IND vs NZ: ఐసీసీ ఛాంపియన్స్ ట్రోఫీ ఫైనల్ మ్యాచ్.. భారత్ టార్గెట్ 252

IND vs NZ:

ఐసీసీ ఛాంపియన్స్‌ ట్రోఫీ ఫైనల్ మ్యాచ్ (ICC Champions Trophy 2025) దుబాయ్ వేదికగా జరుగుతోంది. భారత్, న్యూజిలాండ్ మధ్య జరుగుతున్న ఈ మ్యాచ్‌లో కివీస్ జట్టు టాస్ గెలిచి బ్యాటింగ్ ఎంచుకుంది. మొదటి ఇన్నింగ్స్‌లో న్యూజిలాండ్ 251/7 కొట్టింది. దీంతో టీమిండియా టార్గెట్ 252 స్కోర్ కొట్టాలి. న్యూజిలాండ్ బ్యాటర్లు డారిల్ మిచెల్ (63), మైకేల్ బ్రాస్‌వెల్ (51*) రాణించగా.. రచిన్ రవీంద్ర (37), గ్లెన్ ఫిలిప్స్ (34) స్కోర్ చేశారు. విల్ యంగ్ (15), కేన్ విలియమ్సన్ (11), టామ్ లేథమ్ (14), మిచెల్‌ శాంట్నర్‌ (8) పరుగులు మాత్రమే చేయగా.. నాథన్‌ స్మిత్‌ 0 (1) నాటౌట్‌గా నిలిచాడు. అయితే భారత్ బౌలర్లు న్యూజిలాండ్ బ్యాటర్లను కట్టుదిట్టం చేశారు. కుల్‌దీప్ యాదవ్ 2 వికెట్లు తీయగా వరుణ్ చక్రవర్తి 2 వికెట్లు తీశాడు. రవీంద్ర జడేజా, షమి ఇద్దరు చెరో వికెట్ పడగొట్టారు.

న్యూజిలాండ్ బౌలర్లు మొదటి నుంచి నిలకడగా ఆడారు. అయినా కూడా వరుస వికెట్లు పడ్డాయి. న్యూజిలాండ్ ఓపెనర్ విల్ యంగ్‌ను వరుణ్ చక్రవర్తి మొదటిగా ఔట్ చేశాడు. దీంతో 57 పరుగుల వద్దే న్యూజిలాండ్ ఒక వికెట్‌ను కోల్పోయింది. ఆ తర్వాత కేన్ విలియమ్సన్ క్రీజుకి వచ్చాడు. ఇంతలో కుల్‌దీప్ యాదవ్ మరో వికెట్ తీశాడు. 10.1 పరుగుల వద్ద రచిన్ రవీంద్రను కుల్‌దీప్ యాదవ్ క్లీన్ బౌల్డ్ చేశాడు. ఆ తర్వాత డారిల్ మిచెల్ క్రీజులోకి వచ్చాడు. ఇంతలో కుల్ దీప్ యాదవ్ మరో వికెట్‌ను తన ఖాతాలో వేసుకున్నాడు. కేన్ విలియమ్సన్‌ను కుల్‌దీప్ యాదవ్ పెవిలియన్‌కు చేర్చాడు. ఇలా వరుస వికెట్లు పడటంతో న్యూజిలాండ్ బ్యాటర్లు నిలకడగా ఆడారు. న్యూజిలాండ్ 20 ఓవర్లలో 100 పరుగులు చేసింది. న్యూజిలాండ్ 7 వికెట్ల నష్టానికి 251 పరుగులు చేసింది.

భారత జట్టు
రోహిత్ శర్మ (కెప్టెన్), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, అక్షర్ పటేల్, కేఎల్ రాహుల్ (వికెట్ కీపర్), హార్దిక్ పాండ్యా, రవీంద్ర జడేజా, మహ్మద్ షమీ, కుల్దీప్ యాదవ్, వరుణ్ చక్రవర్తి ఉన్నారు.

న్యూజిలాండ్‌ జట్టు
విల్ యంగ్, రచిన్ రవీంద్ర, కేన్ విలియమ్సన్, డారిల్ మిచెల్, టామ్ లాథమ్ (వికెట్ కీపర్), గ్లెన్ ఫిలిప్స్, మైఖేల్ బ్రేస్‌వెల్, మిచెల్ సాంట్నర్ (కెప్టెన్), కైల్ జేమిసన్, విలియం ఓరూర్కే, నాథన్ స్మిత్ ఆడుతున్నారు.