Cancer: సన్ స్క్రీన్ క్యాన్సర్ ను తెస్తుందా? క్యాన్సర్ రాకుండా కాపాడుతుందా?

Cancer సూర్యుడి నుంచి వచ్చే అతినీలలోహిత (UV) కిరణాలు చర్మ క్యాన్సర్‌కు ప్రధాన కారణంగా మారుతున్నాయి. ఇది మెలనోమా , నాన్-మెలనోమా చర్మ క్యాన్సర్‌కు కారణమవుతుంది.

Cancer: ఎండలో వెళ్లినప్పుడు సన్ స్క్రీన్ ను ఉపయోగించడం చాలా అవసరం. దీని వల్ల స్కిన్ ను కాపాడుకోవచ్చు అని నమ్ముతారు. ఇలాంటి ఉత్పత్తులను వాడటం కూడా కామన్. కానీ అన్ని ఉత్పత్తులు స్కిన్ కు మంచివి కాకపోవచ్చు. అయితే సన్ స్కీన్ వల్ల క్యాన్సర్ వస్తుంది అని కొందరు అంటారు. మరి దీని వల్ల క్యాన్సర్ వస్తుందా? వచ్చే క్యాన్సర్ ను ఇది తరిమి కొడుతుందా? అనే వివరాలు ఇప్పుడు మనం తెలుసుకుందాం. సన్ స్క్రీన్ ఉపయోగించడం వల్ల క్యాన్సర్ వస్తుందని చాలా మంది అనుకుంటారు. అయితే ఎండలో వెళ్లినప్పుడు చాలా మంది దీన్ని ఉపయోగిస్తారు. ఈ అపోహ వల్ల సన్ స్క్రీన్ రాసుకోవడానికి కొందరు భయపడుతున్నారు కూడా. అయితే నిజానికి, సన్‌స్క్రీన్ హానికరమైన UV కిరణాలను నిరోధిస్తుంది. దీని ద్వారా చర్మ క్యాన్సర్‌ను నివారించవచ్చు అన్నమాట. చర్మ క్యాన్సర్‌కు ఇది ప్రధాన కారణం. అయితే తీవ్రమైన సూర్యకాంతిలో సన్‌స్క్రీన్ అప్లై చేయడం వల్ల చర్మానికి చాలా ఉపయోగంగా ఉంటుంది. చర్మంపై ఉపయోగించడానికి, 30 లేదా అంతకంటే ఎక్కువ SPF ఉన్న విస్తృత-స్పెక్ట్రమ్ సన్‌స్క్రీన్‌ను ఎంచుకుంటే సరిపోతుంది. దీన్ని ప్రతిరోజూ అప్లై చేయడం ద్వారా, చర్మాన్ని UV కిరణాల నుంచి రక్షించుకోవచ్చు.

సన్‌స్క్రీన్ అప్లై చేయడం ఎందుకు ముఖ్యమంటే?
సూర్యుడి నుంచి వచ్చే అతినీలలోహిత (UV) కిరణాలు చర్మ క్యాన్సర్‌కు ప్రధాన కారణంగా మారుతున్నాయి. ఇది మెలనోమా , నాన్-మెలనోమా చర్మ క్యాన్సర్‌కు కారణమవుతుంది. అటువంటి పరిస్థితిలో, సన్‌స్క్రీన్ ఒక కవచంగా పనిచేస్తుంది. సన్‌స్క్రీన్ ఒక రక్షణ కవచంగా పనిచేస్తుంది. హానికరమైన UV కిరణాలు మీ చర్మాన్ని చేరకుండా, దెబ్బతినకుండా నిరోధిస్తుంది. ప్రతిరోజూ సన్‌స్క్రీన్‌ను ఉపయోగించడం వల్ల చర్మ క్యాన్సర్ ప్రమాదాన్ని తగ్గించుకోవచ్చు. దీన్ని ఉపయోగించడం ద్వారా ప్రమాదాన్ని చాలా వరకు తగ్గించవచ్చు.

UVA, UVB కిరణాల నుండి రక్షించే సన్‌స్క్రీన్‌ను ఎంచుకోండి. ఇవి మంచివి. అంతేకాదు మీ చర్మానికి అనుగుణంగా సరైన SPF ని ఎంచుకోండి. 30 లేదా అంతకంటే ఎక్కువ SPF ఉన్న సన్‌స్క్రీన్‌ను ఎంచుకోండి. సాధారణంగా చర్మానికి సరైన SPF ఎంచుకోవడం చాలా ముఖ్యం. ముఖం, మెడ, చెవులు, చేతులతో సహా బహిర్గతమైన చర్మం అంతటా సన్‌స్క్రీన్‌ను విరివిగా వర్తించండి. మీరు ఈత కొడుతున్నా లేదా చెమటలు పడుతున్నా ప్రతి రెండు గంటలకు లేదా అంతకంటే ఎక్కువసార్లు సన్‌స్క్రీన్‌ను మళ్లీ అప్లే చేయడం మంచిది.

సన్‌స్క్రీన్‌పై మాత్రమే ఆధారపడవద్దు:
సన్‌స్క్రీన్ వాడటమే కాకుండా, మీ చర్మాన్ని రక్షించుకోవడానికి మీరు ఇతర వస్తువులను కూడా ఉపయోగించాలి. మీరు బయటకు వెళ్ళినప్పుడల్లా, నీడలో ఉండండి, మిమ్మల్ని మీరు రక్షించుకోవడానికి తగిన దుస్తులు ధరించండి, బయటకు వెళ్ళినప్పుడు సన్ గ్లాసెస్ ధరించడం మర్చిపోవద్దు. ఎండ ఎక్కువగా ఉండే సమయాలలో బయటకు వెళ్లవద్దు. మీరు ఎండలో బయటకు వెళ్ళినప్పుడల్లా, సమయం చూసుకోండి. ముఖ్యంగా సూర్యకిరణాలు బలంగా ఉండే రద్దీ సమయాల్లో (ఉదయం 10 నుంచి మధ్యాహ్నం 2 గంటల వరకు)బయటకు వెళ్లడం మానుకోండి.

Disclaimer : అవగాహన కోసం మాత్రమే ఈ సమాచారం అందిస్తున్నాము. దీన్ని ట్రెండింగ్ తెలుగు నిర్ధారించదు. దయచేసి గమనించగలరు.