Health Tips: వేడి నీరు V/S గోరు వెచ్చని నీరు. ఏది మంచిది?

Health Tips:

ఉదయం లేవగానే వేడి నీరు తాగాలి అంటారు పెద్దలు. అయితే చాలా వేడి నీరును మాత్రం అసలు తాగవద్దు. గోరు వెచ్చని నీరు మాత్రమే మీకు ప్రయోజనాలను అందిస్తుంది. అంతేకానీ అధికంగా వేడి ఉన్న నీరును మాత్రం అసలు తీసుకోవద్దు అంటున్నారు నిపుణులు. గోరు వెచ్చని నీటి వల్ల లేదా కాచి చల్లార్చిన నీటి వల్ల అనేక వ్యాధులు నయమవుతాయి. ప్రస్తుతం అనారోగ్యకరమైన జీవనశైలి కారణంగా, చాలా మంది బరువు పెరుగుతున్నారు. కడుపు సంబంధిత సమస్యలను ఎదుర్కొంటున్నారు. ఈ సమస్యలను వదిలించుకోవడానికి గోరు వెచ్చని నీరు సహాయపడుతుంది.

గోరు వెచ్చని నీరు తాగడం వల్ల జీర్ణవ్యవస్థ ఆరోగ్యంగా ఉంటుంది. నీరు మీ కడుపు, ప్రేగుల గుండా వెళుతున్నప్పుడు, శరీరం వ్యర్థాలను బాగా తొలగించగలదు. జీర్ణవ్యవస్థను సక్రియం చేయడంలో ఈ నీరు ఉపయోగపడుతుంది. ఈ గోరు వెచ్చని నీరు సహజ డీటాక్స్ పానీయంగా పనిచేస్తుంది. వ్యాయామం చేస్తున్నప్పుడు దీన్ని తాగడం వల్ల శరీర ఉష్ణోగ్రత పెరుగుతుంది. అధిక చెమట పట్టడానికి కారణమవుతుంది. ఇది శరీరం నుంచి విషాన్ని బయటకు పంపుతుంది.

ఉదయం ఖాళీ కడుపుతో గోరువెచ్చని నీరు త్రాగడం వల్ల కొవ్వును బర్న్ చేసుకోవచ్చు. రాత్రి పడుకునే ముందు ఈ నీళ్లు తాగితే, మీ కడుపు నిండినట్లు అనిపిస్తుంది. అతిగా తినడం నివారించవచ్చు. అటువంటి పరిస్థితిలో, బరువు తగ్గడం సులభం అవుతుంది. ఈ నీరు తాగినప్పుడు, ఉష్ణోగ్రతలో ఆకస్మిక పెరుగుదల కారణంగా మీ శరీర ఉష్ణోగ్రత నియంత్రణ వ్యవస్థ సక్రియం అవుతుంది.

దీని కారణంగా శరీరం దాని అంతర్గత ఉష్ణోగ్రతను తగ్గించి నీటి ఉష్ణోగ్రతను భర్తీ చేస్తుంది. ఈ మొత్తం ప్రక్రియ మీ జీవక్రియను సక్రియం చేస్తుంది. దీని వల్ల బరువు కూడా తగ్గవచ్చు. ఇక రాత్రిపూట గోరువెచ్చని నీరు తాగడం వల్ల ఆహారం త్వరగా జీర్ణమవుతుంది, దీని కారణంగా ఉదయం కడుపు సులభంగా క్లియర్ అవుతుంది. దీనితో పాటు, జీర్ణవ్యవస్థ బలహీనంగా ఉన్నవారికి గోరు వెచ్చని నీరు తాగడం కూడా ప్రయోజనకరంగా ఉంటుంది.

అయితే కొందరు అతి వేడిగా ఉంటే నీటిని కూడా తాగుతుంటారు. టీ తాగినట్టు ఒక్కొక్క సిప్ తాగుతారు. కానీ ఇలా చాలా వేడి నీరును తాగడం చాలా డేంజర్ అంటున్నారు నిపుణులు. బరువు తగ్గడానికి చాలా మంది వేడి నీటిని తాగుతారు. కానీ ఇలా తాగడం వల్ల చాలా సమస్యలు వస్తాయట. దంత సమస్యలు వచ్చే ప్రమాదం ఎక్కువ ఉంటుందట. టేస్ట్ బడ్స్ కూడా దెబ్బతింటాయట. జీర్ణ వ్యవస్థ ఇబ్బందికి గురై కడుపు నొప్పికి కారణం అవుతుంది అంటున్నారు నిపుణులు. అందుకే వేడి నీరు తాగకుండా గోరు వెచ్చని నీరు మాత్రమే తీసుకోవాలి.

Disclaimer : అవగాహన కోసం మాత్రమే ఈ సమాచారం అందిస్తున్నాము. దీన్ని ట్రెండింగ్ తెలుగు నిర్ధారించదు. దయచేసి గమనించగలరు.