Puri Yatra: పూరీ రథ యాత్రకు ప్లాన్ చేస్తున్నారా.. ఈ ప్లేస్‌లు చూడటం అసలు మిస్ కావద్దు
- Edited By: kusuma,
- Updated on June 19, 2025 / 12:47 PM
Puri Yatra: ప్రతీ ఏడాది జగన్నాధుని రథ యాత్ర జరుగుతుంది. ఈ ఏడాది జూన్ 27 నుంచి జూలై 5వ తేదీ వరకు జగన్నాథుడు కొలువైన పూరీ క్షేత్రంలో యాత్ర జరుగుతుంది. దేశ, విదేశాల నుంచి ఎందరో వ్యక్తులు జగన్నాధుని రథ యాత్రను చూడటానికి ఎక్కువగా వెళ్తుంటారు. అయితే కేవలం ఈ యాత్రను మాత్రమే కాకుండా అక్కడ కొన్ని ప్రదేశాలను తప్పకుండా చూడండి. చూడటానికి ఎంతో అందంగా ఉంటే ఈ ప్లేస్‌లు మనస్సుకు ఎంతో ఆహ్లాదాన్ని ఇస్తాయి.
గోల్డెన్ బీచ్
పూరీ ఆలయానికి సమీపంలో గోల్డెన్ బీచ్ ఉంటుంది. ఈ ఆలయానికి వెళ్లిన ప్రతీ ఒక్కరూ కూడా తప్పకుండా ఇక్కడ పుణ్యస్నానాలు ఆచరిస్తారు. ముఖ్యంగా సూర్యోదయం అయితే చాలా బాగుంటుంది. ఈ బీచ్ నుంచి జగన్నాధుని ఆలయ గోపురం కూడా కనిపిస్తుంది. అయితే ఈ బీచ్‌లో సూర్యోదయం, సూర్యాస్తమయం కూడా బాగుంటుంది. అందుకే దీన్ని గోల్డెన్ బీచ్ అని అంటారు. మీరు పూరీ వెళ్తే మాత్రం అసలు ఈ ప్లేస్ మిస్ కావద్దు.
చిలికా సరస్సు
పూరీ నుంచి దాదాపు 50 కిలోమీటర్ల దూరంలో చిలికా సరస్సు ఉంటుంది. ఏటా చలికాలంలో వలస పక్షులు ఇక్కడ ఫుల్‌గా ఉంటాయి. సైబీరీయన్ పక్షులు, బూటింగ్ అన్నింటితో కూడా ఎంతో బాగుంటుంది. తప్పకుండా ఈ ప్లేస్‌ను చూడాల్సిందే.
కోణార్క్ సూర్య దేవాలయం
యునెస్కో గుర్తింపు పొందిన కోణార్క్ సూర్య దేవాలయం పూరీ నుంచి 35 కిలోమీటర్ల దూరంలో ఉంది. 13వ శతాబ్దంలో నిర్మించిన ఈ ఆలయం ఎన్నో దాడులకు తట్టుకున్న అద్భుతమైన శిల్ప సౌందర్యం. ఈ ఆలయంలో ఎన్నో కళలు ఉన్న శిల్పాలు కనిపిస్తాయి. ఒడిస్సీ నృత్యానికి సంబంధించిన మొత్తం 128 రకాల భంగిమలు కూడా ఉంటాయి. అలాగే 24 చక్రాలు, 7 గుర్రాలు కూడా ఉన్నాయి. ఇవి కాలాన్ని సూచిస్తుంది. తప్పకుండా ఈ ఆలయాన్ని చూడాలి.
సుదర్శన్ క్రాఫ్ట్ మ్యూజియం
పూరీ జంక్షన్ నుంచి ఒక 2 కిలోమీటర్ల దూరంలో ఈ సుదర్శన్ క్రాఫ్ట్ మ్యూజియం ఉంటుంది. వారంలో రెండు రోజులు శని, ఆదివారాల్లో మూసివేసి ఉంటుంది. మిగిలిన అన్ని రోజుల్లో ఉదయం 8 నుంచి మధ్యాహ్నం 12 వరకు ఉంటుంది. ముళ్లీ మధ్యాహ్నం 2 నుంచి రాత్రి 8 వరకు ఓపెన్ చేసి ఉంటుంది. అయితే ఈ మ్యూజియంలో శిల్పాలు, పెయింటింగ్‌లు, హస్తకళా వస్తువులు అన్ని కూడా చాలా బాగుంటాయి.
లోకనాథ ఆలయం
పూరీ నగరంలో ఉన్న ఈ ఆలయం పంచ లింగాల్లో ఒకటి. ఇక్కడ ఎప్పుడూ కూడా శివలింగం మునిగి ఉంటుంది.
ఆర్ట్ విలేజ్
పూరీకి సమీపంలో ఆర్ట్ విలేజ్ ఉంటుంది. ఇది వటచిత్ర కళలకు బాగా ప్రసిద్ధి.
ఇది కూడా చూడండి: Google pixle 10 series: గూగుల్ పిక్సెల్ 10 సిరీస్.. డిజైన్, ఫీచర్స్ చూస్తే మతి పోవాల్సిందే భయ్యా
