Loan for MBBS Study: MBBS చదవాలంటే ఎంత రుణం గరిష్టంగా పొందవచ్చంటే?

Loan for MBBS Study: డాక్టర్ చదవాలని చాలా మంది కలలు కంటారు. కానీ చదవడానికి చాలా ఖర్చు అవుతుంది. దేశంలో వైద్య వృత్తిని కొనసాగించాలంటే చాలా కష్టం. ఈ చదువు చదవడానికి అసలు అప్పు చేయకుండా వైద్య వృత్తికి చదవడం కూడా చాలా కష్టం. కానీ దేశంలో ఎందరో లక్షలాది మంది విద్యార్థులు వైద్యులు కావాలని కలలుకంటున్నారు. అయితే ప్రభుత్వ వైద్య కళాశాలలో సీటు వస్తే పర్లేదు. కానీ ప్రైవేట్ కళాశాలలో ఫీజులు చెల్లించి చదవాలంటే చాలా కష్టం. మధ్య తరగతి ప్రజలు పెద్ద మొత్తంలో ఖర్చు పెట్టి చదివించలేరు. అలా అని వారి కలలను మధ్యలోనే వదిలేయకూడదు. ప్రతీ దానికి ఒక పరిష్కారం ఉంటుంది. అయితే డాక్టర్ చదవడానికి కొన్ని బ్యాంకులు రుణాలు కూడా అందిస్తాయి. అయితే ఏ బ్యాంకు ఎంత వరకు గరిష్టంగా రుణాలు ఇస్తుందో ఈ స్టోరీలో చూద్దాం.

భారతదేశంలోని చాలా బ్యాంకులు MBBS చదవడానికి లోన్‌ ఇస్తుంది. రూ.7.5 లక్షల నుంచి రూ.75 లక్షల వరకు బ్యాంకులు రుణాలు ఇస్తాయి. ప్రభుత్వ బ్యాంకులు సాధారణంగా ఎటువంటి సెక్యూరిటీ లేకుండా రూ.7.5 లక్షల వరకు రుణాలను అందిస్తాయి. కొన్ని ప్రైవేట్ బ్యాంకులు లేదా ఆర్థిక సంస్థలు కళాశాలను బట్టి, విద్యార్థి ప్రతిభను బట్టి ఇంకా ఎక్కువ రుణాలు ఇస్తాయి. లోన్ తీసుకోవడానికి కొన్ని ముఖ్యమైన పత్రాలు తప్పకుండా కావాలి. అడ్మిషన్ లెటర్, ఫీజు స్ట్రక్చర్, ఆధార్ కార్డ్, మార్క్ షీట్, బ్యాంక్ స్టేట్‌మెంట్, సహ-దరఖాస్తుదారుని ఆదాయ రుజువు వంటివి ఉంటేనే ఆ బ్యాంకులు లోన్ ఇస్తాయి.

మీరు లోన్ తిరిగి ఎప్పుడు చెల్లిస్తారనే మీరు మాట్లాడుకునే దాని మీద ఆధారపడి ఉంటుంది. విద్య రుణంపై మారటోరియం వ్యవధి ఉంటుంది. అంటే మీ చదువు కొనసాగుతున్న రోజులతో పాటు ఆ తర్వాత ఒక సంవత్సరం పాటు మీరు రుణం EMI చెల్లించాల్సిన అవసరం లేదు. మీరు ఉద్యోగంలో చేరి, ఆర్థికంగా స్థిరపడిన తర్వాత చెల్లించాలి. అంటే మారటోరియం ముగిసిన తర్వాత EMI కట్టాల్సి వస్తుంది. బ్యాంకుల్లో రుణ చెల్లింపు కాలం సాధారణంగా 5 నుంచి 15 సంవత్సరాల వరకు ఉంటుంది. మీరు తీసుకునే ముందే వడ్డీ రేటు, కాలపరిమితిని బట్టి మీరు మాట్లాడుకోవాలి. అయితే ప్రైవేట్ బ్యాంకుల్లో వడ్డీ రేటు కాస్త ఎక్కువగా ఉంటుంది. అదే ప్రభుత్వ బ్యాంకుల్లో అయితే వడ్డీ రేటు తక్కువగా ఉంటుంది. ఇలా మీరు లోన్ తీసుకుని కూడా మీరు డాక్టర్ చదవవచ్చు. ఆ తర్వాత మీరు ఆ డబ్బును సంపాదించిన తర్వాత తీర్చవచ్చు. దీనివల్ల మీరు కోరుకున్న వృతిలో రాణించగలరు.