Husband Wife Age Difference: భార్యాభర్తల మధ్య ఎంత వయసు తేడా ఉండాలి? ఎక్కువ ఉంటే ఏం జరుగుతుంది?

Husband Wife Age Difference:

భార్యాభర్తల బంధం చాలా గొప్పది. ఎక్కడో పుట్టి ఎక్కడో పెరిగి పెళ్లి అనే బంధంతో కలిసి జీవితాంతం కలిసి ఉంటారు. ఎన్ని కష్టాలు వచ్చినా, సంతోషాలు అయినా సరే షేర్ చేసుకుంటారు. అయితే ఒకప్పుడు జంటల మధ్య కనిపించిన అన్యోన్యత ఇప్పుడు కనిపించడం లేదు. బిజీ లైఫ్ వల్ల చాలా కోల్పోతున్నారు. అయితే ఈ జంటల మధ్య వయసు తేడా వల్ల కూడా వారి మధ్య గొడవలు వస్తాయి అంటున్నారు నిపుణులు. ఇంతకీ ఇద్దరి మధ్య వయసు ఎంత తేడా ఉండాలో మీకు తెలుసా?

క్రికెట్ కి దేవుడా అనే పేరు సంపాదించిన సచిన్ టెండూల్కర్ భార్య అంజలి టెండూల్కర్ అతని కంటే దాదాపు ఐదు సంవత్సరాలు పెద్దది. ఈ విషయాన్ని పాజిటివ్ గా తీసుకొని చాలా మంది తన కంటే పెద్దవారైన అమ్మాయిలను పెళ్లి చేసుకుంటారు కూడా. బాలీవుడ్ స్టార్ షాహిద్ కపూర్ భార్య మీరా కపూర్ అతని కంటే దాదాపు 15 సంవత్సరాలు చిన్నది. నటి అలియా భట్ తన భర్త రణబీర్ కపూర్ కంటే దాదాపు 10 సంవత్సరాలు చిన్నది. ఆదర్శ జంట మధ్య వయస్సు అంతరం ఎన్ని సంవత్సరాలు ఉండాలి? దీని గురించి వైద్య శాస్త్రం ఏమి చెబుతుంది అనే ప్రశ్న చాలా మందిలో మెదులుతూనే ఉంటుంది.

మనం సైన్స్ గురించి మాట్లాడే ముందు, ముందుగా చట్టపరమైన నిబంధనలను పరిశీలిద్దాం. మన దేశంలో బాలికల వివాహానికి కనీస వయస్సు 18 సంవత్సరాలుగా నిర్ణియంచారు. అబ్బాయిల వివాహ వయస్సు 21 సంవత్సరాలుగా నిర్ణయించారు. దీని కంటే తక్కువ వయస్సులో వివాహం జరిగితే బాల్య వివాహంగా కేసులు కూడా పెడుతారు. ప్రభుత్వ నిబంధనల ప్రకారం, అమ్మాయిలు 18 సంవత్సరాల వయస్సులో, అబ్బాయిలు 21 సంవత్సరాల వయస్సులో వివాహానికి అర్హులు అవుతారు. ఈ వయసు తర్వాతనే వారు పెళ్లి చేసుకోవాలి. ఈ విధంగా, వారి వయస్సులో మూడు సంవత్సరాల అంతరం ఉంది.

కానీ మనం ఈ చట్టపరమైన నిబంధనను నిశితంగా విశ్లేషిస్తే, ఒక విషయం స్పష్టమవుతుంది. అమ్మాయిలు అబ్బాయిల కంటే శారీరకంగా, మానసికంగా వేగంగా పెరుగుతారు. ఈ కారణంగా, వారి వివాహ వయస్సు అబ్బాయిల కంటే తక్కువగా ఉండేలా చూస్తారు. అందకు అబ్బాయిల కంటే చిన్న వారిని చూసి పెల్లి చేస్తారు . వారి వయసుల మధ్య మూడు సంవత్సరాల అంతరం ఉంది. మన దేశంలోని సామాజిక వ్యవస్థ విషయానికొస్తే, ఇక్కడ కూడా చాలా తక్కువ వయస్సులోనే అమ్మాయిలను వివాహం చేసుకునే సంప్రదాయం ఉంది. సాధారణంగా సమాజంలో అమ్మాయి వయస్సు అబ్బాయి కంటే తక్కువగా ఉండాలనే అభిప్రాయం ఉంది. దీని వెనుక చాలా కారణాలు ఉండవచ్చు. దీనికి ఒక ముఖ్యమైన కారణం సామాజికమైనది. కానీ, దాని జీవసంబంధమైన కారణం చాలా ముఖ్యమైనది.

అయితే మన కంటే ఎక్కువ వయసు ఉన్న వారితో స్నేహమే సరిగ్గా చేయలేం అలాంటి కాపురం చేయడం కష్టం కదా అంటున్నారు నిపుణులు. అందుకే మరీ ఏజ్ గ్యాప్ ఎక్కువ కూడా ఉండవద్దు. కొందరు 10 సంవత్సరాల తేడా ఉన్నా సరే పెళ్లి చేసుకుంటారు. కానీ ఇలాంటి బంధాలలో ఎక్కువగా డిస్ట్రబెన్స్ వస్తుంటుంది. ఎందుకంటే ఈ ఏజ్ గ్యాప్ వల్ల ఆలోచన విధానంలో చాలా మార్పు ఉంటుంది. ఆధిపత్యం విషయంలో, చురుకుదనంలో, ఆరోగ్యం విషయంలో కూడా చాలా తేడాలు ఉంటాయి. అందుకే మీరు పెళ్లి చేసుకునే వారి వయసు మీ కంటే ఎక్కువ గ్యాప్ ఉండకుండా చూసుకోండి.

Disclaimer : అవగాహన కోసం మాత్రమే ఈ సమాచారం అందిస్తున్నాము. దీన్ని ట్రెండింగ్ తెలుగు నిర్ధారించదు. దయచేసి గమనించగలరు.