Champions trophy: 57.1 కోట్ల వ్యూస్.. అమెరికా జనాభా కంటే ఎక్కువ.. ఇంత మంది భారత్-పాకిస్తాన్ మ్యాచ్ చూస్తున్నారు.. ఇదో రికార్డ్

Champions trophy:

ప్రస్తుతం దుబాయ్ వేదికగా ఛాంపియన్స్ ట్రోఫీ భారత్, పాక్ మధ్య రసవత్తరంగా మ్యాచ్ జరుగుతోంది. యావత్ భారత్‌తో పాటు ప్రపంచం మొత్తం ఈ మ్యాచ్ కోసం ఎంతగానో ఎదురు చూసింది. దాయాది దేశంపై తప్పకుండా ఇండియా గెలవాలని అందరూ కూడా కోరుకుంటున్నారు. మిగతా అన్ని మ్యాచ్‌లు ఒక్క లెక్క అయితే.. పాక్, భారత్ మధ్య జరిగే ఈ మ్యాచ్ ఒక లెక్క. అన్ని పనులు పక్కన పెట్టి మరి ఈ మ్యాచ్‌ను వీక్షిస్తున్నారు. అయితే ఈ మ్యాచ్ జియో హాట్ స్టార్‌లో ప్రసారం అవుతోంది. ప్రస్తుతం ఈ మ్యాచ్‌ను 57.1 కోట్ల మంది ప్రజలు వీక్షిస్తున్నారు. ఇప్పటి వరకు జరిగిన అన్ని మ్యాచ్‌ల్లో ఎక్కువ మంది వీక్షించిన మ్యాచ్‌లో ఇదే టాప్. ఇంత పెద్ద మొత్తంలో ప్రజలు చూడటంతో సోషల్ మీడియాలో వైరల్ అవుతోంది. ఇది అమెరికా జనాభా కంటే ఎక్కువ. మ్యాచ్ చివరకు వెళ్లే సరికి వ్యూస్ ఇంకా పెరిగే అవకాశాలు కనిపిస్తున్నాయి. అత్యధిక మంది వీక్షించిన మ్యాచ్‌గా ఇది రికార్డు నెలకొల్పింది.

ఇదిలా ఉండగా టాస్ గెలిచి బ్యాటింగ్ ఎంచుకున్న పాక్ 49.4 ఓవర్లలో 241 పరుగులు చేసి ఆలౌటైంది. ఈ మ్యాచ్‌లో భారత్ బౌలర్లు చాలా కట్టుదిట్టంగా బంతులు వేశారు. చాలా జాగ్రత్తగా ఆడినా పాకిస్థాన్ చివరికి ఆలౌటైంది. ఈ మ్యాచ్‌లో సౌద్ షకీల్ 62 పరుగులు, మహ్మద్ రిజ్వాన్‌ 46 పరుగుల చేశారు. భారత్ బౌలర్లు ఈ మ్యాచ్‌లో ఇరగదీశారు. కుల్‌దీప్ యాదవ్ 3 వికెట్లు తీయగా హార్దిక్ పాండ్యా రెండు వికెట్లు తీశాడు. అక్షర్ పటేల్, రవీంద్ర జడేజా, హర్షిత్ రాణాకు ఒక్కోరు ఒక్కో వికెట్ తీశారు. ప్రస్తుతం టీమిండియా బ్యాటింగ్ జరుగుతోంది. హిట్ మ్యాన్ రోహిత్ శర్మ ఔట్ కాగా.. గిల్, శ్రేయస్ అయ్యర్ ఔట్ అయ్యారు. క్రికెట్ అభిమానులు ఉహించినంత రసవత్తరంగా అయితే మ్యాచ్ సాగడం లేదు. కింగ్ కోహ్లీ హాఫ్ సెంచరీ చేసి సెంచరీ దిశగా వెళ్తున్నాడు. టీమిండియా గెలుపు పక్కా అన్నట్లు తెలుస్తోంది. మరి చివరిలో ఏమైనా తారుమారు అయితే చెప్పలేం. మరి ఈ మ్యాచ్‌లో టీమిండియా గెలుస్తుందో? పాకిస్థాన్ గెలుస్తోందో చూడాలి.