TVS NTorq 125  : యాక్టీవాకు షాక్.. రూ.85వేలకే అదిరిపోయే ఎలక్ట్రిక్ స్కూటర్.. అమ్మకాల్లో రికార్డ్

TVS NTorq 125 : భారతీయ టూ-వీలర్ కంపెనీ టీవీఎస్ కంపెనీ తయారు చేస్తున్న NTorq 125 స్కూటర్ ఇప్పుడు ఒక కొత్త రికార్డు సృష్టించింది. ఈ స్కూటర్ ఏకంగా 20 లక్షల యూనిట్ల అమ్మకాల మైలురాయిని దాటేసింది. దీన్ని మొదట ఫిబ్రవరి 2018లో మార్కెట్లోకి తీసుకొచ్చారు. అప్పటి నుంచి ఇది హోండా యాక్టీవా లాంటి పాపులర్ స్కూటర్లకు గట్టి పోటీనిస్తోంది. ఎన్ టార్క్ స్కూటర్ 10 లక్షల యూనిట్ల అమ్మకాలు దాటడానికి 4 ఏళ్ళకు పైగా పడితే, ఆ తర్వాత మరో 10 లక్షల యూనిట్లను కేవలం 36 నెలల లోపే అమ్మింది. ఇప్పుడు NTorq, TVS కి చెందిన జూపిటర్ తర్వాత అత్యధికంగా అమ్ముడైన రెండో స్కూటర్ గా నిలిచింది.

కంపెనీ NTorq 125 స్కూటర్‌ను విడుదల చేసినప్పటి నుంచి మే 2025 వరకు మొత్తం 20,06,038 యూనిట్లను విక్రయించింది. ఫిబ్రవరి 2018 నుంచి భారతదేశంలో TVS మొత్తం 8.75 మిలియన్ స్కూటర్ల అమ్మకాల్లో, ఎన్ టార్క్ ఒక్కటే ఏకంగా 23శాతం వాటాను కలిగి ఉంది. ఎన్ టార్క్ అత్యధిక అమ్మకాలు గత ఆర్థిక సంవత్సరం 2025లో జరిగాయి. ఆ సంవత్సరంలో కంపెనీ 3,34,414 యూనిట్లను అమ్మింది. ఇది అంతకు ముందు సంవత్సరం 2024లో 3,31,865 యూనిట్లు కంటే 6% ఎక్కువ. అలాగే, TVS కి మొత్తం 1.81 మిలియన్ యూనిట్ల రికార్డు స్థాయిలో జరిగిన స్కూటర్ అమ్మకాల్లో ఇది 18% వాటా.

Read Also:Allu Arjun : రణ్ వీర్ కు షాక్.. శక్తిమాన్ గా రాబోతున్న అల్లు అర్జున్ ?

ఎన్ని వెర్షన్లు, ధర ఎంత?
ఎన్ టార్క్ స్కూటర్ మొత్తం ఐదు వెర్షన్లలో అందుబాటులో ఉంది. NTorq (డ్రమ్/డిస్క్), రేస్ ఎడిషన్, సూపర్ స్క్వాడ్ ఎడిషన్, రేస్ XP, XT. వీటి ధరలు రూ. 84,600 ఎక్స్-షోరూమ్ నుంచి మొదలై, రూ. 1,04,600 ఎక్స్-షోరూమ్ వరకు ఉన్నాయి. రేస్ XP, రేస్ XT వెర్షన్లలో కొంచెం పవర్ ఫుల్ ఇంజిన్ ఉంది. ఇవి 10.2 hp, 10.8 nm అవుట్‌పుట్‌ను ఇస్తాయి. డిస్క్, రేస్ ఎడిషన్, సూపర్ స్క్వాడ్ ఎడిషన్ల మధ్య తేడాలు కేవలం లుక్‌లో మాత్రమే ఉంటాయి.

TVS Ntorq 125 కంప్లీట్ ఫీచర్లు ఉన్న స్కూటర్. దీని డిజైన్ మొత్తం స్పోర్టీ లుక్, టెక్నాలజీ మీద ఉంటుంది. దీని ప్రత్యేకతల్లో స్మార్ట్‌ఎక్స్‌కనెక్ట్ తో బ్లూటూత్ కనెక్టివిటీ, ఇన్‌స్ట్రుమెంట్ క్లస్టర్ ఉంటాయి. దీని లుక్ మొత్తం రేసింగ్ బైక్‌లా స్పోర్టీగా ఉంటుంది. ఇందులో 124.8cc పవర్‌ఫుల్ ఇంజిన్ ఉంది. స్ట్రీట్, స్పోర్ట్ వంటి రైడింగ్ మోడ్‌లు కూడా ఉన్నాయి. మంచి మైలేజ్ కోసం ఇందులో ఒక ప్రత్యేకమైన ‘ఇంటెలిగో’ స్టార్ట్-స్టాప్ సిస్టమ్ కూడా ఉంది. ఇది ట్రాఫిక్‌లో ఆగినప్పుడు ఇంజిన్‌ను ఆటోమేటిక్‌గా ఆపి, మళ్ళీ స్టార్ట్ చేస్తుంది.

Read Also:Call Record : కాల్ రికార్డ్ చేయడం కరెక్టా ? కాదా ? ఇలా చేస్తే జైలుకెళ్లడం ఖాయమా ? పూర్తి వివరాలివే