Garikapati Narasimha Rao: బాధలో ఉన్నప్పుడు బలం ఇచ్చేది ఏమిటి?

Garikapati Narasimha Rao: మానవ జీవితంలో సుఖాలు, దుఃఖాలు ఉంటాయి. ఎవరూ బాధలకు అతీతులు కారు. అయితే బాధ వచ్చినప్పుడు కృంగిపోకుండా దానిని ధైర్యంగా ఎదుర్కొని నిలబడటమే అసలైన బలం. బాధ సమయంలో విష్ణుమూర్తిని ఆరాధిస్తే మంచిదని గరికపాటి నరసింహారావు తెలిపారు. బాధలు మనస్సులో భగవంతుని సన్నిధిని గుర్తు చేస్తాయి. అన్ని మార్గాలు మూసుకుపోయినప్పుడు, మానవుడు నిస్సహాయ స్థితిలో ఉన్నప్పుడు, దైవాన్ని శరణు వేడతాడు. ఆ దైవమే విష్ణుమూర్తి. సృష్టి, స్థితి, లయ కారకులలో స్థితికారుడైన విష్ణుమూర్తి, విశ్వాన్ని పరిరక్షించేవాడు. అందుకే ఆయనను శరణు వేడితే, ఎలాంటి కష్టాలు అయినా కూడా తీరిపోతాయని గరికపాటి అన్నారు. బాధ వచ్చినప్పుడు మనం భగవంతునిపై సంపూర్ణ విశ్వాసం ఉంచాలి. “సర్వ ధర్మాన్ పరిత్యజ్య మామేకం శరణం వ్రజ” అన్న భగవద్గీత వచనాన్ని చదవాలి. సమస్త ధర్మాలను విడిచిపెట్టి తనను మాత్రమే శరణు వేడితే, తాను అన్ని పాపముల నుంచి విముక్తిని కలిగించి మోక్షమును ప్రసాదిస్తానని శ్రీకృష్ణుడు చెప్పిన మాటలను తెలిపారు.

 

View this post on Instagram

 

A post shared by Sri Garikipati Narasimha Rao (@garikipatinarasimharaoofficial)

విష్ణు సహస్రనామ పారాయణం అనేది బాధలో ఉన్నవారికి ఒక గొప్ప ఓదార్పు అని గరికపాటి తెలిపారు. వేయి నామాలలో విష్ణువు అనంతమైన గుణ గణాలు, శక్తులు ఉన్నాయి. ఈ నామాలను పారాయణం చేయడం వల్ల మనసుకు అద్భుతమైన ప్రశాంతత లభిస్తుంది. మనసులోని ఆందోళనలు తొలగిపోయి, సానుకూల శక్తి ప్రవహిస్తుందని గరికపాటి అంటున్నారు. విష్ణు సహస్ర నామాన్ని పఠించడం వల్ల కష్టాలు తొలగిపోతాయని, వాటిని తట్టుకునే శక్తిని ఇస్తాడని తెలిపారు. విష్ణువుకు ప్రీతికరమైన తులసిని పూజించడం, విష్ణు ఆలయాలను దర్శించడం, ఏకాదశి వ్రతాలు ఆచరించడం వంటివి కూడా మన బాధలను తగ్గించి, మనసుకు బలాన్ని ఇస్తాయని అంటున్నారు. భక్తి అనేది కేవలం ఒక కర్మ కాదు, అది ఒక అనుభూతి. ఆ అనుభూతి మనల్ని బాధల నుంచి దూరం చేస్తుంది. భగవంతుని లీలలను ముఖ్యంగా విష్ణువు దశావతారాలను గురించి తెలుసుకోవడం వల్ల బాధ నుంచి విముక్తి పొందుతారు.

లోక కళ్యాణం కోసం ఆయన పడిన కష్టాలు, సకల ప్రాణులను రక్షించిన విధానం మనకు స్ఫూర్తినిస్తాయని తెలిపారు. మన బాధలు ఆయన లీలల ముందు ఎంత చిన్నవో అర్థమవుతుంది. శ్రీరామునిగా, శ్రీకృష్ణునిగా అవతరించి లోకాన్ని రక్షించిన విష్ణువు, మన కష్టాలను కూడా తీర్చగలడు అన్న నమ్మకం మనలో బలపడుతుందని గరికపాటి అంటున్నారు. బాధ అనేది మనకు ధైర్యాన్ని, ఓర్పును నేర్పుతుంది. ఈ గుణాలు విష్ణుమూర్తి కృపతో మరింత పెరుగుతాయి. భగవంతునిపై భారం వేయడం ద్వారా మన భారం తగ్గిపోతుందని.. మనకు తెలియకుండానే ఒక అదృశ్య శక్తి మనల్ని ముందుకు నడిపిస్తుందని గరికపాటి అంటున్నారు. దీనివల్ల మానసిక ప్రశాంతత కలుగుతుందని గరికపాటి చెబుతున్నారు.

ఇది కూడా చూడండి: Samantha : వామ్మో.. ఫోటోగ్రాఫర్ల పై విరుచుకుపడ్డ సమంత.. ఇంత కోపం ఎన్నడూ చూడలేదు