Water melon: పుచ్చకాయ తిన్న వెంటనే ఇలా చేస్తున్నారా.. అంతే మీ సంగతి
- Edited By: NARESH ENNAM,
- Updated on March 10, 2025 / 10:29 AM
Water melon:
ఎండాకాలంలో పుచ్చకాయలు ఎక్కువగా లభిస్తాయి. ఈ సీజన్‌లో పుచ్చకాయలను ఎక్కువగా తీసుకుంటారు. పుచ్చకాయను ఎక్కువగా వేసవిలో తీసుకోవడం వల్ల ఎలాంటి అనారోగ్య సమస్యలు రావు. ఎందుకంటే.. పుచ్చకాయ లో నీటి శాతం ఎక్కువగా ఉంటుంది. మన శరీరాని హైడ్రేటెడ్‌గా ఉంచుతుంది. అలాగే వేడి నుంచి కాస్త ఉపశమనం కలిగిస్తుంది. మండుటెండలో వీటిని తీసుకోవడం వల్ల ఆరోగ్యానికి మేలు జరుగుతుంది. ఎలాంటి అనారోగ్య సమస్యలు రాకుండా ఉంటారు. పుచ్చకాయను తినడం వల్ల బాడీకి చలవ చేస్తుంది. ఇందులోని పోషకాలు శరీర ఆరోగ్యాన్ని మెరుగుపరుస్తాయి. అలాగే చర్మ ఆరోగ్యాన్ని కూడా మెరుగుపరుస్తాయని నిపుణులు చెబుతున్నారు. డైలీ పుచ్చకాయను తినడం వల్ల ట్యాన్ నుంచి ఉపశమనం కలుగుతుంది. అలాగే ముఖంపై ఉండే మొటిమలు, మచ్చలను తగ్గిస్తుంది. అయితే కొందరు తెలియక పుచ్చకాయలు తిన్న వెంటనే కొన్ని పదార్థాలను తింటుంటారు. వీటివల్ల పుచ్చకాయ ప్రయోజనాలు శరీరానికి అందవు. అలాగే అనారోగ్య సమస్యల బారిన పడతారని నిపుణులు అంటున్నారు. అయితే పుచ్చకాయ తిన్న తర్వాత తీసుకోకూడదని ఆ ఆహార పదార్థాలు ఏంటో ఈ స్టోరీలో చూద్దాం.
పాలు
పుచ్చకాయ తిన్న తర్వాత పాలు, పాల పదార్థాలను తీసుకోకూడదని నిపుణులు చెబుతున్నారు. ఇలా పాల పదార్థాలు తీసుకోవడం వల్ల వాపు వస్తుంది. వీటితో పాటు జీర్ణ సమస్యలు కూడా వచ్చే ప్రమాదం ఉందని నిపుణులు అంటున్నారు. పుచ్చకాయ తిన్న గంట తర్వాత మాత్రమే పాల పదార్థాలు తీసుకోవాలని నిపుణులు చెబుతున్నారు.
ప్రొటీన్ ఫుడ్స్
పుచ్చకాయ తిన్న తర్వాత ప్రొటీన్ ఎక్కువగా ఉండే పదార్థాలను తీసుకోవడం వల్ల జీర్ణ సమస్యలు వస్తాయని నిపుణులు అంటున్నారు. పుచ్చకాయ తర్వాత పప్పులు, పనీర్, కోడి గుడ్డు వంటివి తీసుకోకూడదని నిపుణులు అంటున్నారు. వీటివల్ల కడుపు ఉబ్బరం, మలబద్ధకం వంటి సమస్యలు వస్తాయి. కాబట్టి పుచ్చకాయ తిన్న వెంటనే వీటిని తినవద్దు.
నీళ్లు
పుచ్చకాయ తిన్న వెంటనే నీరు తాగితే వికారం, వాంతులు వచ్చే ప్రమాదం ఉందని నిపుణులు హెచ్చరిస్తున్నారు. ఎందుకంటే పుచ్చకాయలో స్వీట్ ఎక్కువగా ఉంటుంది. ఇది వికారం, వాంతులకు కారణం అవుతుందని నిపుణులు అంటున్నారు.
ఫ్రై ఫుడ్స్
పుచ్చకాయ తిన్న తర్వాత వేపుడు పదార్థాలు తినడం వల్ల ఎసిడిటీ, ఛాతీలో మంట, గుండె సమస్యలు వచ్చే ప్రమాదం ఉందని నిపుణులు హెచ్చరిస్తున్నారు. పుచ్చకాయ తిన్న గంట తర్వాతే ఏవైనా తీసుకుంటే వాటి పోషకాలు అందుతాయని నిపుణులు అంటున్నారు.
Disclaimer: కేవలం అవగాహన కోసం మాత్రమే ఈ సమాచారం ఇవ్వడం జరిగింది. దీన్ని trendingtelugus.com నిర్ధారించదు. ఈ సూచనలు పాటించే ముందు నిపుణుల సలహాలు తీసుకోగలరు.
