలను దాటేసింది. ఈ విషయాన్ని జీ5 సోషల్ మీడియా వేదికగా తెలిపింది. ఓటీటీలోకి వచ్చిన వారం రోజుల్లోనే ఇన్ని మిలియన్ల నిమిషాల్లోనే దాటేసింది. ఈ సినిమా ముందు నుంచే రికార్డులు సాధిస్తుంది. థియేటర్లలో విడుదల అయ్యి.. రూ.300 కోట్లు సాధించింది. మార్చి 1న జీ5 ఓటీటీలోకి వచ్చిన కొన్ని గంటల్లోనే ఈ సినిమా రికార్డుల్లోకి ఎక్కింది. ఓటీటీలోకి స్ట్రీమింగ్‍కు వచ్చిన 12 గంటల వ్యవధిలో 1.3 మిలియన్ల (13 లక్షలు) మంది వ్యూవర్స్ ఈ సినిమాను చూశారు. దీంతో పాటు 100 మిలియన్లకు పైగా స్ట్రీమింగ్ నిమిషాలుగా జీ5 ఓటీటీలో సరికొత్త రికార్డుగా నిలిచింది. వచ్చిన 12 గంటల్లో ఆర్‌ఆర్‌ఆర్, హనుమాన్ సినిమాల కంటే ఎక్కువ వ్యూస్ సంపాదించుకుని రికార్డు సృష్టించింది. ఈ సినిమా తెలుగుతో పాటు తమిళం, మలయాళం, కన్నడ, హిందీ భాషల్లో కూడా జీ5లో స్ట్రీమింగ్‍ అవుతోంది.

సంక్రాంతికి వచ్చిన ఈ సినిమా వెంకటేశ్ కెరీర్‌లో బిగ్గెస్ట్ హిట్‌గా నిలిచింది. ప్రాంతీయ భాషలో రిలీజ్ అయ్యి రూ.300 కోట్లు కలెక్షన్లు రాబట్టింది. ఐశ్వర్య రాజేశ్, మీనాక్షి చౌదరి ఈ సినిమాలో హీరోయిన్లుగా నటించారు. దిల్‍రాజు, శిరీష్ నిర్మించిన ఈ సినిమాకి భీమ్స్ సెసిరోలియో మ్యూజిక్ అందించారు. ఈ సినిమా కేవలం ఫ్యామిలీ ఆడియెన్స్‌ను మాత్రమే కాకుండా అందరినీ కూడా అలరించింది. అయితే ఈ సినిమాను ఇప్పుడు హిందీలో కూడా రీమేక్ చేయాలని నిర్మాత దిల్ రాజు ప్లాన్ చేస్తున్నట్లు తెలుస్తోంది. బాలీవుడ్ హీరో అక్షయ్ కుమార్‌తో ఈ సినిమాను రీమేక్ చేయాలని భావిస్తున్నారట. అక్షయ్ కుమార్ ఎక్కువగా యాక్షన్ మూవీస్ చేశాడు. కానీ ఇలాంటి కామెడీలో ఉండే సినిమాలు చేయలేదు. దీంతో ఈ సినిమాను అక్షయ్ కుమార్‌తో రీమేక్ చేయాలని భావిస్తున్నారు. అయితే ఈ సినిమాను డైరెక్ట్ చేయబోయేది ఎవరనే విషయం కూడా ఇంకా క్లారిటీ లేదు. అయితే ఈ సినిమా డైరెక్టర్ ఎవరని ఫిక్స్ అయిన తర్వాత త్వరలోనే షూటింగ్ మొదలుపెట్టే అవకాశాలు ఎక్కువగా ఉన్నట్లు తెలుస్తోంది. దీనిపై ఇంకా అధికార ప్రకటన రావాల్సి ఉంది. డైరెక్టర్ అనిల్ రావిపూడి మెగాస్టార్‌తో ఓ సినిమా చేయబోతున్నాడు. దీని ప్రీ ప్రొడక్షన్ పనులు కూడా ప్రారంభమయ్యాయి. ఈ క్రమంలోనే దిల్ రాజు సినిమాను వేరే డైరెక్టర్‌తో రీమేక్ చేయాలని భావిస్తున్నారు.