Vaibhav Suryavanshi : గిల్, పంత్ బాటలో వైభవ్ సూర్యవంశీ.. ఇక ఇంగ్లాండ్ లోనూ మెరుపులు

Vaibhav Suryavanshi : యశస్వి జైస్వాల్, శుభమన్ గిల్, రిషబ్ పంత్… ఈ ముగ్గురు ఇంగ్లాండ్‌లో ఏం చేశారో మనందరికీ తెలుసు. ఇప్పుడు సరిగ్గా అదే పని చేయడానికి 14 ఏళ్ల వైభవ సూర్యవంశీ కూడా రెడీ అవుతున్నాడు. ఇంగ్లాండ్ గడ్డపై మొదటిసారి మ్యాచ్‌లు ఆడటానికి అతను అక్కడికి చేరుకున్నాడు. అక్కడ అతని మ్యాచ్‌ల కౌంట్‌డౌన్ కూడా మొదలైపోయింది. కానీ అంతకు ముందు తను ప్రాక్టీస్ మ్యాచ్‌లు ఆడి, ఇంగ్లాండ్ పిచ్‌ల తీరును అర్థం చేసుకోవడానికి ప్రయత్నిస్తాడు. వైభవ ప్రాక్టీస్ జూన్ 24 నుంచి మొదలవుతుంది. ఒక యువ కెరటం క్రికెట్ ప్రపంచంలో సత్తా చాటడానికి రెడీ కావడం నిజంగా గర్వకారణం.

అసలు యశస్వి, గిల్, పంత్ ఏం చేశారు.. ఇప్పుడు వైభవ సూర్యవంశీ కూడా ఇంగ్లాండ్‌లో ఏం చేస్తాడో తెలుసా.. అదే చిన్న వయసులోనే సెంచరీలు కొట్టారు కదా. ఇంగ్లాండ్‌కు వెళ్లిన వైభవ సూర్యవంశీ కూడా అక్కడ సెంచరీ కొట్టి, తన పేరును అందరికీ తెలిసేలా చేయాలని గట్టి పట్టుదలతో ఉన్నాడు. ఇంగ్లాండ్‌కు బయలుదేరే ముందు, యశస్వి లీడ్స్‌లో కొట్టిన సెంచరీ ఫోటోలు, వీడియోలను వైభవ్ తన ఇన్‌స్టాగ్రామ్ స్టోరీలో షేర్ చేశాడు కూడా. దాన్ని చూసి వైభవ్ కు మరింత ఉత్సాహం వచ్చి ఉంటుందనడంలో సందేహం లేదు. ఇప్పుడు అదే ఉత్సాహంతో అతను తన బ్యాటింగ్ ప్రదర్శనను చూపిస్తాడు.

Read Also:Snake : పాము పగ నిజమా? అపోహనా? అసలు నిజం తెలిస్తే షాక్ అవుతారు!

వైభవ సూర్యవంశీ భారత అండర్-19 టీంతో కలిసి ఇంగ్లాండ్ టూర్‌కు వెళ్ళాడు. ఈ విషయం అతని ఇన్‌స్టాగ్రామ్ పోస్ట్‌ల ద్వారా కూడా తెలుస్తోంది. అతను చాలా ఫోటోలు పోస్ట్ చేశాడు. వాటిలో ఒక ఫోటో ఆయుష్ మాత్రేతో వైభవ సూర్యవంశీ దిగింది ఉంది. ఆయుష్ మాత్రే భారత అండర్-19 టీంకు కెప్టెన్ మాత్రమే కాదు. వైభవ్ కు మంచి స్నేహితుడు, అతనితో కలిసి ఓపెనింగ్ కూడా చేస్తాడు.

భారత అండర్-19 టీంకు ఇంగ్లాండ్ పర్యటనలో జూన్ 27న మొదటి మ్యాచ్ ఉంది. ఈ టూర్‌లో వాళ్ళు ముందుగా రెండు మల్టీ-డే మ్యాచ్‌లు ఆడతారు. ఆ తర్వాత వైట్ బాల్ సిరీస్ (వన్-డే, టీ20 మ్యాచ్‌లు) ఆడుతారు. వైభవ సూర్యవంశీ ఈ రెండు రకాల మ్యాచ్‌లలోనూ భారత అండర్-19 టీంకు ఒక స్ట్రాంగ్ ప్లేయర్ గా వైభవ్ ఉండనున్నారు. ఆస్ట్రేలియాకు వ్యతిరేకంగా అండర్-19 క్రికెట్‌లో అరంగేట్రం (డెబ్యూ) చేస్తూనే సెంచరీ కొట్టాడు. ఆ తర్వాత ఐపీఎల్ 2025 లో అడుగుపెట్టి, అక్కడ కూడా 35 బంతుల్లోనే సెంచరీ చేసి సత్తా చాటాడు. ఇప్పుడు, ఇంగ్లాండ్ చేరుకున్న వైభవ సూర్యవంశీ నుంచి అక్కడ కూడా అలాంటి మెరుపులే చూడాలని అభిమానులు ఆశగా ఎదురుచూస్తున్నారు.

Read Also:Plane Crash : నిజంగా ఇది అద్భుతం.. విమానం కుప్పకూలినా బతికి బయటపడ్డ 155మంది