Viral Video : ఏనుగు తెలివికి అవాక్కైన ప్రపంచం.. ఈ వీడియో తప్పకుండా చూడాల్సిందే!

Viral Video : అడవిలో ఏనుగు కేవలం అత్యంత శక్తివంతమైన జంతువు మాత్రమే కాదు, అది చాలా తెలివైన జంతువు కూడా. ఇంటర్నెట్‌లో ఇలాంటి సంఘటనలకు సంబంధించిన అనేక వీడియోలు వైరల్ అయ్యాయి.ఇవి ఈ విషయాన్ని గట్టిగా నిరూపిస్తాయి. ప్రస్తుతం గజరాజుకు సంబంధించిన అలాంటి ఒక వీడియో (Elephant Viral Video) అందరి దృష్టిని ఆకర్షిస్తోంది. ఈ వీడియోలో ఏనుగు చాలా తెలివిగా ఒక విద్యుత్ కంచెను (Electric Fence) ఎలా దాటిందో చూపిస్తుంది. వైరల్ క్లిప్‌లో ఏనుగు తన తెలివితేటలతో అందరినీ ఆశ్చర్యపరిచింది.

ఈ వీడియోను ఇండియన్ ఫారెస్ట్ సర్వీస్ (IFS) అధికారి ప్రవీణ్ కస్వాన్ తన ‘ఎక్స్’ (గతంలో ట్విట్టర్) అకౌంట్‌లో షేర్ చేశారు. విద్యుత్ కంచెను ముందుగా ఎలా నిష్క్రియం చేసింది. ఆపై సులభంగా ఎలా దాటిందో వీడియోలో చూడవచ్చు. ఇలాంటి అనేక ఇతర ఘటనలను కూడా తాను డాక్యుమెంట్ చేశానని, దీనిపై త్వరలో ఒక అధ్యయనం (study) రాబోతుందని అధికారి తెలిపారు.

Read Also:Viral : రూ.2కోట్ల ఖర్చు, ఉద్యోగం వదిలేసి.. కోమాలోకి వెళ్లిన భార్యకు ప్రాణం పోసిన భర్త

This elephant is masters in physics. See how intelligently it neutralised power fence. Video SM.

We also have documented many such incidents, soon study will be published. pic.twitter.com/t9a4i26ikB

— Parveen Kaswan, IFS (@ParveenKaswan) May 25, 2025

వైరల్ అవుతున్న ఈ వీడియోలో ఏనుగు ఒక చెక్క స్తంభం పక్కన నిలబడి ఉన్నట్లు మీరు చూడవచ్చు. ఆ స్తంభానికి హై-వోల్టేజ్ వైర్లు అమర్చబడి ఉన్నాయి. ఆ తర్వాత, ఏనుగు తన తొండం (trunk) ఉపయోగించి స్తంభాన్ని నెట్టివేసి పడగొట్టింది. ఆపై, విద్యుత్ లైన్లు నిష్క్రియం అయ్యాయని నిర్ధారించుకోవడానికి ఆ కంచెను పక్కకు తిప్పేసింది. ఆ తర్వాత చాలా నింపాదిగా మరోవైపుకు వెళ్లిపోయింది. ఈ తెలివైన చర్య అందరినీ ఆశ్చర్యపరిచింది.

ఈ వీడియోపై నెటిజన్లు గజరాజు తెలివితేటలను ప్రశంసించడమే కాకుండా.. వన్యప్రాణులు తిరిగే ప్రాంతాల్లో విద్యుత్ కంచెలను ఏర్పాటు చేయడంపై కూడా ఆందోళన వ్యక్తం చేశారు. ఒక నెటిజన్ ఇలా కామెంట్ చేశారు. “ఇలాంటి కంచెలను ఏర్పాటు చేయడానికి ఎందుకు అనుమతించారు?” అని రాశారు. మరొకరు “ఇది జంతువులకు ప్రమాదకరం కాదా?” అని ప్రశ్నించారు.

Read Also:Viral Video: ప్రేయసి కోసం ఏకంగా.. స్పెయిన్ ప్రిన్సెన్‌ను రిజక్ట్ చేసిన ఫుట్‌బాల్ ప్లేయర్

ఏనుగులు ముందు నుంచీ తెలివితేటలను, బలమైన జ్ఞాపకశక్తిని కలిగి ఉంటాయి. ముఖ్యంగా వాటి నివాసాలు నిరంతరం తగ్గిపోతున్నప్పుడు, మానవ నిర్మిత అడ్డంకులకు ఏనుగులు ఎలా అలవాటు పడతాయో ఈ వీడియో చూపిస్తుందని అభిప్రాయపడుతున్నారు.