Shock for UPI users: యూపీఐ యూజర్లకు షాక్.. ఆగస్ట్ 1నుంచి మారనున్న రూల్స్

Shock for UPI users: యూపీఐ అనేది కేవలం పేమెంట్స్ ప్లాట్ ఫామ్ మాత్రమే కాదు. భారత ఆర్థిక వ్యవస్థలో ఒక కీలకమైన భాగం. రోజుకు కోట్లాది లావాదేవీలు జరుగుతున్న ఈ వ్యవస్థను పటిష్టం చేయడం అనేది NPCI ప్రధాన లక్ష్యం.

Shock for UPI users: భారతదేశంలో డిజిటల్ చెల్లింపులను విప్లవాత్మకంగా మార్చిన యూపీఐ (UPI), ఇప్పుడు మరింత పటిష్టంగా మారడానికి సిద్ధమవుతోంది. నేషనల్ పేమెంట్స్ కార్పొరేషన్ ఆఫ్ ఇండియా (NPCI) ఆగస్టు 1, 2025 నుండి కొన్ని కొత్త ఏపీఐ (API) నియమాలను అమలు చేయనుంది. ఈ మార్పుల వెనుక ప్రధాన ఉద్దేశ్యం యూపీఐ వ్యవస్థను మరింత సురక్షితంగా, సమర్థవంతంగా, పారదర్శకంగా మార్చడం. రోజువారీ లావాదేవీలు నిర్వహించే కోట్లాది మంది యూపీఐ వినియోగదారులకు ఈ మార్పులు ఏ విధంగా ప్రయోజనం చేకూరుస్తాయి.

యూపీఐ వ్యవస్థలో మరింత పటిష్టత
యూపీఐ అనేది కేవలం పేమెంట్స్ ప్లాట్ ఫామ్ మాత్రమే కాదు. భారత ఆర్థిక వ్యవస్థలో ఒక కీలకమైన భాగం. రోజుకు కోట్లాది లావాదేవీలు జరుగుతున్న ఈ వ్యవస్థను పటిష్టం చేయడం అనేది NPCI ప్రధాన లక్ష్యం. కొత్త ఏపీఐ నియమాలు ఈ లక్ష్యానికి అనుగుణంగా రూపొందించబడ్డాయి. బ్యాంకులు, పేటీఎం, ఫోన్‌పే వంటి పేమెంట్ సర్వీస్ ప్రొవైడర్‌లు (PSPs) ఈ కొత్త మార్గదర్శకాలను తప్పనిసరిగా పాటించాలి.

కొత్త నిబంధనల వల్ల వినియోగదారులకు కొన్ని మార్పులు కనిపించవచ్చు, అయితే ఇవి దీర్ఘకాలంలో మెరుగైన డిజిటల్ చెల్లింపుల అనుభవాన్ని అందిస్తాయి. ఉదాహరణకు:
బ్యాలెన్స్ ఎంక్వైరీలపై పరిమితి: ఒకే యూపీఐ యాప్ ద్వారా రోజుకు 50 సార్లు మాత్రమే బ్యాలెన్స్ చెక్ చేసుకునే అవకాశం ఉంటుంది. దీనివల్ల అనవసరమైన సర్వర్ లోడ్ తగ్గి, వ్యవస్థ మరింత వేగంగా పనిచేస్తుంది.
ఆటోపేమెంట్స్ టైమింగ్స్: ఆటోపే ద్వారా జరిగే చెల్లింపులు ఇకపై పీక్ అవర్స్‌లో (ఉదయం 10 నుంచి మధ్యాహ్నం 1, సాయంత్రం 5 నుంచి రాత్రి 9:30 వరకు) జరగవు. ఇది సర్వర్లపై ఒత్తిడిని తగ్గించి, ఇతర లావాదేవీలు వేగంగా జరిగేలా చేస్తుంది.
లావాదేవీల స్టేటస్ పర్యవేక్షణ: కొన్ని ప్రత్యేక లోపాల వల్ల లావాదేవీ విఫలమైతే, దాని స్టేటస్‌ను పదే పదే చెక్ చేయడానికి చేసే కాల్స్ పరిమితం అవుతాయి. దీనివల్ల అనవసరమైన రిక్వెస్ట్‌లు తగ్గి, వ్యవస్థ మరింత సురక్షితంగా మారుతుంది.
ఈ మార్పులు యూజర్‌లకు కొన్నిసార్లు కాస్త అసౌకర్యంగా అనిపించినా, మొత్తం యూపీఐ సిస్టమ్ సేఫ్టీ కోసమే ఈ నిర్ణయాలు తీసుకున్నారు.

బ్యాంకులు, పేమెంట్ సర్వీస్ ప్రొవైడర్లకు కఠిన నిబంధనలు
NPCI ఈ కొత్త నియమాలను పర్యవేక్షించడానికి బ్యాంకులు, PSPలపై మరింత పట్టు సాధిస్తోంది. నియమాలు పాటించని వారికి ఏపీఐ యాక్సెస్ పరిమితులు, జరిమానాలు లేదా కొత్త కస్టమర్‌లను చేర్చుకోవడంపై నిషేధం వంటి చర్యలు తీసుకునే అవకాశం ఉంది. 2025 ఆగస్టు 31 నాటికి అన్ని PSPలు తమ సిస్టమ్ ఆడిట్‌కు సంబంధించిన అండర్‌టేకింగ్‌ను NPCIకి సమర్పించాలి. ఈ కఠిన నిబంధనలు యూపీఐ సిస్టమ్ ను మరింత పారదర్శకంగా మారుస్తాయి.