Balakrishna : బాలయ్య బర్త్‌డే వేడుకలు డబుల్.. రేపే అఖండ 2 టీజర్ తో పాటు ఇంకొకటి కూడా..

Balakrishna : నటసింహం నందమూరి బాలకృష్ణ (Nandamuri Balakrishna) పుట్టినరోజు (జూన్ 10) సందర్భంగా ఆయన అభిమానులకు ఒక స్పెషల్ సర్ ప్రైజ్ సిద్ధమైంది. బాలయ్య మరోసారి ఓ పక్కా మాస్ యాక్షన్ ఎంటర్‌టైనర్ (Mass Action Entertainer) సినిమాతో రాబోతున్నారు. ఈ సినిమాకు సంబంధించిన అధికారిక ప్రకటన వెలువడింది. గోపీచంద్ మలినేని (Gopichand Malineni) దర్శకత్వంలో బాలకృష్ణ హీరోగా 111వ సినిమా (NBK111) రూపొందనుంది. ఈ చిత్రాన్ని వృద్ధి సినిమాస్ (Vriddhi Cinemas) పతాకంపై వెంకట సతీష్ కిలారు (Venkat Satish Kilaru) నిర్మించబోతున్నారు. ఈ విషయాన్ని గోపీచంద్ మలినేని తన ఎక్స్ (X) (గతంలో ట్విట్టర్) ఖాతా ద్వారా అధికారికంగా వెల్లడించారు. “గాడ్ ఆఫ్ మాసెస్ ఈజ్ బ్యాక్.. ఈసారి మా గర్జన మరింత మోతెక్కనుంది. బాలయ్యతో మరోసారి కలిసి పని చేయడం గర్వంగా ఉంది. ఇది చరిత్రలో నిలిచిపోయే ప్రాజెక్ట్‌గా మలిచేందుకు సిద్ధమవుతున్నామంటూ” ఆయన తన ఉత్సాహాన్ని వ్యక్తం చేశారు.

Read Also:China Trend : హగ్ చేసుకుంటే అమ్మాయిలే రూ.600ఇస్తారంట.. అబ్బాయిలు గెట్ రెడీ

‘వీర సింహారెడ్డి’ హిట్ కాంబినేషన్ మళ్ళీ!
గోపీచంద్ మలినేని – బాలకృష్ణ కాంబినేషన్‌లో గతంలో వచ్చిన ‘వీర సింహారెడ్డి’ (Veera Simha Reddy) సినిమా ఎంత పెద్ద హిట్ అయ్యిందో తెలిసిందే. తాజాగా మరోసారి అదే కాంబినేషన్ రిపీట్ కావడం అభిమానుల్లో పెద్ద ఎత్తున ఆసక్తి రేపుతోంది. బాలయ్యకు గోపీచంద్ మలినేని ఎలాంటి కథను సిద్ధం చేశారో అని అందరూ ఎదురుచూస్తున్నారు.

Read Also:Power of Silence : రోజుకు రెండు గంటలు నిశ్శబ్ధంగా ఉంటే ఎన్ని లాభాలో తెలుసా ?

‘అఖండ 2’ టీజర్ రిలీజ్ – డబుల్ ట్రీట్!
ప్రస్తుతం బాలకృష్ణ ‘అఖండ 2’ (Akhanda 2) చిత్రంతో బిజీగా ఉన్నారు. బోయపాటి శ్రీను (Boyapati Sreenu) దర్శకత్వంలో తెరకెక్కుతున్న ఈ చిత్రం 2021లో విడుదలైన బ్లాక్‌బస్టర్ ‘అఖండ’ (Akhanda) కి సీక్వెల్. ప్రస్తుతం ఈ సినిమా షూటింగ్ దశలో ఉంది. ఇక ‘అఖండ 2’ టీజర్‌ను కూడా జూన్ 9న సాయంత్రం 6.03 గంటలకు విడుదల చేయనున్నట్లు చిత్ర బృందం ప్రకటించింది. బాలయ్య పుట్టినరోజును పురస్కరించుకుని ఒకవైపు టీజర్ రిలీజ్, మరోవైపు కొత్త సినిమా ప్రకటనతో అభిమానులకు డబుల్ ట్రీట్ ఇచ్చేందుకు సిద్ధమవుతున్నారు. ఈ రెండు ప్రాజెక్టులతో బాలకృష్ణ అభిమానులకు భారీ వినోదం ఖాయమని చెప్పొచ్చు.