Sapthami Gowda : నితిన్ సినిమాలో కాంతారా బ్యూటీ ఉండేది అంత సేపేనా.. ఫస్ట్ సినిమానే షాక్

Sapthami Gowda : తెలుగు స్టార్ హీరో నితిన్ హీరోగా నటిస్తున్న ‘తమ్ముడు’ సినిమాలో సప్తమి గౌడ హీరోయిన్‌గా నటించింది. ఈ సినిమాలో ఆమె ఒక పల్లెటూరి అమ్మాయి పాత్రను పోషించింది. సప్తమితో పాటు, ఈ సినిమాలో ఇంకా ఇద్దరు హీరోయిన్లు వర్ష, లైలా కూడా ఉన్నారు. కానీ ఇప్పుడు రిలీజ్ అయిన ట్రైలర్‌ను చూస్తే, సప్తమి గౌడ పాత్రకే ఎక్కువ ప్రాధాన్యత ఉందని అర్థమవుతోంది. మిగిలిన హీరోయిన్లను పాటలు, గ్లామర్ కోసమే వాడుకున్నారని తెలుస్తోంది. నితిన్‌కు అక్క పాత్రలో లయ నటిస్తోంది.

తన మొదటి తెలుగు సినిమా గురించి సప్తమి గౌడ మాట్లాడుతూ.. “ఈ సినిమాకి నేను హీరోయిన్‌ అయినప్పటికీ, హీరో నితిన్‌తో నా సీన్లు చాలా తక్కువ. మేము కలిసి షూట్ చేసింది కేవలం రెండు గంటలు మాత్రమే. నితిన్‌తో సరిగా మాట్లాడటానికి కూడా నాకు సమయం దొరకలేదు. కానీ, సినిమా కథలో నా పాత్రకు చాలా ప్రాధాన్యత ఉంది. కథకు ఒక ట్విస్ట్ ఇచ్చే పాత్ర నాదే” అని సప్తమి గౌడ చెప్పింది.

Read Also:Viral : ఉద్యోగంలో చేరిన మొదటి రోజే రాజీనామా.. హెచ్‌ఆర్ షాక్, నెటిజన్లు ఫైర్

‘కాంతారా’ సినిమా రిలీజ్ అయిన తర్వాత ‘తమ్ముడు’ సినిమా టీమ్ తనకు అవకాశం ఇచ్చిందని సప్తమి గౌడ తెలిపింది. తాను 2022 లోనే ఈ సినిమాకు సైన్ చేశానని చెప్పింది. ‘కాంతారా’ సినిమా చూసే తనను ఎంపిక చేసుకున్నప్పటికీ తనకు టఫ్ స్క్రీన్ టెస్ట్ పెట్టి, ఆ తర్వాతే ఈ పాత్రకు సెలెక్ట్ చేసుకున్నారని పేర్కొంది. అయితే, కొన్ని కారణాల వల్ల సినిమా ఆలస్యం అవుతూ వచ్చిందని, అది ఇప్పుడు మంచిదే అయ్యిందని సప్తమి అభిప్రాయపడింది. ఇప్పుడు ఈ సినిమా రిలీజ్‌కి సరైన సమయం అని ఆమె చెప్పింది.

‘తమ్ముడు’ సినిమాకు శ్రీరామ్ వేణు దర్శకత్వం వహించారు. ఈయన ఇంతకుముందు పవన్ కళ్యాణ్ హీరోగా వచ్చిన ‘వకీల్ సాబ్’ సినిమాను డైరెక్ట్ చేశారు. ఆ సినిమాను దిల్ రాజు నిర్మించారు. ‘తమ్ముడు’ సినిమాకు అజనీష్ లోక్‌నాథ్ సంగీతం అందించారు. ఈయన కూడా ‘కాంతారా’ సినిమాకు మ్యూజిక్ ఇచ్చి సెన్సేషన్ క్రియేట్ చేశారు. మొదట్లో ఈ సినిమా గురించి పెద్దగా బజ్ లేకపోయినా, ట్రైలర్ రిలీజ్ అయిన తర్వాత సినిమాపై అంచనాలు పెరిగాయి. సప్తమి మొదటి తెలుగు సినిమా ఎలా ఉంటుందో చూడాలి. ఈ సినిమా జూలై 4న థియేటర్లలో రిలీజ్ కానుంది.

Read Also:Cancer : మాటిమాటికీ గ్యాస్, మలబద్ధకం క్యాన్సర్‌కు కారణమట.. జాగ్రత్త పడకపోతే కష్టమే!