Akhil Akkineni: అక్కినేని వారింట మోగనున్న పెళ్లి బాజా.. అఖిల్ పెళ్లి డేట్ ఫిక్స్

Akhil Akkineni: టాలీవుడ్ యువ హీరో, అక్కినేని కుటుంబ వారసుడు అఖిల్ అక్కినేని పెళ్లిపై ఎట్టకేలకు స్పష్టత వచ్చినట్లు వార్తలు వచ్చాయి. తెలుగు సినిమా పరిశ్రమలో ఎప్పటి నుంచో ‘మోస్ట్ ఎలిజిబుల్ బ్యాచిలర్’ జాబితాలో ఉన్న అఖిల్, త్వరలోనే ఓ ఇంటివాడు కాబోతున్నాడనే వార్త అభిమానులకు పండగ వాతావరణాన్ని తీసుకొస్తోంది. గతంలోనే నిశ్చితార్థం చేసుకున్న లండన్ మోడల్ జైనబ్ రావ్ జీతోనే అఖిల్ ఏడడుగులు వేయనున్నారని తెలుస్తోంది. అంతేకాదు, వారి వివాహానికి ముహూర్తం కూడా ఫిక్స్ అయ్యిందని గుసగుసలు వినిపిస్తున్నాయి. ఈ వార్తతో పాటు, జైనబ్ వయసు అఖిల్ కంటే పెద్దదని వస్తున్న కథనాలు ఇప్పుడు మరింత ఆసక్తికరంగా మారాయి.

Read Also:WhatsApp New Feature:వాట్సాప్‌లో టైపింగ్ కష్టాలు ఖతం.. కొత్త ‘గ్రూప్ వాయిస్ చాట్’ ఫీచర్ వచ్చేసింది!

అఖిల్ అక్కినేని సినీ ప్రస్థానం చిన్నతనంలోనే మొదలైంది. ‘సిసింద్రీ’ సినిమాలో బాల నటుడిగా అఖిల్ అందరి మనసు దోచుకున్నాడు. ఆ తర్వాత నాగార్జున, నాగచైతన్య, ఏఎన్నార్‌లతో కలిసి ‘మనం’ సినిమాలో కనిపించి, తన ప్రత్యేకతను చాటుకున్నాడు. సినిమాల్లోకి హీరోగా రాకముందు, అఖిల్ సెలబ్రిటీ క్రికెట్ లీగ్‌లో తన బ్యాటింగ్, ఫీల్డింగ్‌తో అందరినీ ఆకట్టుకున్నాడు. ఒక దశలో ‘అఖిల్ గొప్ప క్రికెటర్ అవుతాడు’ అని చాలా మంది అంచనా వేశారు. కానీ, తాత ఎన్టీఆర్, తండ్రి నాగార్జున వారసత్వంగా వచ్చిన సినిమా రంగంలోనే తన సత్తా చాటాలని నిర్ణయించుకున్నాడు. వి.వి. వినాయక్ దర్శకత్వంలో వచ్చిన ‘అఖిల్’ సినిమాతో హీరోగా ఎంట్రీ ఇచ్చాడు. ఆ సినిమా భారీ అంచనాల మధ్య విడుదలై, అనుకోని డిజాస్టర్‌గా నిలిచింది. అయినా నిరాశపడకుండా, ‘మోస్ట్ ఎలిజిబుల్ బ్యాచిలర్’ సినిమాతో మంచి సక్సెస్ సాధించి ట్రాక్ లోకి వచ్చాడు. ఆ తర్వాత వచ్చిన ‘ఏజెంట్’ సినిమా మళ్ళీ భారీ నష్టాలను మిగిల్చింది. ప్రస్తుతం అఖిల్, ‘లెనిన్’ అనే సినిమాతో మంచి కం బ్యాక్ ఇవ్వాలని తీవ్రంగా కృషి చేస్తున్నాడు. ఈ సినిమాకు మురళీ కిషోర్ అబ్బూరు దర్శకత్వం వహిస్తున్నారు.

Read Also:NEET PG : రెండు షిఫ్టుల్లో పరీక్ష వద్దంటూ పిటిషన్..సుప్రీంకోర్టులో NEET PG భవితవ్యం

ఇక అఖిల్ పెళ్లి గురించి వస్తున్న వార్తలకు వస్తే.. గతంలోనే లండన్‌కు చెందిన మోడల్ జైనబ్ రావ్ జీతో అఖిల్‌కు నిశ్చితార్థం జరిగిందని మీడియాలో కథనాలు వచ్చాయి. ఇప్పుడు పెళ్లి వార్త బయటికి రాగానే, జైనబ్ గురించి, ముఖ్యంగా ఆమె వయసు గురించి చర్చ మొదలైంది. కొన్ని విశ్వసనీయ వర్గాల సమాచారం ప్రకారం, జైనబ్ వయసు అఖిల్ కంటే దాదాపు తొమ్మిదేళ్లు పెద్ద అని ప్రచారం జరుగుతోంది.జూన్ 6న అఖిల్ పెళ్లి ముహూర్తం ఫిక్స్ అయినట్లు తెలుస్తోంది. అయితే, అక్కినేని కుటుంబం నుంచి ఇప్పటివరకు దీనిపై ఎలాంటి అధికారిక ప్రకటన వెలువడలేదు. ఈ మధ్యకాలంలో సెలబ్రిటీలు తమ వ్యక్తిగత విషయాలను చాలా ఆలస్యంగా వెల్లడించడం ఒక ట్రెండ్‌గా మారింది. మీడియా అటెన్షన్ తగ్గించుకోవడానికి లేదా అనవసరమైన హడావిడిని నివారించడానికి ఇలా చేస్తున్నారని సినీ వర్గాలు చెబుతున్నాయి.