Singer Kalpana: చనిపోవాలనిపించింది.. కల్పన బయటపెట్టిన సంచలన విషయాలు

Singer Kalpana:

టాలీవుడ్ ప్రముఖ సింగర్ కల్పన ఆత్మహత్యాయత్నం చేసుకున్న సంగతి తెలిసిందే. తాజాగా నిద్రమాత్రలు వేసుకుని ఆత్మహత్యాయత్నం చేయగా.. అదృష్టవశాత్తు బయటపడింది. ప్రస్తుతం ఆసుపత్రిలో చికిత్స తీసుకుంటుంది. కల్పన పరిస్థితి కూడా ప్రస్తుతం విషమంగా ఉంది. అయితే స్పృహలోకి వచ్చిన కల్పన తాను ఆత్మహత్యాయత్నం చేసుకోవడానికి గల కారణాలను బయటపెట్టింది. అందరూ కూడా భర్తతో విభేదాలు అని, భర్త కారణంగానే ఆత్మహత్యాయత్నం చేసుకుందని ఆరోపించారు. కానీ తన ఆత్మహత్యాయత్నం భర్త కారణం కాదట. కూతురు కారణంగా కల్పన ఆత్మహత్యాయత్నం చేసుకుంది. హైదరాబాద్ రావాలని కల్పన కూతురిని కోరగా.. రానని తెలిపింది. దీంతో కల్పన ఆత్మహత్యాయత్నం చేసినట్లు ఆమె స్పృహలోకి వచ్చిన తర్వాత తెలిపింది. అయితే కల్పన పూర్తిగా కోలుకున్న తర్వాత పూర్తి విషయాలు కూడా వెలుగులోకి వచ్చే అవకాశం ఉంది. అయితే గతంతో పోలిస్తే ప్రస్తుతం కల్పనకు ఆఫర్లు తగ్గాయని అందుకే ఆత్మహత్యాయత్నం చేసుకుందని పలువురు అంటున్నారు. ఏ కారణం వల్ల ఆమె ఆత్మహత్యాయత్నం చేసుకుందో అనే విషయం తెలియాలంటే మాత్రం తప్పకుండా పూర్తిగా కోలుకోవాల్సిందే.

ఇదిలా ఉండగా సింగర్, డబ్బింగ్ ఆర్టిస్టు అయిన కల్పన హైదరాబాద్‌లోని నిజాంపేటలోని వర్టెక్స్ ప్రివిలేజ్‌లో నివాసం ఉంటుంది. అయితే గత కొన్ని రోజుల నుంచి కల్పన తీవ్ర మనస్తాపం చెంది బాధపడుతుంది. ఈ క్రమంలోనే నిద్రమాత్రలు మింగి ఆత్మహత్యాయత్నానికి పాల్పడింది. అయితే రెండు రోజుల నుంచి ఇంటి తలుపులు తీయకపోవడంతో స్థానికులు పోలీసులకు ఫిర్యాదు చేశారు. దీంతో పడక గదిలో ఆమె అపస్మారక స్థితిలో ఉండటంతో వెంటనే ఆమెను స్థానిక ఆసుపత్రికి తరలించి చికిత్స అందించారు. ప్రస్తుతం ఆమెకు వెంటిలేటర్‌పై చికిత్స అందిస్తున్నారు. అయితే కల్పన భర్త చెన్నైలో ఉంటున్నారు. పోలీసులు వెంటనే ఈ విషయం చెప్పడంతో భర్త హైదరాబాద్ చేరుకున్నారు. కల్పన ఆత్మహత్యాయత్నం చేసుకోవడానికి దాంపత్య జీవితం ఏమైనా కారణమా అనే కోణంలో పోలీసులు ఆమె భర్తను విచారించారు. లేకపోతే ఇంకా ఏవైనా కారణాలు ఉన్నాయా? అనే కోణంలో పోలీసులు విచారిస్తున్నారు. ప్రస్తుతం ఆమె ఆరోగ్యం విషమంగా ఉంది. ఇదిలా ఉండగా.. కల్పన సింగర్‌గా రాణిస్తున్నా కూడా జీవితంలో ఎన్నో సమస్యలు ఎదుర్కొంది. అయితే ఒకానొక సమయంలో ఆత్మహత్య చేసుకోవాలని కూడా అనుకున్నట్లు ఓ ఇంట‌ర్వ్యూలో గతంలో తెలియజేసింది. కల్పన భర్త ఓ వ్యాపారవేత్త. అతను తన కూతురును చూసుకుని 19 ఏళ్ల కూతురిని చూసుకుంటూ చెన్నైలో ఉంటారు. అయితే ఎప్పటి నుంచి భర్తతో కాస్త గొడవలు ఉన్నట్లు వార్తలు వచ్చాయి.