WiFi Speed Increase : మోడీ సర్కార్ నిర్ణయంతో మీ ఇంటి వైఫై స్పీడ్ ఇక రాకెట్ లా దూసుకెళ్తుంది
- Edited By: rocky,
- Updated on May 21, 2025 / 09:26 PM
WiFi Speed Increase : భారత ప్రభుత్వం టెలికాం రంగంలో ఒక సంచలన నిర్ణయం తీసుకుంది. 6 గిగాహెర్ట్జ్ స్పెక్ట్రమ్ బ్యాండ్ (6GHz spectrum band)లోని ఒక భాగాన్ని లైసెన్స్ లేకుండా ఉచితంగా వాడుకోవడానికి పర్మీషన్ ఇచ్చింది. ఈ నిర్ణయం దేశవ్యాప్తంగా ఉన్న ఇంటర్నెట్ యూజర్లపై, ముఖ్యంగా బ్రాడ్‌బ్యాండ్, వైఫై సేవలు వాడుకునే వారిపై నేరుగా ప్రభావం చూపుతుంది. ప్రభుత్వం తీసుకున్న ఈ చర్యతో దేశంలో మరింత మెరుగైన, వేగవంతమైన వైఫై కనెక్టివిటీ అందుబాటులోకి రానుంది. ఇది దేశవ్యాప్తంగా ఇంటర్నెట్ ఎక్స్ పీరియన్స్ గణనీయంగా మెరుగుపరుస్తుంది.
ఇప్పటివరకు వైఫై సేవలు 2.4GHz నుంచి 5GHz బ్యాండ్‌లపై మాత్రమే అందుబాటులో ఉన్నాయి. ఇవి గరిష్టంగా 1.3 Gbps (గిగాబిట్స్ పర్ సెకను) వరకు స్పీడ్‌ను అందిస్తాయి. కానీ ఇప్పుడు 6GHz బ్యాండ్ అందుబాటులోకి రావడంతో ఈ స్పీడ్ ఏకంగా 9.6 Gbps వరకు పెరిగే అవకాశం ఉంది. అయితే, ఈ హై స్పీడ్‌ను పొందాలంటే యూజర్ల దగ్గర దీనికి సపోర్ట్ చేసే రూటర్లు, డివైజ్‌లు ఉండాలి.
Read Also:Honda : క్రెటా కన్నా ఖరీదైన స్కూటర్ లాంచ్.. ధర ఎంతో తెలిస్తే కళ్లు బైర్లు తిరగడం ఖాయం
ఈ కొత్త సదుపాయం ప్రయోజనాన్ని పొందాలంటే, యూజర్లు తమ ప్రస్తుతం వాడుతున్న వైఫై రూటర్‌లను అప్‌గ్రేడ్ చేసుకోవాల్సి ఉంటుంది. WiFi 6E లేదా WiFi 7 వంటి నెక్స్ట్ జనరేషన్ టెక్నాలజీకి సపోర్ట్ చేసే డివైజ్‌లు మాత్రమే ఈ హై-స్పీడ్ ఇంటర్నెట్ ప్రయోజనాన్ని పొందగలవు. కాబట్టి, ఈ స్పీడ్ ఆస్వాదించాలంటే కొత్త రూటర్లు కొనడం తప్పనిసరి అవుతుంది.
ప్రభుత్వం తీసుకున్న ఈ నిర్ణయంతో భారత్ ఇప్పుడు ప్రపంచంలోని 84 కంటే ఎక్కువ దేశాల జాబితాలో చేరింది. ఈ దేశాలు ఇప్పటికే 6GHz బ్యాండ్‌ను లైసెన్స్ లేకుండా ఉపయోగించడానికి అనుమతి ఇచ్చాయి. అమెరికా, బ్రిటన్, సౌత్ కొరియా, జపాన్ వంటి దేశాలు ఈ జాబితాలో ఇప్పటికే ఉన్నాయి. TRAI (టెలికాం రెగ్యులేటరీ అథారిటీ ఆఫ్ ఇండియా) ఈ స్పెక్ట్రమ్‌ను తెరవాలని సుమారు రెండేళ్ల క్రితమే సిఫార్సు చేసింది. ఇప్పుడు దీనికి ప్రభుత్వం నుంచి ఆమోదం లభించింది.
Read Also:Teamindia: టీమిండియా టెస్ట్ కెప్టెన్ ఫిక్స్ అయ్యేది ఆ రోజే!
అయితే, టెలికాం ఆపరేటర్లు ఈ నిర్ణయంతో పూర్తిగా సంతృప్తిగా లేరు. జియో, ఎయిర్‌టెల్, వోడాఫోన్ ఐడియా (Vi) వంటి కంపెనీలు మొత్తం 6GHz బ్యాండ్‌ను తమకే ఇవ్వాలని వాదిస్తున్నాయి. 4G, 5G నెట్‌వర్క్‌ల విస్తరణ కోసం దీన్ని ఉపయోగించుకోవచ్చని వారి వాదన. మరోవైపు, గూగుల్, మెటా, క్వాల్‌కామ్ వంటి టెక్ కంపెనీలకు ఈ నిర్ణయం చాలా లాభదాయకంగా ఉండొచ్చు. ఎందుకంటే, ఇప్పుడు అవి భారతదేశంలో హై-స్పీడ్ వైఫైకి సపోర్ట్ చేసే డివైజ్‌లు, సాఫ్ట్‌వేర్‌లను సులభంగా ప్రవేశపెట్టనున్నాయి. ఇది భవిష్యత్తులో టెక్నాలజీ రంగంలో కొత్త ఆవిష్కరణలకు దారి తీయవచ్చు.
