Curd: పెరుగులో పండ్లు కలిపి తింటే.. వామ్మో ఆరోగ్యానికి ఇంత ప్రమాదమా!

Curd: ఆరోగ్యం కోసం మనం చేసే చిన్నచిన్న మార్పులు ఒక్కోసారి మనకు తెలియకుండానే ఇబ్బందులు తెచ్చిపెడుతుంటాయి. అయితే పెరుగు, పండ్లు రెండూ ఆరోగ్యానికి ఎంతో మంచివి. అందుకే చాలా మంది వీటిని కలిపి తినడానికి ఇష్టపడతారు. ముఖ్యంగా అల్పాహారంగా లేదా సాయంత్రం పూట స్నాక్‌గా వీటిని కలిపి తింటుంటారు. అయితే పెరుగుతో పండ్లను కలిపి తినడం వల్ల కొన్ని ఆరోగ్య సమస్యలు వస్తాయని నిపుణులు హెచ్చరిస్తున్నారు. సాధారణంగా పెరుగు తింటే ఆరోగ్యానికి మంచివే. ఇందులో ప్రోబయోటిక్స్ ఎక్కువగా ఉంటాయి. ఇవి శరీర ఆరోగ్యాన్ని మెరుగుపరచడంలో ముఖ్య పాత్ర పోషిస్తాయి. అయితే పెరుగులో పండ్లు కలిపి తినడం వల్ల వచ్చే నష్టాలు ఏంటి? పూర్తి వివరాలు ఈ స్టోరీలో చూద్దాం.

జీర్ణ సమస్యలు
పండ్లు తిన్న వెంటనే త్వరగా జీర్ణం అవుతాయి. కానీ పెరుగు జీర్ణం కావడానికి ఎక్కువ సమయం పడుతుంది. ఈ రెండు ఆహార పదార్థాలు వేర్వేరు సమయాల్లో జీర్ణమవడం వల్ల కడుపు ఉబ్బరం, గ్యాస్, అజీర్తి వంటి సమస్యలు వస్తాయి. ముఖ్యంగా యాసిడ్ ఉండే పండ్లతో కలిపినప్పుడు జీర్ణవ్యవస్థపై భారం పడుతుంది. దీనివల్ల ఎక్కువగా జీర్ణ సమస్యలు బారిన పడే ప్రమాదం ఉందని నిపుణులు అంటున్నారు.

అసిడిటీ
పుల్లని పండ్లైన నారింజ, నిమ్మ, స్ట్రాబెర్రీ వంటివి పెరుగుతో కలిపినప్పుడు కడుపులో ఆమ్లత్వం పెరుగుతుంది. దీనివల్ల గుండెల్లో మంట, గ్యాస్, ఎసిడిటీ వంటి సమస్యలు వస్తాయని నిపుణులు హెచ్చరిస్తున్నారు. ఎట్టి పరిస్థితుల్లో కూడా పెరుగులో వీటిని కలిపి తినకూడదని నిపుణులు అంటున్నారు.

చర్మ సమస్యలు
కొంతమందికి ఈ కలయిక వల్ల చర్మంపై దద్దుర్లు, దురద లేదా ఇతర అలర్జీ లక్షణాలు కనిపించవచ్చు. ఇది శరీరంలో కొన్ని రసాయన ప్రతిచర్యలకు దారితీస్తుంది. వీటిని కలిపి తినడం వల్ల శరీరంలో విష పదార్థాలు పేరుకుపోతాయని నిపుణులు అంటున్నారు.

కఫం
పెరుగుకి చలువ చేసే గుణం ఉంది. ఇందులో రకరకాల గుణాలతో ఉన్న పండ్లు వేసి తింటే శరీరంలోని వాత, పిత్త, కఫ దోషాలు అసమతుల్యతకు లోనై, దీర్ఘకాలిక సమస్యల బారిన పడతారు. చాలా మంది పెరుగులో అరటిపండు, పెరుగు కలిపి తింటారు. వీటివల్ల కఫం పెరిగే అవకాశం ఉందని నిపుణులు అంటున్నారు. అలాగే జలుబు, సైనస్ సమస్యలు ఉన్నవారు పెరుగు, పండ్ల కలయికను తినడం వల్ల సమస్య మరింత తీవ్రమయ్యే అవకాశం ఉంది. ఇది గొంతులో కఫాన్ని పెంచి, ఇబ్బందులను తెచ్చిపెడుతుందని నిపుణులు అంటున్నారు.

Disclaimer: కేవలం అవగాహన కోసం మాత్రమే ఈ సమాచారం ఇవ్వడం జరిగింది. దీన్ని trendingtelugus.com నిర్ధారించదు. గూగుల్ ఆధారంగా తెలియజేయడం జరిగింది.

ఇది కూడా చూడండి: Early Morning Anjeer: ఉదయాన్నే నానబెట్టిన అంజీర్ తీసుకుంటే.. ఇన్ని ఆరోగ్య ప్రయోజనాలా!