KTR ACB Notice : కేటీఆర్‌కు ఏసీబీ నోటీసులు.. కవిత సంచలన ట్వీట్!

KTR ACB Notice : తెలంగాణ రాజకీయాలు ఒక్కసారిగా హీటెక్కాయి. ముఖ్యంగా బీఆర్ఎస్ (BRS) పార్టీ కీలక నేతలకు వరుసగా నోటీసులు అందడం ఇప్పుడు చర్చనీయాంశంగా మారింది. బీఆర్ఎస్ కార్యనిర్వాహక అధ్యక్షుడు, మాజీ మంత్రి కేటీఆర్‌కు (KTR) ఫార్ములా ఈ కార్ రేసు కేసులో ఏసీబీ (Anti-Corruption Bureau) నోటీసులు జారీ చేయడం సంచలనంగా మారింది. దీనిపై కేటీఆర్ సోదరి, బీఆర్ఎస్ ఎమ్మెల్సీ కవిత తీవ్రంగా స్పందించారు. ప్రజా సమస్యల నుంచి ప్రజల దృష్టిని మళ్లించడానికే కాంగ్రెస్ ప్రభుత్వం కుట్రపూరితంగా వ్యవహరిస్తోందంటూ ఆమె ఆరోపించారు. కేసీఆర్, హరీష్ రావు, ఈటల రాజేందర్‌లకు కూడా కాళేశ్వరం ప్రాజెక్టుపై నోటీసులు అందడంతో తెలంగాణ పాలిటిక్స్‌లో ఇప్పుడు నోటీసుల పర్వం కలకలం రేపుతోంది.

తెలంగాణ పాలిటిక్స్‎లో తీవ్ర చర్చకు దారితీసిన ఫార్ములా ఈ కార్ రేసు కేసులో కీలక పరిణామం చోటు చేసుకుంది. గత బీఆర్ఎస్ ప్రభుత్వ హయాంలో హైదరాబాద్‌లో ఫార్ములా ఈ కార్ రేసింగ్ నిర్వహించిన విషయం తెలిసిందే. ఈ వ్యవహారంలో అవకతవకలు జరిగాయని, నిబంధనలకు విరుద్ధంగా నిధుల చెల్లింపు జరిగిందన్న ఆరోపణలపై ఏసీబీ కేసు నమోదు చేసింది. ఈ కేసులో మాజీ మంత్రి కేటీఆర్‌తో పాటు, ఐఏఎస్ అధికారి అరవింద్ కుమార్, హెచ్‌ఎండీఏ మాజీ చీఫ్ ఇంజినీర్ బీఎల్ఎన్ రెడ్డిలను ఏసీబీ నిందితులుగా చేర్చింది. కేటీఆర్‌కు సోమవారం (మే 26) ఏసీబీ నోటీసులు జారీ చేసి, మే 28న విచారణకు హాజరు కావాలని ఆదేశాలు జారీ చేసింది.

Read Also:TVS : యాక్టివాకు షాక్.. ఇంజిన్, డిజైన్‎లో భారీ మార్పులతో కొత్త టీవీఎస్ జూపిటర్ 125 వస్తోంది

తమ వైఫల్యాలను కప్పిపుచ్చుకోడానికి, ప్రజా సమస్యల నుంచి దృష్టి మళ్లించడానికి కుట్రపూరితంగా రేవంత్ రెడ్డి గారి ప్రభుత్వం @KTRBRS గారికి నోటీసులు జారీ చేయడాన్ని తీవ్రంగా ఖండిస్తున్నాను.

ముఖ్యమంత్రి రేవంత్ రెడ్డి కుటిల రాజకీయ క్రీడలో భాగంగానే ఏసీబీ నోటీసులు జారీ చేసినట్లు…

— Kavitha Kalvakuntla (@RaoKavitha) May 26, 2025

ఈ నోటీసులపై బీఆర్ఎస్ ఎమ్మెల్సీ కవిత సంచలన ట్వీట్ చేశారు. తన సోదరుడు కేటీఆర్‌తో విభేదాలు వచ్చాయంటూ జరుగుతున్న ప్రచారం నేపథ్యంలోనే కవిత ఈ ట్వీట్ చేయడం గమనార్హం. కేటీఆర్‌కు ఏసీబీ నోటీసులు జారీ చేయడాన్ని తీవ్రంగా ఖండిస్తున్నట్లు ఆమె స్పష్టం చేశారు. “తమ వైఫల్యాలను, ప్రజా సమస్యల నుంచి ప్రజల దృష్టిని మళ్లించేందుకే కాంగ్రెస్ ఈ నోటీసులు ఇచ్చింది. సీఎం రేవంత్ రాజకీయ కుట్రలో భాగంగానే ఏసీబీ నోటీసులు జారీ చేసినట్లు స్పష్టమవుతోంది. తమ పార్టీ నేతలకు వరుసగా నోటీసులు జారీ చేయడం వెనుక రాజకీయ దురుద్దేశం ఉన్నట్లు తేటతెల్లమైంది” అని ఆమె ‘ఎక్స్’లో పేర్కొన్నారు. ఎవరెన్ని ఇబ్బందులు పెట్టినా తట్టుకుని నిలబడ్డ చరిత్ర కేసీఆర్ సైనికులది అని కవిత తన పార్టీ శ్రేణులకు ధైర్యం చెప్పారు. ఈ కేసులో గతంలో కూడా కేటీఆర్, అరవింద్ కుమార్, బీఎల్ఎన్ రెడ్డిలను ఏసీబీ ప్రశ్నించింది. అప్పట్లో కేటీఆర్‌ను అరెస్ట్ చేస్తారని జోరుగా ప్రచారం జరిగినా, అలాంటిదేమీ జరగలేదు. గత కొంతకాలంగా ఈ కేసు దర్యాప్తులో ఏసీబీ సైలెంట్‌గా ఉంది. కవిత కేసీఆర్‌కు రాసిన లేఖతో ఒక్కసారిగా తెలంగాణ పాలిటిక్స్ హీటెక్కాయి. ఈ నేపథ్యంలో కేటీఆర్‌కు ఏసీబీ రెండోసారి నోటీసులు ఇవ్వడం రాజకీయంగా తీవ్ర చర్చకు దారితీసింది.

ఫార్ములా ఈ కేసుతో పాటు, కాళేశ్వరం ప్రాజెక్ట్ విషయంలో కూడా బీఆర్ఎస్ కీలక నేతలకు నోటీసులు అందడం తెలంగాణ రాజకీయాల్లో ఉత్కంఠను మరింత పెంచుతోంది. జస్టిస్ పీసీ ఘోష్ కమిషన్ కాళేశ్వరం ప్రాజెక్టులో జరిగిన అవకతవకలపై విచారణ జరుపుతోంది. ఈ విచారణలో భాగంగా కేసీఆర్, హరీష్ రావు, ఈటల రాజేందర్‌లకు నోటీసులు జారీ చేసింది. కమిషన్ ఆదేశాల ప్రకారం, కేసీఆర్ జూన్ 5న, హరీష్ రావు జూన్ 6న, ఈటల రాజేందర్ జూన్ 9న విచారణకు హాజరు కావాల్సి ఉంది.

Read Also:Toyota EV : టయోటా నుంచి సంచలనం.. 500 కి.మీ.ల రేంజ్‌తో రాబోతున్న ఫస్ట్ ఎలక్ట్రిక్ కారు!