Lata Mangeshkar:వచ్చే జన్మలో అబ్బాయిగా పుట్టాలనుకున్న లెజండరీ సింగర్

Lata Mangeshkar: లతా మంగేష్కర్… హిందీ సినిమా చరిత్రలో అత్యంత ఆదరణ పొందిన గాయని. ఆమెలాంటి గాయని ఇప్పటివరకు రాలేదు, ఇక రాబోదు కూడా. లతా మంగేష్కర్ ఇప్పుడు మన మధ్య లేకపోయినా, ఆమె పాటలు ద్వారా అభిమానుల హృదయాల్లో ఎప్పటికీ సజీవంగా ఉంటారు. ఆమె బాలీవుడ్‌లో ఆరు దశాబ్దాల పాటు రాజ్యమేలారు. అనేక బ్లాక్‌బస్టర్ పాటలు పాడారు. తన కెరీర్‌లో ఆమె ఎంతో కీర్తి ప్రతిష్టలు సంపాదించారు. అయినప్పటికీ, ఆమె తదుపరి జన్మలో లతా మంగేష్కర్‌గా పుట్టడానికి ఇష్టపడలేదు. ఒకవేళ తనకు పునర్జన్మ ఉంటే, తాను అమ్మాయిగా కాకుండా అబ్బాయిగా పుట్టాలని దేవుడిని కోరుకున్నానని ఆమె అన్నారు.

హిందీతో పాటు అనేక ఇతర భాషల్లో వేల పాటలకు గాత్రదానం చేసిన లతా మంగేష్కర్ ఒక ఇంటర్వ్యూలో ఇలా అన్నారు.. “మేము హిందువులం, పునర్జన్మను నమ్ముతాం. ఒకవేళ నిజంగా పునర్జన్మ ఉంటే దేవుడు నాకు పునర్జన్మ ఇవ్వకుండా ఉంటే బాగుండు. ఒకవేళ పునర్జన్మ ఇవ్వాల్సి వస్తే భారత్‌లోనే ఇవ్వండి. మహారాష్ట్రలోనే ఇవ్వండి. చిన్న ఇంట్లోనే ఇవ్వండి. అమ్మాయిగా కాదు, అబ్బాయిగా పుట్టించండి.” లతా మంగేష్కర్ మొదట్నుంచీ చాలా కష్టపడ్డారు. తన కెరీర్‌లో అనేక సవాళ్లను ఎదుర్కొన్నారు. ఆమె తన జీవితంలో ఎన్నో కష్టాలను, బాధలను అనుభవించారు, ఈ కారణంగానే ఆమె తిరిగి అమ్మాయిగా జన్మించకూడదని కోరుకున్నారు.

Read Also:Miss World 2025:అందం ఒక్కటే కాదు, మిస్ వరల్డ్ 2025 విజేతను నిర్ణయించే అసలు రహస్యాలు ఇవే!

జీవితాంతం పెళ్లి చేసుకోని లతా మంగేష్కర్
లతాజీ మధ్యప్రదేశ్‌లోని ఇండోర్‌లో 1929 సెప్టెంబర్ 28న జన్మించారు. ‘భారత రత్న’ లతాజీ జీవితాంతం పెళ్లి చేసుకోకుండానే ఉన్నారు. ఆమె తన జీవితాన్ని ఒంటరిగానే గడిపారు. లతాజీ తన ఐదుగురు తోబుట్టువులలో (మీనాతాయ్ మంగేష్కర్, ఆశా భోంస్లే, ఉషా మంగేష్కర్, హృదయనాథ్ మంగేష్కర్) అందరికంటే పెద్దవారు. ప్రముఖ గాయని వయస్సు కేవలం 13 సంవత్సరాలు ఉన్నప్పుడే ఆమె తండ్రి పండిట్ దీనానాథ్ మంగేష్కర్ కన్నుమూశారు. దీంతో ఇల్లు, చిన్న తోబుట్టువుల బాధ్యత లతాజీపై పడింది. ‘ఆజ్ తక్’కు ఇచ్చిన ఒక ఇంటర్వ్యూలో లతా సోదరి మీనాతాయ్ మంగేష్కర్ మాట్లాడుతూ.. “ఆమె మమ్మల్ని విడిచి దూరంగా వెళ్లడానికి ఇష్టపడలేదు. అందుకే ఆమె పెళ్లి చేసుకోలేదు” అని అన్నారు.

92 సంవత్సరాల వయస్సులో కన్నుమూత
లతా మంగేష్కర్ ఈ లోకాన్ని విడిచి మూడు సంవత్సరాలకు పైగా అయ్యింది. ఆమె 2022 ఫిబ్రవరి 6న ముంబైలోని బ్రీచ్ క్యాండీ ఆసుపత్రిలో తుది శ్వాస విడిచారు. లతా మంగేష్కర్ 92 సంవత్సరాల వయస్సులో కన్నుమూశారు.

Read Also:NEET PG : నీట్ పీజీ ఒకే షిఫ్ట్.. సుప్రీం కోర్టు సంచలన ఆదేశం