Pawan Kalyan: ఇదిరా పవర్ స్టార్ అంటే.. రెమ్యూనరేషన్ తిరిగి ఇచ్చేసిన పవన్

Pawan Kalyan: పవర్ స్టార్ గురించి ప్రత్యేకంగా చెప్పక్కర్లేదు. ఏపీ డిప్యూటీ సీఎంగా బిజీగా ఉండటంతో పాటు సినిమా షూటింగ్‌లో కూడా బిజీ బిజీగా ఉంటున్నాడు. పవన్ హీరోగా నటించిన హరి హర వీర మల్లు సినిమా ఈ నెల 12వ తేదీన థియేటర్లలో గ్రాండ్‌గా రిలీజ్ కాబోతుంది. డిప్యూటీ సీఎంగా వర్క్ చేస్తూ, షూటింగ్‌లో పాల్గొంటూ సినిమాను కంప్లీట్ చేశాడు. అయితే పవన్ కళ్యాణ్ అంటే మంచికి, సాయానికి మారు పేరు. ఎవరైనా కష్టంలో ఉన్నారని తెలిస్తే తప్పకుండా పవన్ కళ్యాణ్ సాయం చేస్తాడు. అయితే పవన్ కళ్యాణ్ హరి హర వీర మల్లు సినిమాకి తీసుకున్న రెమ్యూనరేషన్‌ను తిరిగి ఇచ్చేశారు.

ఎందుకంటే ఈ సినిమా ఎప్పుడో థియేటర్లలో రిలీజ్ కావాల్సింది. కానీ ఎన్నికలు, ఆ తర్వాత డిప్యూటీ సీఎంగా పవన్ కళ్యాణ్ బిజీగా ఉండటం వల్ల షూటింగ్ పూర్తి కాలేదు. ఈ సినిమా ఫిక్స్ అయి చాలా ఏళ్లు పట్టింది. అయితే ఈ సినిమా కోసం నిర్మాత ఏయం రత్నం పవన్ కళ్యాణ్‌కి అడ్వాన్స్‌గా రూ.11 కోట్లు ఇచ్చారు. ఆ తర్వాత సినిమా అలా పోస్ట్ పోన్ అవుతూ వచ్చినా కూడా నిర్మాత ఆ డబ్బులను అయితే అడగలేదు. దీంతో నిర్మాత పరిస్థితిని అర్థం చేసుకున్న పవన్ కళ్యాణ్ ఆ రూ.11 కోట్లను వెనక్కి తిరిగి ఇవ్వడానికి సిద్ధమయ్యారు. అయితే ఈ సినిమా జూన్ 12 న విడుదల కాదని, వాయిదా పడుతుందని వార్తలు వస్తున్నాయి. అది ఫైనాన్షియల్ ప్రాబ్లమ్స్ అని అందరూ అనుకుంటున్నారు. కానీ వీఎఫ్ఎక్స్ వర్క్స్ కాలేదని తెలుస్తుంది.

పవన్ కళ్యాణ్ సాయం చేయడంలో ఎప్పుడూ కూడా ముందు ఉంటారు. ఎవరికి అయినా కూడా సాయం చేస్తుంటారు. తన దగ్గర లేకపోయినా కూడా ఏదో రకంగా హెల్ప్ చేసే గుణం ఉంది. అందులోనూ తన సినిమా అంటే క్వాలిటీ కోసం ఎంతైనా కూడా చేస్తారు. ‘తొలిప్రేమ’లోని పాటలో తాజ్ మహల్ సెట్ వేయడం కోసం డబ్బులు ఇచ్చారు. ‘తీన్‌మార్’ మూవీ ఆశించిన విజయం సాధించలేదు. దీంతో పవన్ ప్రొడ్యూస్ చేయాలనుకున్న ‘గబ్బర్ సింగ్’ మూవీను బండ్ల గణేష్‌కి ఇచ్చారు. ఇప్పుడు మరోసారి పవన్ తన మంచి మనస్సు చాటుకున్నారు. అయితే పవన్ కళ్యాణ్, నిర్మాత ఏయం రత్నం మధ్య మంచి బాండింగ్ ఉంది. పవన్ కెరీర్‌లో బిగ్గెస్ట్ బ్లాక్ బస్టర్ హిట్‌ ఇచ్చిన ‘ఖుషి’ చిత్రాన్ని ప్రొడ్యూస్ చేశారు. ఖుషి మూవీ లాగే హరి హర వీర మల్లు కూడా మళ్లీ హిట్ అవుతుందని అంటున్నారు. మరి ఈ సినిమా ఎలా ఉంటుందో చూడాలి.