Life Lessons: లైఫ్ ఎండ్ అయిపోయిందని ఫీల్ అవుతున్నారా.. ఈ స్టోరీ వినండి మీకోసమే!

Life Lessons: ఈ ప్రపంచంలో ఉన్న ప్రతీ ఒక్కరికి కూడా సమస్యలు ఉంటాయి. చేయి చాచి అడుక్కునే వారి నుంచి దేశ ప్రధాని వరకు అందరికీ ఏదో ఒక సమస్య ఉంటుంది. సమస్య వచ్చినప్పుడు దాన్ని ఆలోచించుకుని, బాధపడుతూ కూర్చోకూడదు. ఈ సమస్య నుంచి ఎలా బయటపడాలనేది ఆలోచించాలి. ఈ రోజుల్లో చాలా మంది చిన్న విషయాలకు కూడా ఎక్కువ ఆలోచిస్తుంటారు. దీనివల్ల ఇంకా అనారోగ్య సమస్యలు వస్తాయి. కొందరు అయితే ఏదైనా ప్రాబ్లమ్ వస్తే చాలు.. జీవితం ఇక్కడితోని ఎండ్ అయిపోయిందని ఫీల్ అవుతుంటారు. అయితే ఎవరి జీవితం ఎక్కడికి ఎండ్ కాదు. మనిషి చనిపోతేనే తప్ప.. బతికి ఉన్నప్పుడు అసలు కాదు. ప్రతీ సమస్యకు ఒక పరిష్కారం ఉంటుంది. అలాగే మీ ప్రాబ్లమ్ ఏంటో తెలుసుకుని దానిని సరిచేసుకోవాలి. అంతే కానీ నా జీవితం ఇలా అయిపోయింది.. అలా అయిపోయిందని బాధపడకూడదు. దీనివల్ల ఇంకా మీరు దిగ్భ్రాంతి చెందుతారు.

ఇతరులను చూసిన ప్రతీసారి మీకు బాధ అనిపిస్తుంది. అయితే కొందరు చదువులో పాస్ కావాలని లేదా మంచి మార్కులు పొందాలని అనుకుంటారు. తీరా ఆ మార్కులు రాకపోయే సరికి చనిపోతారు. ఇలా చేసుకోవడం వల్ల మీ జీవితమే ఎండ్ అయిపోతుంది. మీరు గొప్ప పొజిషన్‌లో ఉండాలంటే ఇలా చేయకూడదు. ఎందుకంటే ఎవరి జీవితం ఎప్పుడు ఎలా ఉంటుందనే విషయం ఎవరికీ కూడా తెలియదు. ఈ రోజు పరీక్షలో పాస్ కాకపోవచ్చు. కానీ తర్వాత జీవితంలో గెలవచ్చు. పరీక్షల నుంచి తెలిసినా తెలియకపోయినా పర్లేదు. కానీ జీవితం గురించి పూర్తి అవగాహన ఉండాలి. అప్పుడే మీరు జీవితంలో గెలుస్తారు. ఈ రోజు సక్సెస్ రాకపోయినంత మాత్రాన మీ జీవితం ఏం ఆగిపోదు. ఏదో రోజు మీరు అనుకున్నట్లు మీ జీవితం మారుతుంది. కాకపోతే ఆ సమయం వచ్చే వరకు వేచి చూడాలి.

ప్రస్తుతం ఉన్న యువత ఏ చిన్న సమస్య వచ్చినా కూడా దానికి పరిష్కారం చావు అనుకుంటున్నారు. ఈ క్రమంలోనే చాలా మంది ప్రేమ పెళ్లికి ఒప్పుకోలేదని, కోరుకున్న ఉద్యోగం రాలేదని, ఇలా చాలా కారణాలతో ఆత్మహత్య చేసుకుంటున్నారు. ఇలా చేసుకోవడం వల్ల ఒక పది రోజులు ఏడిచి మీ కోసం మరిచిపోతారు. అదే మీరు బతికి ఉండి గెలిచి చూపిస్తే ఈ ప్రపంచం మిమ్మల్ని ఎప్పటికీ కూడా గుర్తు పెట్టుకుంటుంది. మన జీవితంలో జరిగిన ఒక చిన్న తప్పు లైఫ్ మొత్తాన్ని నాశనం చేయదు. మనం తీసుకున్న నిర్ణయాలు మనల్ని ఇలా చేస్తాయి. ఉన్న ఒక్క లైఫ్‌లో సరైన నిర్ణయాలు తీసుకుని.. జీవితాన్ని మంచిగా మలచుకోండి. దీనివల్ల మీరు భవిష్యత్తులో మంచి పొజిషన్‌లో ఉంటారు. లేకపోతే మీ జీవితాన్ని మీరే నాశనం చేసుకునే వారు అవుతారు.

ఇది కూడా చూడండి: Baahubali the Epic: వామ్మో.. బాహుబలి: ఎపిక్ రన్‌టైమ్‌ ఇన్ని గంటలా.. ఎంత ఫ్యాన్స్ అయినా ఇంత సమయం ఉంటారా?