Allu Arjun : రణ్ వీర్ కు షాక్.. శక్తిమాన్ గా రాబోతున్న అల్లు అర్జున్ ?

Allu Arjun : అల్లు అర్జున్ ‘పుష్ప’ సినిమాతో ఇప్పుడు మామూలు స్టార్ కాదు.. ఏకంగా పాన్ ఇండియా స్టార్ అయ్యాడు. ‘పుష్ప’ సినిమా అతనికి ప్రపంచవ్యాప్తంగా అభిమానులను తెచ్చి పెట్టింది. ఇప్పుడు ‘పుష్ప 2’ తర్వాత అల్లు అర్జున్, అట్లీ డైరెక్షన్‌లో ఒక హాలీవుడ్ స్టైల్ సినిమాలో నటిస్తున్నాడు. ఈ సినిమాలో అల్లు అర్జున్ సరసన బాలీవుడ్ బ్యూటీ దీపికా పదుకొణె హీరోయిన్‌గా చేస్తోంది. అదంతా పక్కన పెడితే, ‘పుష్ప’ ఫస్ట్ పార్టు తర్వాత అల్లు అర్జున్‌కు బాలీవుడ్ నుంచి కూడా భారీగా ఆఫర్లు రావడం మొదలయ్యాయి.

అల్లు అర్జున్, సంజయ్ లీలా బన్సాలీ సినిమాలో నటిస్తాడనే వార్తలు కూడా వైరల్ అవుతున్నాయి. సంజయ్ లీలా బన్సాలీ ఆఫీసు దగ్గర అల్లు అర్జున్ ఒకటి రెండు సార్లు కనిపించి ఆ వార్తలకు మరింత బలం చేకూర్చాడు. కానీ తర్వాత ఆ వార్త అబద్ధమని తేలింది. అయితే, ఇప్పుడు మరో కొత్త వార్త బాగా వైరల్ అవుతోంది. బాలీవుడ్ స్టార్ నటుడు ఒకరు నటించాల్సిన సూపర్ హీరో సినిమాలో అతని ప్లేస్‌లో అల్లు అర్జున్ నటిస్తాడని గుసగుసలు వినిపిస్తున్నాయి.

Read Also:Call Record : కాల్ రికార్డ్ చేయడం కరెక్టా ? కాదా ? ఇలా చేస్తే జైలుకెళ్లడం ఖాయమా ? పూర్తి వివరాలివే

మనదేశంలో చాలా పాపులర్ అయిన సూపర్ హీరో ‘శక్తిమాన్’. ఈ శక్తిమాన్ సినిమా అవుతుందని గతేడాది నుంచి వార్తలు వస్తున్నాయి. మొదట ఈ శక్తిమాన్ పాత్రలో బాలీవుడ్ హీరో రణ్‌వీర్ నటిస్తాడని చెప్పారు. కానీ ఇప్పుడు, రణ్‌వీర్ సింగ్ బదులు అల్లు అర్జున్ శక్తిమాన్ పాత్రలో నటిస్తాడనే వార్త కొంచెం గట్టిగానే ప్రచారంలో ఉంది. అల్లు అర్జున్ శక్తిమాన్ అవతారంలో ఉన్న కొన్ని AI జనరేటెడ్ పోస్టర్లు కూడా సోషల్ మీడియాలో బాగా వైరల్ అవుతున్నాయి.

అయితే, ఇప్పుడు ‘శక్తిమాన్’ సినిమాకు దర్శకత్వం వహించనున్న మలయాళ దర్శకుడు బాసిల్ జోసెఫ్ ఈ విషయంపై స్పందించారు. ‘శక్తిమాన్’ సినిమాకు రణ్‌వీర్ సింగ్ హీరోగా ఉంటారని, అందులో ఎలాంటి మార్పు లేదని ఆయన స్పష్టం చేశారు. అదంతా పక్కన పెడితే, బాసిల్ జోసెఫ్ ఇటీవల అల్లు అర్జున్‌ను కలిశారు. కొత్త కథ ఒకటి చెప్పారని తెలుస్తోంది. బాసిల్ జోసెఫ్‌తో సినిమా చేయడానికి అల్లు అర్జున్ కూడా ‘ఓకే’ చెప్పారట. కానీ, ఆ సినిమా బాసిల్ ‘శక్తిమాన్’ ప్రాజెక్ట్ కాదని చెబుతున్నారు. అంటే, అల్లు అర్జున్ ‘శక్తిమాన్’గా నటించడం లేదని ఈ వ్యాఖ్యలతో క్లారిటీ వచ్చింది.

Read Also:Rare Earth Elements : చైనాకు ఝలక్ ఇవ్వబోతున్న టాటా మోటార్స్.. రేర్ ఎర్త్ విషయంలో ‘డ్రాగన్’ ప్లాన్ ఫెయిల్!

ప్రస్తుతం అల్లు అర్జున్, అట్లీతో కలిసి హాలీవుడ్ స్టైల్ గార్డియన్స్ ఆఫ్ ది గెలక్సీ సినిమాను పోలిన ఒక చిత్రంలో నటిస్తున్నాడు. ఆ తర్వాత బాసిల్ జోసెఫ్‌తో కలిసి సినిమా చేస్తాడు. ఇక రణ్‌వీర్ సింగ్ విషయానికొస్తే తను ప్రస్తుతం ‘డాన్ 3’ సినిమాలో నటిస్తున్నాడు. ఈ సినిమాను ఫర్హాన్ అఖ్తర్ డైరెక్ట్ చేస్తున్నాడు.