Concentration: ఏకాగ్రత ఉన్నవారిలో కనిపించే లక్షణాలివే

Concentration: ప్రతీ మనిషికి ఏకాగ్రత అనేది తప్పకుండా అవసరం. ఇది ఉన్నవారిలో కొన్ని లక్షణాలు కనిపిస్తాయి. ఏకాగ్రత ఉంటేనే దేనిని అయినా కూడా సాధించగలరు. ఒక మనిషి జీవితంలో ఉన్న స్థానంలోకి ఎదగాలంటే మాత్రం తప్పకుండా ఏకాగ్రత ఉండాలి. ఏదైనా సాధించాలనే విషయంపై గట్టి ఏకాగ్రత ఉండాలి. అయితే ఏకాగ్రత ఉన్నవారిలో కొన్ని లక్షణాలు ఉంటాయి. ఆ లక్షణాల బట్టి వారిలో ఏకాగ్రత ఉందో లేదో కూడా ఈజీగా గుర్తు పట్టవచ్చు. అయితే మనలో చాలా మందికి ఏకాగ్రత ఉండదు. మానసిక సమస్యలు, ఒత్తిడి వంటి సమస్యల వల్ల ఏకాగ్రత లేక ఇబ్బంది పడుతుంటారు. అయితే ఏకాగ్రత ఉన్నవారిలో ఎలాంటి లక్షణాలు ఉంటాయో ఈ స్టోరీలో చూద్దాం.

పని మీద ప్రాధాన్యత
ఏకాగ్రత ఉన్నవారిలో ఏ పని మీద అయినా కూడా ప్రాధాన్యత ఉంటుంది. తప్పకుండా ఈ పని చేయాలనే నియమాన్ని పెట్టుకుంటారు. అసలు ఏకాగ్రత లేని వారు ఏదో పని చేయాలని చేస్తారు. కానీ ఆ పనిలో వారికి అసలు ఇంట్రెస్ట్ ఉండదు. చేసిన పనిని కూడా సక్రమంగా పనిచేయలేరు. ఇలాంటి వారికి అసలు ఏకాగ్రత లేనట్లే. ఏకాగ్రత ఉన్న మనుషులు కేవలం పని అనే కాదు.. ఏ విషయంలో అయినా కూడా చాలా నిబద్ధతతో ఉంటారు. ప్రతీ పనిని కూడా పర్సనల్‌గా తీసుకుంటారు.

లక్ష్యాలు ఉంటాయి
వీరు జీవితంలో ఏం సాధించాలనే లక్ష్యంతో పనిచేస్తారు. ఏకాగ్రతతో ఉన్నవారికి తప్పకుండా లక్ష్యాలు ఉంటాయి. జీవితంలో ఉన్నత స్థాయిలోకి వెళ్లాలని ముందుగానే అన్ని ప్లాన్ చేసి మరి పెట్టుకుంటారు. ఎప్పుడు ఏం చేయాలి? రోజు మొత్తంలో ఎంత సమయం లక్ష్యానికి కేటాయించాలని పెట్టుకుంటారు. దీనివల్ల వారు అనుకున్న సమయం కంటే ముందే లక్ష్యాలను సాధిస్తారు.

మంచి నిద్ర
ఏకాగ్రత ఉన్నవారు నిద్ర విషయంలో కొన్ని నియమాలు పాటిస్తారు. ఆలస్యంగా కాకుండా సరైన సమయానికి నిద్రపోతారు. నిద్ర విషయంలో తప్పకుండా టైమ్ పాటిస్తారు. రోజూ ఒకే సమయానికి నిద్రపోవడం, లేవడం వంటివి చేస్తారు. వీరికి ఆటోమెటిక్‌గా ఒకే సమయానికి నిద్ర కూడా వస్తుంది. అదే ఏకాగ్రత లేకపోతే అసలు సరైన సమయానికి నిద్ర కూడా రాదు.

హెల్తీ డైట్
పోషకాలు ఉండే ఫుడ్ తింటారు. సరైన సమయానికి తినడం వంటివి చేస్తారు. అదే ఏకాగ్రత లేకపోతే ఎప్పుడు తింటారో కూడా తెలియదు. పోషకాలు లేని ఫాస్ట్ ఫుడ్ వంటివి తింటారు.

ధ్యానం
ఏకాగ్రత ఉన్నవారు డైలీ ఒకే సమయానికి ధ్యానం చేస్తారు. ధ్యానం చేయడం వల్ల ఏకాగ్రత పెరుగుతుంది. మానసిక సమస్యలు, ఒత్తిడి వంటి వాటితో ఇబ్బంది పడుతుంటే ధ్యానం చేయడం మంచిదని నిపుణులు చెబుతున్నారు.

వ్యాయామం
ఏకాగ్రతతో ఉన్నవారు డైలీ ఉదయం వ్యాయామం చేస్తారు. వీరికి వేరే ఇతర ఆలోచనలు గురించి ఆసక్తి ఉండదు. లక్ష్యాలపై ఫోకస్ పెట్టి తిన్నామా, తమ పని చేసుకున్నామా, వ్యాయామం చేశామా అన్నట్లే ఉంటారు.

మల్టీ టాస్కింగ్
ఏకాగ్రత ఉంటే ఒకేసారి రెండు నుంచి మూడు పనులు చేయగలరు. ఏకాగ్రత లేకపోతే ఒక్కసారి ఒకే పని కూడా చేయలేరు. ఏక్రాగత ఉన్నవారిలో మల్టీ టాస్కింగ్ లక్షణం ఉంటుంది. వీరు ఒకే సమయంలో రెండు మూడు పనులు చేస్తు్ంటారు.