Viral video : ఈవిడకు నాలుగైదు గుండెలుంటాయి.. ఎంత ధైర్యంగా సింహానికి స్నానం పోస్తుందో చూడండి

Viral video : సోషల్ మీడియా యుగంలో ఏ వీడియో ఎప్పుడు వైరల్ అవుతుందో అంచనా వేయడం చాలా కష్టం. కొన్ని నవ్వు తెప్పిస్తే, మరికొన్నింటిని కళ్లతో చూసినా నమ్మలేం. ప్రస్తుతం ఇంటర్నెట్‌లో అలాంటి ఓ వీడియో నెటిజన్ల మైండ్ బ్లాంక్ చేస్తోంది. ఒక మహిళ ఒక క్రూరమైన సింహాన్ని తన సొంత బిడ్డలా రుద్ది రుద్ది స్నానం చేయిస్తూ కనిపించింది. ఈ వీడియో పాకిస్తాన్‌కు చెందినదని తెలుస్తోంది.

వైరల్ అయిన ఈ వీడియో కొన్ని సెకన్ల నిడివి మాత్రమే ఉంది. కానీ దీన్ని చూస్తే నిజంగా ఆశ్చర్యపోతారు. వీడియోలో ఉన్న మహిళ పేరు అమీనా ఖాన్. ఆమెను ఇన్‌స్టాగ్రామ్‌లో లక్ష మందికి పైగా ఫాలో అవుతున్నారు. వీడియోలో అమీనా సింహాన్ని రుద్ది రుద్ది స్నానం చేయిస్తోంది. మరింత ఆశ్చర్యకరమైన విషయం ఏమిటంటే.. ఆ క్రూరమైన సింహం కూడా ఈ స్నానాన్ని ఎంతో ఎంజాయ్ చేస్తోంది. ప్రశాంతంగా కనిపిస్తోంది.

Read Also:Rashmika : షాహిద్ కపూర్ తో కలిసి ‘కాక్టెయిల్’ తో కిక్ ఇవ్వనున్న రష్మిక.. ఈ సారి అంతకు మించి

View this post on Instagram

A post shared by Aminakhanofficial (@aminakhanofficial84)

ఈ దృశ్యం నిజంగా షాకింగ్‌గా ఉంది. ఎందుకంటే, అడవి జంతువులను పెంచుకోవడానికి ప్రయత్నించినా, వాటి స్వభావం మాత్రం ఎప్పుడూ దాడి చేసేదే. కానీ వీడియోలో మహిళకు సింహం పట్ల కొంచెం కూడా భయం కనిపించలేదు. తన సొంత పిల్లలకు స్నానం చేయించినట్లు ఎంతో ప్రేమగా సింహాన్ని శుభ్రం చేస్తోంది. ఈ వీడియో @aminakhanofficial84 అనే ఇన్‌స్టాగ్రామ్ అకౌంట్‌లో షేర్ చేశారు. ఇప్పటివరకు దీన్ని 16 వేల మందికి పైగా లైక్ చేశారు. వేల సంఖ్యలో నెటిజన్లు దీనిపై తమ స్పందనలు తెలియజేశారు.

కొందరు అమీనా ఖాన్ ధైర్యాన్ని మెచ్చుకుంటూ ఆమెను ధైర్యవంతురాలు అని ప్రశంసించారు. మరికొందరు అరె దీదీ! కొంచెం షాంపూ కూడా వేయండి అని కామెంట్ చేశాడు. “చూసుకోండి, ఎక్కడ తినేస్తుందో!” అని మరొక యూజర్ హెచ్చరించాడు.

Read Also:IPL 2025: ఆర్సీబీ విజయానికి కలిసొచ్చిన ఆపరేషన్ సింధూర్