Kamal Haasan : సినిమా కష్టాలు, వివాదాల మధ్య కమల్ హాసన్‌కు ఆస్కార్ గౌరవం!

Kamal Haasan : విశ్వనటుడు కమల్ హాసన్ గురించి ఇటీవల సినిమాల కంటే వివాదాల గురించే ఎక్కువ వినిపించింది. ఆయన నటించిన ‘థగ్ లైఫ్’ సినిమా విడుదల సిద్ధంగా ఉండగా, కన్నడ భాషపై ఆయన చేసిన వ్యాఖ్యలు పెద్ద గొడవకు దారి తీశాయి. ఆ వివాదం వల్ల కర్ణాటకలో ‘థగ్ లైఫ్’ సినిమా విడుదల కాలేదు. ఇతర రాష్ట్రాల్లో విడుదలైనా, ఆ సినిమా పెద్దగా ఆడకుండా ఫ్లాప్ అయ్యింది. ఇన్ని చేదు అనుభవాల తర్వాత, కమల్ హాసన్‌కు ఒక తీపి కబురు అందింది. ఇప్పుడు ఆయనకు ఆస్కార్ గౌరవం దక్కింది.

అయితే, ఆయనకు ఆస్కార్ అవార్డు రాలేదు. దాని బదులు ఆస్కార్ సభ్యత్వం లభించింది. ప్రతి సంవత్సరం ఆస్కార్ అవార్డులు ఇస్తారు. ఆ అవార్డుల కోసం ప్రపంచ సినిమా రంగంలోని చాలా మంది ఓట్లు వేస్తారు. అలా ఓటు వేయాలంటే.. ‘అకాడమీ ఆఫ్ మోషన్ పిక్చర్ ఆర్ట్స్ అండ్ సైన్స్’లో సభ్యులుగా ఉండాలి. ఇప్పుడు, కమల్ హాసన్‌కు అదే అకాడమీలో సభ్యుడిగా చేరమని ఆహ్వానం పంపారు. ఆయన దాన్ని చాలా సంతోషంగా ఒప్పుకున్నారు. ఇది ఆయనకు దక్కిన గొప్ప గౌరవం.

Read Also:Bollywood Khans : ఒకే సినిమాలో షారుఖ్, సల్మాన్, ఆమిర్.. అభిమానులకు పండుగే

I am honoured to join the Academy of Motion Picture Arts and Sciences.

This recognition is not mine alone, it belongs to the Indian film community and the countless storytellers who shaped me. Indian cinema has so much to offer the world, and I look forward to deepening our… https://t.co/zmw0TYFmPq

— Kamal Haasan (@ikamalhaasan) June 28, 2025

ఈ విషయంపై కమల్ హాసన్ సోషల్ మీడియాలో తన ఆనందాన్ని పంచుకున్నారు. “అకాడమీ ఆఫ్ మోషన్ పిక్చర్ ఆర్ట్స్ అండ్ సైన్స్‌లో చేరడం నాకు చాలా గర్వంగా ఉంది. ఈ గుర్తింపు నా ఒక్కడిది కాదు. ఇది మొత్తం భారతీయ సినిమా కుటుంబానికి చెందుతుంది. భారతీయ చిత్ర పరిశ్రమ ప్రపంచానికి ఇంకా చాలా ఇవ్వాల్సి ఉంది. ప్రపంచ సినిమా వాళ్లతో మరింతగా కలిసి పని చేయడానికి నేను ఆతృతగా ఉన్నాను. నాతో పాటు అకాడమీలో చేరుతున్న మిగిలిన కళాకారులకు, సాంకేతిక నిపుణులకు కూడా నా అభినందనలు” అని కమల్ హాసన్ తన ఎక్స్ ఖాతాలో పోస్ట్ చేశారు.

కమల్ హాసన్‌కు ఆస్కార్ సభ్యత్వం దక్కడంపై అభిమానులు చాలా సంతోషంగా ఉన్నారు. కామెంట్ల ద్వారా అందరూ ఆయనకు అభినందనలు తెలియజేస్తున్నారు. ఫ్యాన్స్‌తో పాటు, సినిమా, రాజకీయ రంగాలలోని ప్రముఖులు కూడా కమల్ హాసన్‌ను అభినందించారు. ఈసారి ఆయుష్మాన్ ఖురానా, డింపుల్ కపాడియా వంటి ఇతర భారతీయ ప్రముఖులు కూడా అకాడమీ సభ్యత్వానికి ఆహ్వానాలు అందుకున్నారు. ఇది భారతీయ సినిమాకు, ఇక్కడి నటీనటులకు ప్రపంచ స్థాయిలో దక్కుతున్న గుర్తింపునకు నిదర్శనం.

Read Also:Pickles for Health: నిమ్మ, అల్లం, వెల్లుల్లి ఊరగాయ.. ఇవి తింటే బరువు తగ్గడం పక్కా!