Relationship: 2-2-2 నియమం గురించి మీకు తెలుసా? భార్య భర్తల రిలేషన్ ను స్ట్రాంగ్ చేస్తుంది..

Relationship: భార్య భర్తల ప్రేమ పెళ్లి అయిన కొత్తలో ఉన్నట్టుగా రోజులు పెరుగుతున్న కొద్ది ఉండదు అనేది కామన్. ఇద్దరు ఒకరి గురించి ఒకరు తెలుసుకుంటారు. సో కాస్త ప్రేమ తగ్గుతుంది. మరీ ముఖ్యంగా బాధ్యతలు పెరుగుతాయి. మరింత బిజీ అవుతారు. కొన్ని సార్లు ఒకే గదిలో ఉన్నప్పటికీ ఒకరికొకరు దూరంగా ఉంటారు. ఇలాంటి సమయం వస్తే మాత్రం జాగ్రత్త పడాల్సిందే. అందుకే జంటలు హ్యాపీగా ఉండాలంటే ప్రతి ఒక్కరు 2-2-2 నియమాన్ని పాటించాలి. ఇదేందిది అనుకుంటున్నారా? ఎందుకంటే దీనివల్ల సంబంధం మళ్ళీ శక్తివంతం అవుతుంది. మరి అదేంటంటే?

2-2-2 నియమం జంటలు క్రమం తప్పకుండా ఒకరితో ఒకరు ప్రత్యేక సమయాన్ని గడపడానికి అనుమతిస్తుంది. ఇవి పెద్ద హావభావాలు తెలపడానికి ఏం కాదు. కానీ మీ ఇద్దరికీ ప్రత్యేకమైన అనుభూతిని కలిగించే, మీ సంబంధాన్ని బలోపేతం చేసే చిన్న క్షణాలు. 2-2-2 నియమం మొదటి అడుగు ప్రతి రెండు వారాలకు ఒకసారి డేట్ నైట్ కలిగి ఉండటం.

డేట్ నైట్: ప్రతి రెండు వారాలకు ఒకసారి డేటింగ్ నైట్ అనేది ఒక సాధారణ విషయం అంటున్నారు నిపుణులు. కానీ దానిలో ఒక మాయాజాలం దాగి ఉందండోయ్. అది మీ సంబంధానికి కొత్త మెరుపును యాడ్ చేస్తుంది. మీకు ఇష్టమైన రెస్టారెంట్ అయినా, సినిమా అయినా, లేదా కొత్తగా ఏదైనా చేయాలనే ప్రణాళిక అయినా, ఈ డేటింగ్ రాత్రులలో మీరిద్దరూ ఒకరిపై ఒకరు మాత్రమే దృష్టి పెట్టగలరు. ఇది రోజువారీ ఒత్తిడికి దూరంగా ఉండే సమయం. ప్రేమను తిరిగి రేకెత్తించడానికి, మంచి సంభాషణలు చేయడానికి ఒక సమయం కావచ్చు.

విహారయాత్ర: 2-2-2 నియమం రెండవ దశ ఏమిటంటే, ప్రతి రెండు నెలలకు ఒకసారి వీకెండ్ విహారయాత్రను ప్లాన్ చేసుకోండి. ఇది మీ ఇద్దరికీ, మీ రోజువారీ బాధ్యతల నుంచి విముక్తి కలిగించే సమయం. అలాంటి చిన్న ప్రయాణం సంబంధానికి ఉత్సాహాన్ని ఇస్తుంది. దగ్గరలోని నగరానికి రోడ్ ట్రిప్ అయినా లేదా అందమైన క్యాబిన్‌లో రెండు రోజుల బస అయినా, ఈ చిన్న విరామం మీ సంబంధాన్ని కొత్త శక్తితో, చిరస్మరణీయ క్షణాలతో నింపుతుంది.

ప్రతి రెండు సంవత్సరాలకు ఒక వారం సెలవు
2-2-2 నియమం మూడవ చివరి దశ ప్రతి రెండు సంవత్సరాలకు ఒక వారం రోజుల సెలవు పెట్టాలి. ఇప్పటికీ మీరు ఎప్పుడైనా వారం రోజులు ఎటైనా వెళ్లారా? వారం రోజులు సెలవు తీసుకున్నారా? కానీ కచ్చితంగా తీసుకోవాలి అంటున్నారు నిపునులు. ఇది రోజువారీ జీవితంలోని హడావిడి లేకుండా, ఒకరితో ఒకరు లోతైన స్థాయిలో కనెక్ట్ అయ్యే అవకాశాన్ని ఇస్తుంది. మీ సంబంధాన్ని రీఛార్జ్ చేసుకోవడానికి, పాత జ్ఞాపకాలను రిఫ్రెష్ చేసుకోవడానికి ఇది ఒక సువర్ణావకాశం. బీచ్‌లో సమయం గడపడం అయినా, కొత్త ప్రదేశాన్ని సందర్శించడం అయినా లేదా కలల సెలవులను ప్లాన్ చేసుకోవడం అయినా, ఈ సమయం ఒకరినొకరు అర్థం చేసుకోవడానికి, దగ్గరవ్వడానికి మీకు అవకాశం ఇస్తుంది.

2-2-2 నియమం ఎందుకు పనిచేస్తుంది
ఈ నియమం బయటకు వెళ్ళడానికి ఒక సాకు మాత్రమే కాదు. ఒకరిపై ఒకరు దృష్టి పెట్టడానికి, బహిరంగంగా సంభాషించడానికి, మీ సంబంధాన్ని బలంగా ఉంచుకోవడానికి ఇది ఒక మార్గం. ఈ నియమం జంటల మధ్య పరస్పర విశ్వాసాన్ని పెంచుతుంది. వారు ఒకరికొకరు తమ ప్రేమను వ్యక్తపరచుకునే అవకాశాన్ని ఇస్తుంది. ప్రణాళికతో సమయాన్ని గడపడం ద్వారా, జంటలు తమ సంబంధాల నాణ్యతను కాపాడుకోవచ్చు. రోజువారీ జీవితంలోని సమస్యల నుంచి దూరంగా ఉండటం ద్వారా ఆనందం, ఉత్సాహంతో నిండిన క్షణాలను ఆస్వాదించవచ్చు.