Skincare : వానాకాలంలో స్కిన్ అలర్జీలు, ఫంగల్ ఇన్ఫెక్షన్లు నుంచి రక్షించుకునే చిట్కాలివే!

Skincare : వానాకాలంలో అప్పటి వరకు ఎండాకాలం కారణంగా వేడెక్కిన వాతావరణం నుండి ఉపశమనం ఇస్తుంది.. కానీ చర్మానికి సంబంధించిన అనేక ఇబ్బందులను కూడా తీసుకొస్తుంది. ఈ సీజన్‌లో స్కిన్ అలర్జీలు, దద్దుర్లు, దురద, ఫంగల్ ఇన్ఫెక్షన్లు వేగంగా పెరుగుతాయి. దీనికి ప్రధాన కారణం నిరంతర తేమ, చెమట, మురికి. వర్షంలో గాలిలో తేమ స్థాయి చాలా ఎక్కువగా ఉంటుంది. దీనివల్ల చర్మం త్వరగా తడిసిపోయి, ఆరడానికి ఎక్కువ సమయం పడుతుంది. ఇలాంటి వాతావరణంలో చర్మంపై ఫంగస్ లేదా బ్యాక్టీరియా పెరిగి, చర్మ సమస్యలు మొదలవుతాయి.

వర్షాకాలంలో శరీరానికి చెమటపడితే అది త్వరగా ఆరిపోదు. బట్టల లోపల, చంకలలో, తొడల మధ్య, కాలి వేళ్ళ మధ్య లేదా చర్మం ఒకదానికొకటి తాకే ప్రదేశాలలో తడి అలాగే ఉంటుంది. ఈ ప్రదేశాలలో తేమ కారణంగా ఫంగస్ సులభంగా పెరుగుతుంది. ఈ కారణంగానే తామర, అథ్లెట్స్ ఫుట్, కాండిడా ఇన్ఫెక్షన్ వంటి ఫంగల్ ఇన్‌ఫెక్షన్లు వేగంగా వ్యాపిస్తాయి. ముఖ్యంగా శరీర శుభ్రత సరిగా లేనప్పుడు లేదా బట్టలు పదేపదే తడిసినప్పుడు, ఈ ఇన్‌ఫెక్షన్లు మరింత పెరుగుతాయి.

Read Also:Alia Bhatt : అసిస్టెంట్ చేతిలో దారుణంగా మోసపోయిన స్టార్ హీరోయిన్ ఆలియా భట్

వానాకాలంలో దుమ్ము, ధూళి, క్రిములు, అపరిశుభ్రమైన నీటి ద్వారా చర్మంలోకి చేరుతాయి ఈ సీజన్‌లో కీటకాలు, బ్యాక్టీరియా కూడా చాలా చురుకుగా ఉంటాయి. కొన్నిసార్లు వర్షంలో తడవడం, మురికి నీటిలో నడవడం లేదా తడి బట్టలను ఎక్కువసేపు ధరించడం స్కిన్ అలర్జీలను పెంచుతుంది. కొందరికి తేమ కారణంగా చెమట నుంచి కూడా అలెర్జిక్ రియాక్షన్లు రావచ్చు, దీనిలో ఎరుపు దద్దుర్లు, మంట లేదా వాపు వంటి లక్షణాలు కనిపిస్తాయి.

పాటించాల్సిన ముఖ్యమైన చిట్కాలు!
వానాకాలంలో చర్మాన్ని పొడిగా, శుభ్రంగా ఉంచుకోవాలి. దీనికి కొన్ని చిట్కాలు పాటించాలి.
* తడి బట్టలను వెంటనే మార్చుకోవాలి. శరీరాన్ని బాగా ఆరబెట్టుకోవాలి.
* బిగుతుగా ఉండే బట్టలు ధరించకూడదు. ఎందుకంటే అవి చెమటను పీల్చుకోకుండా చర్మాన్ని తడిగా ఉంచుతాయి.
* కాటన్ లేదా వదులైన బట్టలు ధరించాలి. ఎందుకంటే అవి చర్మానికి గాలి తగిలేలా చేస్తాయి.
* చెమట ఎక్కువగా పడితే పౌడర్ లేదా యాంటీ-ఫంగల్ క్రీమ్ ఉపయోగించాలి.
* స్నానం చేసిన తర్వాత చర్మాన్ని పూర్తిగా ఆరబెట్టుకోవడం మర్చిపోవద్దు, ముఖ్యంగా వేళ్ళ మధ్య తొడల దగ్గర బాగా ఆరబెట్టుకోవాలి.
* మురికి నీటిలో లేదా వర్షంలో తడిసిన వెంటనే స్నానం చేసి, శుభ్రమైన బట్టలు ధరించాలి.
* టవల్, దుప్పటి లేదా బట్టలను ఇతరులతో పంచుకోవద్దు.
* చర్మంపై ఎరుపు మచ్చలు, దురద, దుర్వాసనతో కూడిన చెమట లేదా బొబ్బలు కనిపిస్తే వెంటనే డాక్టర్ ను సంప్రదించాలి.

Read Also:Samantha : ఆ డైరెక్టర్ తో కలిసి షికార్లు చేస్తున్న సమంత.. ఫ్యాన్స్ సందేహాలు పటాపంచలు