iPhone : ఐఫోన్ అద్భుతాలు.. ఆండ్రాయిడ్ ఫోన్లకు లేని ఈ 5 ఫీచర్లు ఇవే!

iPhone : టెక్నాలజీ ప్రపంచంలో ఆండ్రాయిడ్, ఐఫోన్ మధ్య పోలిక అనేది చాలా పాత, ఆసక్తికరమైన చర్చ. ఆండ్రాయిడ్ ఫోన్‌లు వివిధ కంపెనీల నుంచి వస్తాయి. అయితే ఐఫోన్‌లను కేవలం ఆపిల్ మాత్రమే తయారు చేస్తుంది. అయితే, ఐఫోన్‌లో మాత్రమే లభించే ఆండ్రాయిడ్‌లో లేని 5 ప్రత్యేక ఫీచర్లు ఏంటో తెలుసా ? ఐఫోన్ అనేక విషయాల్లో ఆండ్రాయిడ్‌ కంటే ఎందుకు ముందుందో తెలుసుకుందాం.

ఐఫోన్‌కు మాత్రమే సొంతమైన 5 స్పెషల్ ఫీచర్లు
1. ఐమెసేజ్ (iMessage), ఫేస్‌టైమ్ (FaceTime)
ఐఫోన్ ఐమెసేజ్, ఫేస్‌టైమ్ అనేవి కేవలం ఆపిల్ యూజర్ల కోసం మాత్రమే రూపొందించిన కమ్యూనికేషన్ సిస్టమ్స్. ఐమెసేజ్ ద్వారా ఎలాంటి థర్డ్ పార్టీ యాప్ అవసరం లేకుండా మెసేజ్‌లు పంపవచ్చు, ఫోటోలు, వీడియోలు, లొకేషన్, ఫైల్స్ షేర్ చేసుకోవచ్చు. ఫేస్‌టైమ్ ద్వారా మీరు చాలా స్పష్టమైన హెచ్‌డి (HD) వీడియో కాల్స్ చేయవచ్చు. వాయిస్ క్వాలిటీ కూడా అద్భుతంగా ఉంటుంది. ఈ ఫీచర్‌లు ఆండ్రాయిడ్‌లో అందుబాటులో లేవు. ఆండ్రాయిడ్ యూజర్లు దీని కోసం వాట్సాప్ (WhatsApp) లేదా జూమ్ (Zoom) వంటి థర్డ్ పార్టీ యాప్‌లపై ఆధారపడాల్సి ఉంటుంది.

Read Also:Lipstick : లిప్‌స్టిక్ ఎక్కువసేపు ఉండాలంటే?  ఈ సింపుల్ చిట్కాలు పాటించండి

2. బెస్ట్ ప్రైవసీ, భద్రతా ఫీచర్‌లు (Better Privacy and Security Features)
ఆపిల్ తన యూజర్ల ప్రవసీకి అత్యధిక ప్రాధాన్యత ఇస్తుంది. ఐఫోన్‌లో, యాప్‌ల ట్రాకింగ్‌ను నిరోధించడానికి యాప్ ట్రాకింగ్ ట్రాన్స్‌పరెన్సీ (App Tracking Transparency) వంటి ఫీచర్ ఉంది. ఇది ఏ యాప్ మీ సమాచారాన్ని ఉపయోగించవచ్చో మీరే నిర్ణయించుకోవడానికి అనుమతిస్తుంది. ఆండ్రాయిడ్‌లో కూడా భద్రత ఉంటుంది. కానీ ఆపిల్ ప్రైవసీ సిస్టమ్ మరింత పవర్ ఫుల్ గా ఉంటుంది. ఇది వినియోగదారులకు తమ డేటాపై కంప్లీట్ కంట్రోల్ అందిస్తుంది.

3. ఎ-సిరీస్ చిప్ (A-Series Chip)
ఆపిల్ తన ఐఫోన్‌ల కోసం సొంతంగా ఎ-సిరీస్ చిప్‌సెట్‌లను డిజైన్ చేస్తుంది. వీటిని ప్రపంచంలోనే అత్యంత వేగవంతమైన స్మార్ట్‌ఫోన్ ప్రాసెసర్‌లుగా పరిగణిస్తారు. గేమింగ్, వీడియో ఎడిటింగ్ లేదా మల్టీటాస్కింగ్ వంటి పనులలో ఐఫోన్ చాలా స్మూత్ పర్ఫామెన్స్ అందిస్తుంది. ఆండ్రాయిడ్ ఫోన్‌లలో వేర్వేరు ప్రాసెసర్‌లు ఉన్నప్పటికీ, ఆపిల్ తన హార్డ్‌వేర్, సాఫ్ట్‌వేర్‌లను ఆప్టిమైజ్ చేయడం ద్వారా అద్భుతమైన పనితీరును అందిస్తుంది.

Read Also:TDP Mahanadu : టీడీపీ మహానాడుకు సర్వం సిద్ధం.. భారీగా తరలిరానున్న జనసందోహం!

4. ఆపిల్ ఎకోసిస్టమ్ (Apple Ecosystem)
ఐఫోన్, ఐప్యాడ్ (iPad), మ్యాక్‌బుక్ (MacBook), ఆపిల్ వాచ్ (Apple Watch) వంటి ఆపిల్ డివైజ్‌లన్నీ ఒకదానితో ఒకటి సజావుగా కనెక్ట్ అవుతాయి. మీరు ఐఫోన్ నుంచి కాల్ ప్రారంభించి మ్యాక్‌బుక్‌కు బదిలీ చేయవచ్చు, లేదా ఎయిర్‌డ్రాప్ (AirDrop) ద్వారా ఒక డివైజ్ నుంచి మరొక డివైజ్‌కు ఫైల్‌లను పంపవచ్చు. ఈ అతుకులు లేని కనెక్టివిటీ ఆపిల్ ఎకోసిస్టమ్‌ను చాలా ప్రత్యేకమైనదిగా చేస్తుంది. ఇది ఆండ్రాయిడ్ ప్రపంచంలో అంత సులభంగా లభించదు.

5. సాఫ్ట్‌వేర్, హార్డ్‌వేర్ ఇంటిగ్రేషన్ (Software and Hardware Integration)
ఆపిల్ తన సొంత హార్డ్‌వేర్ (ఫోన్), సాఫ్ట్‌వేర్ (iOS) రెండింటినీ నియంత్రిస్తుంది. దీనివల్ల రెండుంటినీ ఒకదానికొకటి సంపూర్ణంగా సరిపోయేలా ఆప్టిమైజ్ చేయగలదు. ఈ బలమైన ఇంటిగ్రేషన్ బెస్ట్ పర్ఫామెన్స్, బ్యాటరీ లైఫ్, సేఫ్టీని అందిస్తుంది. ఆండ్రాయిడ్ ఫోన్‌లలో హార్డ్‌వేర్ , సాఫ్ట్‌వేర్ సాధారణంగా వేర్వేరు కంపెనీల నుండి వస్తాయి. దీనివల్ల ఆప్టిమైజేషన్ సవాళ్లు ఉంటాయి. ఈ ప్రత్యేక ఫీచర్‌లు ఐఫోన్‌ను మార్కెట్‌లో ఒక ప్రత్యేకమైన స్థానంలో నిలబెడతాయి. అందుకే ఇది అనేక మంది వినియోగదారులను ఆకర్షిస్తుంది.