Ants: చీమల గురించి ఇన్ని వాస్తవాలు ఉన్నాయా? వాటి నడక, ఫుడ్ గురించి తెలిస్తే ఆశ్చర్యపోతారు.

Ants:

చీమల నుంచి చాలా నేర్చుకోవచ్చు అంటే మీరు నమ్ముతారా? అవును అవి చిన్నగా ఉన్నా సరే చాలా పెద్ద వారికి మంచి మంచి విషయాలను నేర్పుతాయి. క్రమశిక్షణ తో పాటు కేవలం కావాల్సినంత మాత్రమే తీసుకోవడం, ఇతరుల గురించి కూడా ఆలోచిచండం, ఇతరులను డిస్ట్రబ్ చేయకుండా వాటి పని మాత్రమే అవి చేసుకోవడం వంటి చాలా విషయాలు నేర్చుకోవచ్చు. అయితే ఈ చీమలు సరళ రేఖలో ఎందుకు నడుస్తాయో మీరు ఎప్పుడైనా ఆలోచించారా? మీరు ఎప్పుడైనా చీమల గుంపు కదులుతున్నట్లు చూసినట్లయితే, ఆ దృశ్యం సైనిక కవాతులా కనిపిస్తుంది. చాలా క్రమశిక్షణతో, క్రమబద్ధంగా, వ్యవస్థీకృతంగా కదులుతాయి. కానీ చీమలు ఇలా ఎందుకు చేస్తాయో మీరు ఎప్పుడైనా ఆలోచించారా? ఇది కేవలం యాదృచ్చికమా లేదా దీని వెనుక ఏదైనా శాస్త్రీయ కారణం ఉందా? అనే వివరాలు తెలుసుకుందాం.

నిజానికి, చీమలు చాలా వ్యవస్థీకృత, సామాజిక కీటకాలు, ఇవి పూర్తిగా ఒక నిర్దిష్ట వ్యవస్థ కింద పనిచేస్తాయి. వారు సరళ రేఖలో నడిచే అలవాటు వెనుక ఒక ప్రత్యేక కారణం ఉందట. అది ‘ఫెరోమోన్ ట్రైల్’. ఇది చీమలు ఒకదానికొకటి దారి చూపించుకోవడానికి విడుదల చేసే ఒక రకమైన రసాయన సంకేతం. అయితే చీమలు ఈ ట్రిక్ (యాంట్స్ ఫాలో ఈచ్ అదర్) ను ఎలా ఉపయోగిస్తాయో, వాటి క్రమశిక్షణా ప్రవర్తన వెనుక ఉన్న ఆసక్తికరమైన శాస్త్రీయ కారణం ఏమిటో తెలుసుకుందాం.

1) ఫెరోమోన్ ట్రైల్: చీమల రహస్య భాష
ఒక చీమ ఆహారం కోసం బయటకు వెళ్లి దానిని కనుక్కుంటే అది తన ఇంటికి అంటే చీమల కాలనీకి తిరిగి వెళ్ళేటప్పుడు నేలపై ఫెరోమోన్‌లను వదిలివేస్తుంది. ఈ ఫెరోమోన్ ఇతర చీమలకు సంకేతంగా పనిచేస్తుంది. దీనివల్ల అవి కూడా అదే మార్గాన్ని అనుసరించి ఆహారాన్ని చేరుకుంటాయి. అంతేకాదు చీమలు ఆహారం గురించి మాత్రమే కాకుండా, ప్రమాదం లేదా శత్రువుల గురించి కూడా ఒకదానికొకటి అప్రమత్తం చేయడానికి ఫెరోమోన్‌లను ఉపయోగించగలవు అంటారు కొందరు.

2) చీమలు సరళ రేఖలో ఎందుకు నడుస్తాయి?
చీమలు తమ ముందున్న చీమ విడుదల చేసిన ఫెరోమోన్ల బాటను అనుసరిస్తాయి కాబట్టి అవి సరళ రేఖలో నడుస్తాయి. ఆ బాట ఎంత బలంగా ఉంటే, ఆ దారిలో చీమలు అంత ఎక్కువగా వెళ్తాయి.

సరళ రేఖలో నడవడం వల్ల కలిగే ప్రయోజనాలు. మార్గాన్ని నిర్ణయించడం సులభం అవుతుంది. ఆహార వనరును త్వరగా చేరుకోగలదు. ఇది కలిసి పనిచేయడానికి సహాయపడుతుంది.

3) చీమలు తమ మార్గాన్ని మార్చుకోగలవా?
అవును! ఏదైనా కారణం చేత ఆ మార్గంలో ఏదైనా అడ్డంకి ఏర్పడితే లేదా అవి మరొక సులభమైన మార్గాన్ని కనుగొంటే, అప్పుడు చీమలు తమ బాటను మార్చుకోవచ్చు. కొత్త చీమలు కొత్త మార్గంలో ఫెరోమోన్‌లను వదిలివేస్తాయి. ఇతర చీమలు వాటిని అనుసరించడం ప్రారంభిస్తాయి.

4) ఫెరోమోన్ కాలిబాట అదృశ్యమైతే ఏమి జరుగుతుంది?
ఏదైనా కారణం చేత (వర్షం వంటివి) ఫెరోమోన్ జాడ చెరిపివేస్తే చీమలు తమ మార్గాన్ని కనుగొనడంలో ఇబ్బంది పడతాయి. కొత్త చీమ కొత్త ఫెరోమోన్ బాటను సృష్టించే వరకు అవి కొన్నిసార్లు అటూ ఇటూ తిరుగుతాయి.
ఆసక్తికరమైన విషయం: చీమల ఫెరోమోన్ బాట చెదిరిపోయి కొత్త మార్గాన్ని కనుగొనలేకపోతే అవి కొన్నిసార్లు పొరపాటున గుండ్రంగా తిరుగుతాయని శాస్త్రవేత్తలు గమనించారు! దీనిని “డెత్ స్పైరల్” అంటారు.

5) మానవులు ఏం నేర్చుకున్నారంటే?
చీమల ఈ నావిగేషన్ టెక్నిక్ చాలా ప్రభావవంతంగా ఉంటుంది. శాస్త్రవేత్తలు దీని నుంచి ప్రేరణ పొంది ట్రాఫిక్ నియంత్రణ, రోబోటిక్స్, ఇంటర్నెట్ నెట్‌వర్క్‌లలో ఉపయోగించే “అల్గారిథమ్‌లను” సృష్టించారు!