Car Protection Tips : కారులో ఎలుకల బెడద.. 3 సింపుల్ చిట్కాలతో ఇక అంతా క్లియర్!

Car Protection Tips : ఎవరిదైనా కారు ఎక్కువ రోజులు ఒకే చోట ఆగి ఉన్నా లేక తరచుగా వాడకుండా పడి ఉన్నా.. ఆ కారులోకి ఎలుకలు చేరే ప్రమాదం ఉంటుంది. ఈ చిన్న ఎలుకలు కారులోని వైర్లను కొరకవచ్చు. సీట్ కవర్‌లను పాడు చేయవచ్చు. చివరికి ఇంజిన్‌కు కూడా నష్టం కలిగించవచ్చు. కానీ భయపడాల్సిన అవసరం లేదు. ఎలుకల బెడద నుంచి మీ కారును కాపాడుకోవడానికి మూడు సులభమైన మార్గాలను ఈ కథనంలో తెలుసుకుందాం. ఈ చిట్కాలను పాటిస్తే కారు ఎలుకల నుంచి సురక్షితంగా ఉంటుంది.

1. నాఫ్తలీన్ బాల్స్‌ (నెక్సల్ గోలీలు) ఉపయోగించాలి
నాఫ్తలీన్ గోలీలు (మరుగుదొడ్లలో వాడే తెల్లటి బాల్స్) వాసన ఎలుకలకు అస్సలు నచ్చదు. వాటి వాసన అంటే ఎలుకలు పారిపోతాయి.వీటిని మీరు కారు బోనెట్ లోపల, టైర్ల దగ్గర లేదా డిక్కీలో పెట్టవచ్చు. అయితే, ఒక ముఖ్యమైన విషయం గుర్తుంచుకోండి. నాఫ్తలీన్ గోలీలను పిల్లలకు, పెంపుడు జంతువులకు దూరంగా ఉంచాలి. అవి విషపూరితం కావచ్చు.

Read Also:IPL 2025 : హెడ్, క్లాసెన్, అభిషేక్ మెరుపులు.. ఢిల్లీలో హైదరాబాద్ బ్యాటర్ల సింహతాండవం!

2. అల్ట్రాసోనిక్ రిపెల్లర్ (Ultrasonic Repeller) అమర్చాలి
ఇది ఒక ఎలక్ట్రానిక్ పరికరం. ఇది మనుషులకు వినిపించని, కానీ ఎలుకలను ఇబ్బంది పెట్టే అల్ట్రాసోనిక్ శబ్దాలను విడుదల చేస్తుంది.దీన్ని కారు ఇంజిన్ ఏరియాలో అమర్చాలి.ఇది కొంచెం ఖరీదైనది అయినప్పటికీ దీర్ఘకాలం పనిచేస్తుంది. చాలా ప్రభావవంతంగా ఉంటుంది. ఇది ఎలుకలు కారులోకి రాకుండా నిరోధిస్తుంది.

3. కారును తరచుగా శుభ్రంగా ఉంచాలి
మీ కారు ఎక్కువ రోజులు ఒకే చోట నిలిచి ఉంటే, ఎలుకలు అందులో సులభంగా నివాసం ఏర్పరుచుకుంటాయి. కారును ప్రతిరోజూ కొద్దిసేపు అయినా నడపడానికి ప్రయత్నించాలి. కారు కదిలినా, ఇంజిన్ స్టార్ట్ చేసినా ఎలుకలు పారిపోతాయి. కారు లోపల తినే పదార్థాలను అస్సలు వదిలివేయవద్దు. ఎలుకలకు ఆహారపు వాసన త్వరగా తెలుస్తుంది. అందుకే అవి కారులోకి వస్తాయి. కారును క్రమం తప్పకుండా శుభ్రం చేయాలి. ముఖ్యంగా కారు సీట్ల కింద, డ్యాష్‌బోర్డ్ వెనుక భాగంలో శుభ్రంగా ఉంచాలి. చాలా మంది కారును ఎక్కువ కాలం రోడ్డుపై లేదా గల్లిలో పార్క్ చేసి వదిలేస్తారు. ఇలా చేయడం వల్ల ఎలుకలు చేరినా కనిపించవు. దీనికి బదులుగా, కారును ఎప్పుడూ కవర్‌తో కప్పి ఉంచాలి. వీలైనంత వరకు కారును ఎప్పుడూ ఇండోర్ పార్కింగ్లోనే పార్క్ చేయడానికి ప్రయత్నించాలి. ఈ చిట్కాలను పాటిస్తే కారు ఎలుకల బారి నుండి సురక్షితంగా ఉంటుంది.

Read Also:Instagram : బంధాలను బలోపేతం చేసే ఇన్‌స్టాగ్రామ్ ఫీచర్.. బ్లెండ్ గురించి పూర్తి వివరాలివే!