Singer Mangli Birthday Party: మంగ్లీ డ్రగ్స్ తీసుకుందా.. అందుకేనా వీడియో వద్దు.. ఇందులో ఏది నిజమేంటి?

Singer Mangli Birthday Party: ప్రముఖ ఫోక్ సింగర్ మంగ్లీ డ్రగ్స్ పార్టీ ప్రస్తుతం టాలీవుడ్‌లో కలకలం రేపుతుంది. తన పుట్టినరోజు కావడంతో స్నేహితులు, కుటుంబ సభ్యులకు ఆమె త్రిపుర రిసార్ట్‌లో పార్టీ ఇచ్చింది. హైదరాబాద్‌లోని చేవెళ్ల వద్ద ఉన్న త్రిపుర రిసార్ట్‌లో గ్రాండ్‌గా సెలబ్రేట్ చేసుకున్నారు. అయితే ఈ పార్టీలో డ్రగ్స్, గంజాయి వినియోగించినట్లు పక్కా సమాచారంతో పోలీసులు దాడులు నిర్వహించారు. మొత్తం 48 మంది ఈ పార్టీలో ఉండగా 9 మంది గంజాయి వినియోగించినట్లు పరీక్షల్లో తేలింది. ఈ పార్టీలో ఫారిన్ మందు కూడా విపరీతంగా పోలీసులు స్వాధీనం చేసుకున్నారు. అయితే మంగ్లీతో పాటు రిసార్ట్ నిర్వహకులపై కూడా పోలీసులు కేసు నమోదు చేశారు. అయితే మంగ్లీ ఎంతో పద్ధతిగా దేవుడు పాటలు పాడుతుందని నెటిజన్లు అంటున్నారు. ఇలా డ్రగ్స్ పార్టీ అంటే అసలు ఎవరూ కూడా ఊహించరు. ఇలా కనీసం అనుమతులు తీసుకోకుండా పార్టీ నిర్వహించడంతో నెటిజన్లు ఈమెపై మండిపడుతున్నారు. పార్టీలో ఉన్నవారికి పరీక్షలు నిర్వహించగా వారిలో 9 మంది గంజాయి తీసుకున్నట్లు తేలింది. అయితే వీరిలో మంగ్లీ ఉందా? లేదా? అనే విషయం తెలియాల్సి ఉంది.

ఇది కూడా చూడండి: Vitamin B12 : విటమిన్ బి12 కేవలం నాన్ వెజ్ లోనే ఉంటుందా..ఎక్స్ పర్ట్స్ ఏం చెబుతున్నారంటే ?

చేవెళ్ల పోలీసులు స్పెషల్ ఆపరేషన్స్ టీమ్ తో కలిసి అర్ధరాత్రి 2 గంటల ప్రాంతంలో త్రిపుర రిసార్ట్‌పై మెరుపుదాడి చేశారు. అయితే ఈ దాడి చేసేటప్పుడు పోలీసులు వీడియోలు కూడా తీశారు. ఇలా వీడియోలు తీసేటప్పుడు మంగ్లీ వీడియో తీయవద్దని మండిపడుతోంది. దీంతో వారు ఇది మా డ్యూటీ చేయనివ్వండని సమాధానం ఇచ్చారు. అయితే ఈ వీడియోలు కూడా ప్రస్తుతం సోషల్ మీడియాలో వైరల్ అవుతున్నాయి. మంగ్లీ వీడియోలు తీయవద్దని వారిని బెదిరించడం ఏంటని నెటజన్లు మండిపడుతున్నారు. ఈ పార్టీలో సినీ ప్రముఖులు, రాజకీయ ప్రముఖుల పిల్లలు కూడా ఉన్నట్లు వార్తలు వస్తున్నాయి. అయితే పోలీసులు పూర్తి వివరాలను ఇంకా అధికారికంగా వెల్లడించలేదు. అదుపులోకి తీసుకున్న వారిపై నార్కోటిక్ డ్రగ్స్ అండ్ సైకోట్రోపిక్ సబ్ స్టాన్సెస్ చట్టం కింద కేసులు నమోదు చేశారు. అయితే మంగ్లీ స్వయంగా పార్టీ ఏర్పాటు చేయడంతో డ్రగ్స్ తీసుకున్నట్లు పోలీసులు అనుమానిస్తున్నారు. ఈమె కూడా గంజాయి తీసుకుని ఉండవచ్చని అంటున్నారు. అసలు వీరికి డ్రగ్స్ సరఫరాదారులు ఎవరు? ఈ పార్టీలో మాదకద్రవ్యాలు ఎలా వచ్చాయి? అనే కోణాల్లో పోలీసులు లోతుగా దర్యాప్తు చేస్తున్నారు. అయితే ఈ ఘటనపై ఇంకా మంగ్లీ స్పందించలేదు.