Weight loss : బరువు తగ్గడానికి 30-30-30 ఫార్ములాను పాటించండి..

Weight loss : ఇప్పుడు శరీరం కోసం చాలా ఫార్ములాలు పుట్టుకొస్తున్నాయి. డబ్బు ఎలా సేవ్ చేయాలి? ఎలా తినాలి? ఎలా పడుకోవాలి వంటి విషయాలకు కూడా ఫార్ములాతో చెబుతున్నారు. అయితే బరువు తగ్గడానికి ఎన్నో విధాలుగా ప్రయత్నాలు చేస్తుంటారు కొందరు. అయినా కూడా ఫలితం శూన్యమే ఉంటుంది. బట్ 30-30-30 రూల్ ను పాటిస్తే మాత్రం బరువు తగ్గచ్చు అంటున్నారు నిపుణులు. ఇంతకీ ఈ ఫార్ములా ఏంటి? దీని వల్ల ఎలా బరువు తగ్గుతారు వంటి విషయాలను ఇప్పుడు మనం తెలుసుకుందాం.

30-30-30 ఫార్ములా ఏమిటి?
30-30-30 ఫార్ములా మూడు విషయాలపై దృష్టి సారించాలి అని చెబుతుంది. ఇదొక సరళమైన, నిర్మాణాత్మక పద్ధతి. అయితే ఉదయం నిద్రలేచిన 30 నిమిషాలలోపు 30 గ్రాముల ప్రోటీన్ తినడం, తరువాత 30 నిమిషాలు వ్యాయామం చేయడం. వంటివి ఉన్నాయి.

ఉదయం నిద్రలేచిన 30 నిమిషాలలోపు 30 గ్రాముల ప్రోటీన్ తినాలి అని చెబుతుంది ముందు 30. ప్రోటీన్ శరీరానికి అవసరమైన మాక్రోన్యూట్రియెంట్. ఇది జీవక్రియను పెంచుతుంది. ఆకలిని నియంత్రించడంలో సహాయపడుతుంది. ఆ తర్వాత 30 వ్యాయామం చేయాలి అని చెబుతుంది. ఇందులో నడక, యోగా, లేదా తేలికపాటి కార్డియో వ్యాయామాలు ఉండవచ్చు. ముప్పై నిమిషాలు వ్యాయామం చేయాలి. ఇవి శరీరాన్ని చురుగ్గా ఉంచుతాయి. కేలరీలను బర్న్ చేయడంలో సహాయపడతాయి.

ఉదయం నిద్ర లేచిన తర్వాత శరీరంలో జీవక్రియ మందగిస్తుంది. 30 గ్రాముల ప్రోటీన్ తినడం వల్ల జీవక్రియ వేగవంతం అవుతుంది. ఇది రోజంతా కేలరీలను బర్న్ చేసే సామర్థ్యాన్ని పెంచుతుంది. ప్రోటీన్ జీర్ణం కావడానికి ఎక్కువ సమయం పడుతుంది. మీకు కడుపు నిండిన అనుభూతిని కలిగిస్తుంది. అతిగా తినకుండా నిరోధిస్తుంది.

కండరాలను బలంగా చేస్తుంది
కండరాలకు ప్రోటీన్ చాలా అవసరం. బరువు తగ్గే సమయంలో కండరాల బలం కోల్పోయే ప్రమాదం ఉంటుంది. కానీ ప్రోటీన్ తీసుకుంటే దీనిని నివారించవచ్చు. ఇక వ్యాయామాలు కండరాలను టోన్ చేసి శరీర ఆకృతిని మెరుగుపరుస్తాయి.
ఉదయం ప్రోటీన్ అధికంగా ఉండే అల్పాహారం తినడం వల్ల శరీరానికి శక్తి లభిస్తుంది. ఇది రోజంతా చురుకుగా ఉండటానికి సహాయపడుతుంది. తక్కువ తీవ్రత కలిగిన వ్యాయామం శక్తి స్థాయిలను పెంచుతుంది. ఒత్తిడిని తగ్గిస్తుంది .

సరైన ప్రోటీన్ మూలాన్ని ఎంచుకోండి . 30 గ్రాముల ప్రోటీన్ కోసం, గుడ్లు, పెరుగు, కాటేజ్ చీజ్, వేరుశెనగ వెన్న, ప్రోటీన్ షేక్స్ లేదా చియా విత్తనాలు వంటి వాటిని తీసుకోండి. ప్రాసెస్ చేసిన ఆహారాలకు దూరంగా ఉండండి.

వ్యాయామ తీవ్రత- తక్కువ తీవ్రత వ్యాయామం అంటే మీరు చాలా అలసిపోయినట్లు అనిపించకూడదు. మీకు ఏవైనా ఆరోగ్య సమస్యలు ఉంటే, వ్యాయామం ప్రారంభించే ముందు వైద్యుడిని సంప్రదించండి. ఉదయం లేవగానే ముందుగా నీళ్లు తాగాలి. ప్రోటీన్ తిన్న తర్వాత కూడా పుష్కలంగా నీరు తాగాలి. ప్రోటీన్ మీద మాత్రమే దృష్టి పెట్టే బదులు, రోజంతా సమతుల్య ఆహారం తీసుకోండి. అందులో అవసరమైన అన్ని పోషకాలు సరైన మొత్తంలో ఉంటాయి. మీ ఆహారంలో పండ్లు, కూరగాయలు, తృణధాన్యాలు, ఆరోగ్యకరమైన కొవ్వులు ఉండాలి.

ఈ ఫార్ములా అనేక ప్రయోజనాలను అందించినప్పటికీ, ఇది బరువు తగ్గడానికి సహాయపడుతుందని సూచించడానికి ప్రస్తుతం ఎటువంటి శాస్త్రీయ ఆధారాలు లేవు. అందువల్ల, మీకు ఏదైనా ఆరోగ్య సమస్య ఉంటే, నిపుణుడిని సంప్రదించిన తర్వాతే దాన్ని ప్రారంభించండి.

Disclaimer : ఈ సమాచారం కేవలం అవగాహన కోసం మాత్రమే.. ట్రెండింగ్ తెలుగు వెబ్ సైట్ ఈ విషయాన్ని నిర్ధారించదు. దయచేసి గమనించగలరు.