Instagram : బంధాలను బలోపేతం చేసే ఇన్‌స్టాగ్రామ్ ఫీచర్.. బ్లెండ్ గురించి పూర్తి వివరాలివే!

Instagram : తమ యూజర్లకు మంచి అనుభవాన్ని అందించేందుకు ఇన్‌స్టాగ్రామ్ ఎప్పుడూ కొత్త ఫీచర్లను తీసుకొస్తూనే ఉంటుంది. ఇప్పుడు ఇన్‌స్టాగ్రామ్ ఒక కొత్త, ప్రత్యేకమైన ఫీచర్‌ను పరిచయం చేసింది. దాని పేరే ‘బ్లెండ్’ (Blend). ఈ ఫీచర్ ముఖ్యంగా తమ పార్ట్‌నర్‌, బెస్ట్ ఫ్రెండ్, లేదా ఎవరైనా సన్నిహితులతో తమ సోషల్ మీడియా అనుభవాన్ని పంచుకోవాలనుకునే వారి కోసం రూపొందించారు. ఈ బ్లెండ్ ఫీచర్ ఏమిటి.. దీనివల్ల ఎలాంటి ప్రయోజనం కలుగుతుందో చూద్దాం.

ఏంటి ఈ ‘బ్లెండ్’ ఫీచర్?
బ్లెండ్ ఫీచర్ సహాయంతో మీరు, మీ పార్ట్‌నర్ ఇద్దరూ ఒకే రకమైన కంటెంట్‌ను మీ ఫీడ్‌లో చూడవచ్చు. దీని అర్థం ఏమిటంటే.. ఇన్ ‌స్టాగ్రామ్‌లో మీకు నచ్చిన రీల్స్, పోస్ట్‌లు, కంటెంట్, అలాగే మీ స్నేహితుడికి నచ్చిన కంటెంట్, ఈ రెండింటినీ కలిపి ఒకే ఫీడ్‌లో మీకు కనిపిస్తాయి. దీనిలో మంచి విషయం ఏమిటంటే.. ఈ మిక్స్డ్ ఫీడ్‌ను మీరు, మీ పార్ట్‌నర్ మాత్రమే చూడగలరు. మరెవరూ చూడలేరు.

Read Also:Vitamin D : విటమిన్ డి లోపంతో బాధపడుతున్నారా?.. ఎముకలకు మేలు చేసే 4 శాకాహార ఆహారాలివే !

బ్లెండ్ ఫీచర్ ఎలా పనిచేస్తుంది?
ఈ ఫీచర్‌ను ఉపయోగించడం చాలా సులభం. మీరు ఎవరినైనా బ్లెండ్‌లోకి ఆహ్వానించవచ్చు. అది మీ పార్ట్‌నర్ కావచ్చు, బెస్ట్ ఫ్రెండ్ కావచ్చు, అక్క-చెల్లెళ్లు, అన్నదమ్ములు, లేదా మీ దగ్గరి బంధువులు కావచ్చు. మీరు ఎవరినైనా బ్లెండ్‌లోకి ఇన్వైట్ చేసినప్పుడు వారికి ఒక మెసేజ్ వెళ్తుంది. వారు మీ ఇన్వైట్ ను అంగీకరించగానే, ఇన్‌స్టాగ్రామ్ మీ ఇద్దరి ఇష్టమైన కంటెంట్‌ను కలిపి ఒక ప్రత్యేకమైన ఫీడ్‌ను తయారు చేస్తుంది.ఈ ఫీడ్ మీకు DMs (డైరెక్ట్ మెసేజెస్) విభాగంలో కనిపిస్తుంది. ఇందులో మీ అభిరుచులు, మీ పార్ట్‌నర్ అభిరుచులు రెండింటి కలయిక కనిపిస్తుంది.

బ్లెండ్ వల్ల యూజర్లకు కలిగే లాభాలు 
ఈ బ్లెండ్ ఫీచర్ వల్ల యూజర్లకు చాలా ప్రయోజనాలున్నాయి. ఇకపై మీరు, మీ పార్ట్‌నర్ ఇద్దరూ ఒకే రకమైన సరదా లేదా ట్రెండింగ్ కంటెంట్‌ను చూడగలుగుతారు.ఒక పోస్ట్‌ను మరొకరికి పంపించాల్సిన అవసరం లేదు. మీరిద్దరికీ ఆ పోస్ట్ ముందుగానే కనిపిస్తుంది. దీనివల్ల చర్చలు, అభిప్రాయాలు పంచుకోవడం సులభతరం అవుతుంది.మీ పార్ట్‌నర్‌తో కలిసి ఇన్‌స్టాగ్రామ్‌ను ఉపయోగించడం మరింత ప్రత్యేకంగా మారుతుంది. మీ ఇద్దరి ఇంట్రెస్టులు పంచుకోవడం వల్ల బంధం మరింత బలపడుతుంది. బ్లెండ్ ఫీచర్ మీకు, మీరు ఇన్వైట్ చేసిన ఆ ప్రత్యేక వ్యక్తికి మాత్రమే కంటెంట్‌ను చూపిస్తుంది.

Read Also:MS Dhoni: ధోనీకి చివరి మ్యాచ్ ఈ రోజేనా!

బ్లెండ్ ఫీచర్ ప్రైవేటా?
ఈ బ్లెండ్ ఫీచర్ పూర్తిగా ప్రైవేట్. మీ, మీ పార్ట్‌నర్ బ్లెండ్ ఫీడ్‌ను మరెవరూ చూడలేరు. ఇది పూర్తిగా వ్యక్తిగతం, ప్రైవసీతో కూడిన అనుభవాన్ని అందిస్తుంది.