Passport Process : ఆన్‌లైన్‌లో త్వరగా పాస్‌పోర్ట్ ఎలా పొందాలి?.. అవసరమైన పత్రాలు ఇవే!

Passport Process : నేటి డిజిటల్ ప్రపంచంలో పాస్‌పోర్ట్ పొందడం గతంలో అంత కష్టమేమీ కాదు. చదువు, ఉద్యోగం లేదా టూర్ల కోసం విదేశాలకు వెళ్లాలని ఆలోచిస్తున్నట్లయితే, పాస్‌పోర్ట్ అత్యంత ముఖ్యమైన పత్రం. గుడ్ న్యూస్ ఏంటంటే.. ఇప్పుడు మీరు ఇంట్లో కూర్చునే ఆన్‌లైన్‌లో పాస్‌పోర్ట్ కోసం దరఖాస్తు చేసుకోవచ్చు. ఈ మొత్తం ప్రక్రియ ఇప్పుడు సులభంగా, వేగంగా, ట్రాక్ చేయవచ్చు. ఆన్‌లైన్‌లో పాస్‌పోర్ట్‌ను త్వరగా ఎలా పొందాలో, ఏయే పత్రాలు అవసరమో, పూర్తి ప్రక్రియను ఈ వార్తలో తెలుసుకుందాం.

పాస్‌పోర్ట్ కోసం అవసరమైన పత్రాలు:
పాస్‌పోర్ట్ కోసం కొన్ని ముఖ్యమైన పత్రాలు అవసరం. జనరల్ ప్రాసెస్ లో దరఖాస్తు చేస్తున్నారా లేదా తత్కాల్ (Tatkal) విధానంలో దరఖాస్తు చేస్తున్నారా అనే దానిపై ఇది ఆధారపడి ఉంటుంది. సాధారణంగా ఈ క్రింది పత్రాలు అవసరం అవుతాయి:
* గుర్తింపు ధ్రువీకరణ పత్రం (ID Proof): ఆధార్ కార్డ్, ఓటర్ ID, పాన్ కార్డ్, డ్రైవింగ్ లైసెన్స్.
* చిరునామా ధ్రువీకరణ పత్రం (Address Proof): విద్యుత్ బిల్లు, బ్యాంకు స్టేట్‌మెంట్ (ఒక సంవత్సరం), రేషన్ కార్డ్, బ్యాంక్ పాస్‌బుక్.
* పుట్టిన తేదీ ధ్రువీకరణ పత్రం (DOB Proof): 10వ తరగతి మార్కుల జాబితా లేదా పుట్టిన తేదీ ధ్రువీకరణ పత్రం.
* పాస్‌పోర్ట్ సైజు ఫోటో: ఇటీవల తీసిన పాస్‌పోర్ట్ సైజు ఫోటో.

Read Also:Aloo Dahi Sabzi : వేసవిలో పిల్లల నుంచి పెద్దల వరకు అందరూ ఇష్టపడే రుచికరమైన ఆలూ దహీ సబ్జీ రెసిపీ

ఆన్‌లైన్ పాస్‌పోర్ట్ దరఖాస్తుకు సులభమైన ప్రక్రియ:
ముందుగా భారత ప్రభుత్వ అధికారిక పోర్టల్ అయిన passportindia.gov.in వెబ్‌సైట్‌ను సందర్శించండి.’New User Registration’పై క్లిక్ చేసి, మీ పేరు, ఇమెయిల్, పాస్‌వర్డ్, నగరం, మొబైల్ నంబర్ వంటి వివరాలను నమోదు చేయండి. రిజిస్ట్రేషన్ తర్వాత, మీ ఇమెయిల్‌కు ఒక లింక్ వస్తుంది. ఆ లింక్‌పై క్లిక్ చేసి మీ ఖాతాను యాక్టివేట్ చేయండి.
లాగిన్ చేసి ఫారమ్ నింపండి: ఇప్పుడు లాగిన్ చేసి, ‘Apply for Fresh Passport/Reissue’పై క్లిక్ చేయండి. ఫారమ్‌లో అడిగిన వివరాలు (పేరు, చిరునామా, తల్లిదండ్రుల పేరు, విద్య, ఎమర్జెన్సీ కాంటాక్ట్ నంబర్ మొదలైనవి) జాగ్రత్తగా నింపండి. అడిగిన పత్రాలను స్కాన్ చేసి అప్‌లోడ్ చేయండి. పత్రాలు స్పష్టంగా స్కాన్ చేసినవి, సరైన ఫార్మాట్‌లో (PDF లేదా JPEG) ఉన్నవి అప్ లోడ్ చేయాలి. మీకు దగ్గరలోని పాస్‌పోర్ట్ సేవా కేంద్రం (PSK) లేదా పోస్ట్ ఆఫీస్ పాస్‌పోర్ట్ సేవా కేంద్రం (POPSK) సెలక్ట్ చేసుకోవాలి. అందుబాటులో ఉన్న తేదీ, టైం స్లాట్‌ను సెలక్ట్ చేసుకోవాలి. డెబిట్/క్రెడిట్ కార్డ్ లేదా నెట్ బ్యాంకింగ్ ద్వారా సంబంధింత డబ్బులు చెల్లించాలి. మీరు సెలక్ట్ చేసుకున్న టైంకు ఒరిజినల్ డాక్యుమెంట్లతో PSKకి వెళ్లండి. అక్కడ మీ బయోమెట్రిక్ వివరాలు, ఫోటో తీసుకుంటారు. మీకు ఒక ఫైల్ నంబర్ లభిస్తుంది. దీని ద్వారా మీరు మీ పాస్‌పోర్ట్ స్టేటస్ ఆన్‌లైన్‌లో ట్రాక్ చేయవచ్చు.

Read Also:Mahindra : ఎలక్ట్రిక్ కార్లకు గట్టి పోటీ – కొత్త హైబ్రిడ్ మోడళ్లతో మహీంద్రా సంచలనం

పాస్‌పోర్ట్ ఎన్ని రోజుల్లో వస్తుంది?
సాధారణ ప్రక్రియలో 10 నుండి 30 రోజుల్లో పాస్‌పోర్ట్ వస్తుంది. తత్కాల్ ప్రక్రియలో 3 నుండి 7 రోజుల్లో పాస్‌పోర్ట్ వస్తుంది (పోలీస్ వెరిఫికేషన్ పెండింగ్‌లో లేకపోతే).ఎటువంటి అడ్డంకులు లేకుండా పాస్‌పోర్ట్‌ను త్వరగా పొందాలంటే, అన్ని డాక్యుమెంట్లను రెడీగా ఉంచుకోవాలి. అన్ని పత్రాలలో మీ పేరు, చిరునామా ఒకే విధంగా ఉన్నాయ లేదా కన్ఫాం చేసుకోవాలి. ఆధార్ కార్డులో ఏవైనా తప్పులు ఉంటే, ముందుగా వాటిని సరి చేయించుకోవాలి. తత్కాల్ విధానంలో దరఖాస్తు చేసేటప్పుడు ఒక ప్రత్యేక వెరిఫికేషన్ డాక్యుమెంట్ (అనెక్సర్‌ F లేదా E) అవసరం అవుతుంది. అది లేకపోతే ఆన్‌లైన్ అపాయింట్‌మెంట్ లేకుండా పాస్‌పోర్ట్ సేవా కేంద్రంలో ఎంట్రీ లభించదు. ఈ సూచనలను పాటించడం ద్వారా పాస్‌పోర్ట్‌ను ఈజీగా పొందవచ్చు.