Shubman Gill: కొత్త టెస్ట్ కెప్టెన్సీ.. రికార్డు సృష్టించిన శుభమాన్ గిల్

Shubman Gill: హెడింగ్లీ వేదికగా ఇంగ్లాండ్, భారత్ మధ్య ఐదు టెస్టుల సిరీస్ ప్రారంభమైంది. ఈ మ్యాచ్‌లో టీమిండియా దుమ్ము దులిపింది. రోహిత్ శర్మ, విరాట్ కోహ్లీ టెస్ట్ మ్యాచ్‌లకు రిటైర్మెంట్ ప్రకటించడంతో శుభమాన్‌ గిల్‌ను బీసీసీఐ కొత్త కెప్టెన్‌గా నియమించింది. ఎలా జట్టు ప్రదర్శన ఉంటుందో.. శుభమాన్ గిల్ జట్టును ఎలా ముందుకు నడిపిస్తాడో అని అందరూ భావించారు. అయితే శుభమాన్ గిల్ నేతృత్వంలో టీమిండియా అద్భుతమైన ప్రదర్శన చేశారు. ఈ మ్యాచ్‌లో కెప్టెన్ గిల్ సెంచరీతో అదరగొట్టాడు. గిల్ ఇలా కెప్టెన్సీ బాధ్యతలు స్వీకరించాక ఈ చరిత్ర సృష్టించాడు. అయితే ఇంగ్లాండ్‌లో సెంచరీ చేసిన అతి చిన్న వయస్సు భారత కెప్టెన్‌గా శుభమాన్ గిల్ రికార్డు సృష్టించాడు. మొదటి మ్యాచ్‌లోనే కెప్టెన్‌గా తన సత్తా ఏంటో చూపించాడు. ఈ మొదటి మ్యాచ్‌లో రోహిత్ శర్మ, విరాట్ కోహ్లీ లేని మార్క్ చూపించాడు. క్రీజులోకి వెళ్లిన వెంటనే గిల్ ఫోర్లు కొట్టాడు. కెప్టెన్‌గా ఇంగ్లాండ్‌లో గిల్ సెంచరీతో స్టా్ర్ట్ చేయడంతో.. ఇంకా మున్ముందు ఎంత బాగా ఆడుతాడో అని ఫ్యాన్స్ సోషల్ మీడియాలో కామెంట్లు చేస్తున్నారు. శుభమాన్ గిల్ దాదాపుగా 18 ఇన్నింగ్స్‌ల తర్వాత ఆఫ్ సెంచరీ చేశాడు. ఆ తర్వాత సెంచరీ చేశాడు. ఇప్పటి వరకు ఉన్న విమర్శలు అన్నింటికి కూడా చెక్ పెట్టాడు. దీంతో పాటు కెప్టెన్‌ మొదటి మ్యాచ్‌లోనే సెంచరీ చేసిన నాల్గవ భారతీయుడిగా గిల్ నిలిచాడు. గిల్ కంటే ముందు విజయ్ హజారే, సునీల్ గవాస్కర్, విరాట్ కోహ్లీ ఉన్నారు.

ఇంగ్లాండ్‌తో జరిగిన ఈ మ్యాచ్‌లో గిల్ మొత్తం 140 బంతుల్లో 14 ఫోర్లుబాదాడు. మొత్తం టెస్ట్ కెరీర్‌లో ఆరో సెంచరీని సాధించాడు. ఓపెనర్ యశస్వి జైస్వాల్‌తో కలిసి 129 పరుగుల భాగస్వామ్యాన్ని పంచుకున్నారు. అయితే వీరిద్దరూ కలిసి భారీ స్కోర్‌ను కొట్టారు. అయితే గిల్ దాదాపు నాలుగున్నర ఏళ్ల తర్వాత టెస్టుల్లో అర్ధ సెంచరీ సాధించాడు. గతంలో 2021లో ఆస్ట్రేలియాతో జరిగిన బ్రిస్బేన్ టెస్ట్ మ్యాచ్‌లో 91 పరుగులు చేశాడు. టెస్ట్ కెప్టెన్ అయిన తర్వాత విజయ్ హజారే ఇంగ్లాండ్‌పై 164 పరుగులు చేశాడు. సునీల్ గవాస్కర్ న్యూజిలాండ్‌పై 116 పరుగులు చేశాడు. విరాట్ కోహ్లీ కెప్టెన్ అయిన తర్వాత మొదటి టెస్ట్ మ్యాచ్‌లో 115 పరుగులు చేశాడు. ఇప్పుడు శుభ్‌మాన్ గిల్ ఈ జాబితాలో తన పేరును లిఖించుకున్నాడు.

Also read : Yoga: ఏయే సమయాల్లో యోగా చేయకూడదో మీకు తెలుసా?