Donald Trump : సినిమాలపై ట్రంప్ భారీ టారిఫ్.. ఇకపై రిలీజ్‌లు కష్టమే

Donald Trump: అమెరికాలో ప్రస్తుతం సినిమా ఇండస్ట్రీ కూలిపోతుంది. ఈ క్రమంలోనే ట్రంప్ ఈ నిర్ణయం తీసుకున్నారు. అమెరికా దేశంలోనే సినిమాలను ప్రొడ్యూజ్ చేసే వాటికి సపోర్ట్ చేయడానికి డొనాల్డ్ ట్రంప్ ఇలా సుంకాలు విధిస్తున్నారు.

Donald Trump : అమెరికా అధ్యక్షుడిగా డొనాల్డ్ ట్రంప్ బాధ్యతలు చేపట్టినప్పటి నుంచి ఎన్నో మార్పులు చేసుకుంటూ వస్తున్నారు. మొదటిగా వీసా ప్రక్రియలో మార్పులు చేయగా.. ఆ తర్వాత టారిఫ్‌లు విధించారు. అయితే ఇప్పుడు ఆ టారిఫ్‌లు సినిమాలపై కూడా విధించారు. ట్రంప్ టారిఫ్‌ల వల్ల ప్రపంచ దేశాలు కూడా ఇబ్బంది పడుతున్నాయి. అమెరికాకు ఎగుమతి చేస్తున్న దేశాలపై ఎక్కువగా సుంకాలు విధించింది. చైనా మినహా మిగతా దేశాలకు మొత్తం 90 రోజుల పాటు టారిఫ్‌లను ఆపారు. అయితే ఈ సుంకాల విషయంలో ట్రంప్ ఇప్పుడు సినిమా రంగంపై వేశారు. సినిమాలపై ట్రంప్ భారీ టారిఫ్‌ను విధిస్తున్నట్లు తెలిపారు. ఇతర దేశాల్లో నిర్మించిన మూవీస్ అమెరికాలో విడుదల అవుతాయి. అయితే సినిమాలపై 100 శాతం టారిఫ్ విధించనున్నట్లు డొనాల్డ్ ట్రంప్ తాజాగా ప్రకటించారు. అయితే అమెరికాలో ప్రస్తుతం సినిమా ఇండస్ట్రీ కూలిపోతుంది. ఈ క్రమంలోనే ట్రంప్ ఈ నిర్ణయం తీసుకున్నారు. అమెరికా దేశంలోనే సినిమాలను ప్రొడ్యూజ్ చేసే వాటికి సపోర్ట్ చేయడానికి డొనాల్డ్ ట్రంప్ ఇలా సుంకాలు విధిస్తున్నారు.

డొనాల్డ్ ట్రంప్ ఈ విషయాన్ని ట్విట్టర్ ద్వారా తెలిపారు. అమెరికాలో సినీ ఇండస్ట్రీ తొందరగా నాశనం అవుతోంది. అమెరికా నుంచి స్టూడియోలను, ఫిల్మ్ మేకర్లను ఆకర్షించేందుకు ఇతర దేశాలు రాయితీలను ఇస్తున్నామని తెలిపారు. హాలీవుడ్‌తో పాటు అమెరికాలో కొన్ని ప్రాంతాల్లో పరిస్థితులు అసలు బాగలేవు. అయితే ఇదంతా కూడా వేరే దేశాల పని. ఇది జాతీయ భద్రతకు ముప్పుగా ఉంది. ఈ క్రమంలోనే ఈ నిర్ణయం తీసుకున్నట్లు వెల్లడించారు. అమెరికాలో కాకుండా ఇతర దేశాల్లో ప్రొడ్యూజ్ అయి తమ దేశంలో విడుదలయ్యే సినిమాలకు 100 శాతం టారిఫ్ విధించాలని నిర్ణయం తీసుకున్నట్లు వెల్లడించారు. విదేశాల్లో ప్రొడ్యూజ్ అయ్యే మన దేశానికి వచ్చే అన్ని సినిమాలపై 100 శాతం టారిఫ్ విధించాలని డిపార్ట్‌మెంట్ ఆఫ్ కామర్స్, యునైటెడ్ స్టేట్స్ ట్రేడ్ ప్రతినిధులను ఆదేశించారు. కేవలం అమెరికాలో మాత్రమే సినిమా రూపొందడం తమకు కావాలని తెలిపారు.

ప్రస్తుతం తెలుగు సినిమాలు అమెరికాలో మంచి కలెక్షన్లు సాధిస్తున్నాయి. చిన్న సినిమాల కంటే స్టార్ హీరోల సినిమాలకు అమెరికాలో మంచి మార్కెట్ ఉంది. నిజం చెప్పాలంటే ఓవర్సీస్ వసూళ్లలో అమెరికానే టాలీవుడ్‌కు కీలకంగా ఉంది. అయితే అమెరికాలో టాలీవుడ్ చిత్రాలపై 100 శాతం టారిఫ్ మాత్రం పడితే టికెట్ ధరలు కూడా భారీగా పెరుగుతాయి. ఇదే కనుక జరిగితే సినిమాలు చూసే ప్రేక్షకులు కూడా తగ్గే అవకాశం ఉందని అంటున్నారు. దీంతో లాభాలు కూడా భారీగా తగ్గుతాయి. కేవలం టాలీవుడ్ అనే కాకుండా ఇండియన్ మూవీస్‌పై కూడా ఈ ప్రభావం పడుతుంది. అయితే ఈ టారిఫ్‌లు సినిమాలపై ఎప్పటి నుంచి అమల్లోకి వస్తాయనే విషయం ఇంకా క్లారిటీ లేదు. ఒకవేళ వస్తే మాత్రం సినిమాలపై భారీ ప్రభావం తప్పకుండా పడుతుంది.