India Biggest Airplane crashes: దేశాన్ని విషాదంలో నింపిన ఘోర విమాన ప్రమాదాలు.. ఇప్పటి వరకు దేశంలో ఎన్ని జరిగాయంటే?
- Edited By: kusuma,
- Updated on June 12, 2025 / 06:55 PM
India Biggest Airplane crashes: గుజరాత్‌లోని అహ్మదాబాద్ విమానాశ్రయం నుంచి టేకాఫ్ అయిన ఫ్లైట్ కొన్ని నిమిషాల్లోనే క్రాష్ అయ్యింది. ఈ విమానంలో మొత్తం 242 ప్రయాణికులు కూడా మృతి చెందారు. ఈ ఘోర విమాన ప్రమాదం యావత్తు భారత్‌ను కలచివేస్తోంది. 242 ప్రయాణికుల ప్రాణాలు కొన్ని నిమిషాల వ్యవధిలోనే పోయాయి. ఈ గుజరాత్ విమాన ప్రమాదం దేశంలో జరిగిన అత్యంత ఘోరమైన విమాన ప్రమాదాల్లో ఒకటి అని చెప్పుకోవచ్చు. అయితే దేశంలో ఇప్పటి వరకు కొన్ని ఘోర విమాన ప్రమాదాలు జరిగాయి. మరి అవేంటో ఈ స్టోరీలో చూద్దాం.
చార్ఖీ దాద్రి జంక్షన్
దేశ చరిత్రలో అత్యంత ఘోర విమాన ప్రమాదం ఇదే. 1996 నవంబర్ 12న సౌదీ అరేబియా ఎయిర్‌లైన్స్ బోయింగ్ 747 విమానం, కజకిస్తాన్ ఎయిర్‌లైన్స్ ఇల్యూషిన్ ఇల్-76 విమానం రెండు కూడా ఢిల్లీ దగ్గర ఒకదానికొకటి ఢీకున్నాయి. అయితే ఈ రెండు ఢీకొనడంతో మొత్తం 349 మంది చనిపోయారు. కజకిస్తాన్ ఎయిర్‌లైన్స్ విమానం పైలట్ చేసిన తప్పు వల్ల ఈ విమాన ప్రమాదం జరిగింది. ఎయిర్ ట్రాఫిక్ కంట్రోల్‌తో సమాచారం లేకపోవడం వల్ల ఈ ప్రమాద ఘటన చోటుచేసుకుంది.
పాట్నా ఎయిర్ క్రాష్
అలయన్స్ ఎయిర్ ఫ్లైట్ 7412 కు చెందిన బోయింగ్ 737 విమానం ల్యాండ్ అవుతుండగా పాట్నాలో కూలిపోయింది. ఈ ప్రమాద ఘటనలో మొత్తం 60 మందికి పైగా మృతి చెందారు. అయితే పైలట్ విమానంపై నియంత్రణ కోల్పోయాడు. దీంతో ఈ ప్రమాద ఘటన జరిగింది.
ఔరంగాబాద్ విమాన ప్రమాదం
1993లో ఇండియన్ ఎయిర్‌లైన్స్ విమానం 491 ఔరంగాబాద్ నుంచి టేకాఫ్ అయిన తర్వాత కూలిపోవడంతో 55 మంది చనిపోయారు.
ఇంఫాల్ విమాన ప్రమాదం
1991లో ఇండియన్ ఎయిర్‌లైన్స్ విమానం 257 ఇంఫాల్ దగ్గర కూలిపోవడంతో మొత్తం 69 మంది చనిపోయారు.
బెంగళూరు విమాన ప్రమాదం
ఇండియన్ ఎయిర్‌లైన్స్ విమానం 605 బెంగళూరులో కుప్పకూలిపోవడంతో 92 మంది మరణించారు. 1990లో ఈ ఘటన జరిగింది.
అహ్మదాబాద్ విమాన ప్రమాదం
1988లో ఇండియన్ ఎయిర్‌లైన్స్ విమానం 113 అహ్మదాబాద్‌లో కూలిపోయింది. ఈ ఘోర విమాన ప్రమాదంలో మొత్తం 133 మంది ప్రయాణికులు మృతి చెందారు.
బాంబే విమాన ప్రమాదం
1982లో ఎయిర్ ఇండియా విమానం 403 బాంబే విమానాశ్రయంలో కూలిపోవడంతో 17 మంది మరణించారు.
బాంబే విమాన ప్రమాదం
1978లో ఎయిర్ ఇండియా విమానం బోయింగ్ 747 అరేబియా సముద్రంలో కుప్పకూలడంతో 213 మంది చనిపోయారు.
ఇది కూడా చూడండి: Early Morning Anjeer: ఉదయాన్నే నానబెట్టిన అంజీర్ తీసుకుంటే.. ఇన్ని ఆరోగ్య ప్రయోజనాలా!
