NTR Neel Movie: భారీ యాక్షన్ సీక్వెన్స్.. ఎన్టీఆర్ కోసం ప్రశాంత్ నీల్ ఇంత ప్లాన్ చేశాడా?

NTR Neel Movie: ఎన్టీఆర్, దర్శకుడు ప్రశాంత్ నీల్ కాంబినేషన్‌లో మూవీ త్వరలోనే రాబోతుంది. ప్రస్తుతం ఈ మూవీ షూటింగ్ జరుగుతోంది. తాజాగా ఈ సినిమాకు సంబంధించిన ఒక అప్‌డేట్ వచ్చింది. ఈ మూవీలో ఒక భారీ యాక్షన్ సీన్ ఉండబోతుందని తెలుస్తోంది. ఈ భారీ యాక్షన్ సీక్వెన్స్‌ను త్వరలోనే చిత్రీకరించనున్నట్లు తెలుస్తోంది. వంద లేదా రెండు వందల మంది కాదు.. ఏకంగా 2 వేల మంది కంటే ఎక్కువ మందితో సీక్వెన్స్‌ను చిత్రీకరించనున్నట్లు సమాచారం. ఈ భారీ యాక్షన్ సీక్వెన్స్ కోసం హైదరాబాద్‌లోని రామోజీ ఫిలిం సిటీలో అద్భుతమైన సెట్‌ను రూపొందించినట్లు సమాచారం. అయితే మూవీలో ఈ సీన్ హైలైట్‌గా నిలుస్తుందని టాక్ వినిపిస్తోంది. ప్రశాంత్ నీల్ తనదైన మార్క్ యాక్షన్ సన్నివేశాలను తెరకెక్కించడంలో ఎప్పుడూ ముందుంటారు. అయితే ఈ సీన్ కూడా అలాగే నిలుస్తుందట. ‘కేజీఎఫ్’, ‘సలార్’ వంటి సినిమాల్లో ప్రశాంత్ నీల్ సృష్టించిన యాక్షన్ విజువల్స్ ఫ్యాన్స్‌ను అబ్బురపరిచాయి. ఇప్పుడు ఎన్టీఆర్‌తో కలిసి ఇంకెంత భారీ స్థాయిలో యాక్షన్ సీన్లు ఉంటాయో చూడాలి. ఈ సినిమా కోసం జూనియర్ ఎన్టీఆర్ పూర్తిగా కొత్త లుక్‌లోకి మారినట్లు తెలుస్తోంది. ఎన్టీఆర్ మరింత ఫిట్ అయినట్లు తెలుస్తోంది. అయితే ఈ సినిమా దాదాపుగా రూ.360 కోట్ల కంటే ఎక్కువ బడ్జెట్‌తో తెరకెక్కుతుంది. మైత్రీ మూవీ మేకర్స్, ఎన్టీఆర్ ఆర్ట్స్ బ్యానర్‌లపై ఈ మూవీ రాబోతుంది. దీన్ని కళ్యాణ్ రామ్ నందమూరి, నవీన్ ఎర్నేని, రవిశంకర్ యలమంచిలి, హరికృష్ణ కొసరాజు నిర్మిస్తున్నారు.

ఇది కూడా చూడండి: Thug Life Movie : భారీ అంచనాలతో ‘థగ్ లైఫ్’ విడుదల.. పబ్లిక్ ఏమనుకుంటున్నారంటే

వచ్చే ఏడాది జూన్ 25 వ తేదీన ప్రపంచ వ్యాప్తంగా ఈ మూవీ గ్రాండ్‌గా థియేటర్లలో విడుదల కానుంది. పాన్ ఇండియా స్థాయిలో తెలుగు, తమిళం, హిందీ, కన్నడ, మలయాళ భాషల్లో ఈ సినిమాను రిలీజ్ చేయాలని నిర్మాతలు ప్లాన్ చేస్తున్నారు. రవి బస్రూర్ సంగీతం అందిస్తుండగా, భువన్ గౌడ సినిమాటోగ్రఫీ చేస్తున్నారు. ప్రణవ్ శ్రీ ప్రసాద్ ఎడిటర్‌గా వ్యవహరిస్తున్నారు. పీరియడ్ యాక్షన్ డ్రామాగా వస్తున్న ఈ మూవీలో హీరోయిన్ ఎవరనే విషయం ఇంకా మూవీ టీం ప్రకటన చేయలేదు. మలయాళ నటుడు టోవినో థామస్ కూడా ఈ సినిమాలో కీలక పాత్ర పోషిస్తున్నట్లు సమాచారం. ‘ఆర్ఆర్ఆర్’ తర్వాత జూనియర్ ఎన్టీఆర్ నటిస్తున్న ఈ సినిమాపై భారీ అంచనాలు నెలకొన్నాయి. ఆర్ఆర్ఆర్’ తర్వాత ఎన్టీఆర్ దేవరలో నటించారు. ఈ సినిమా బ్లాక్ బస్టర్ అయ్యింది. మరి వీరిద్దరి కాంబోలో మూవీ ఎలా ఉంటుందో చూడాలి.