Pig Liver To Human: వైద్యశాస్త్రంలో మరో అద్భుతం.. మానవునికి పంది కాలేయం

Pig Liver To Human ప్రపంచవ్యాప్తంగా కాలేయ వైఫల్యంతో బాధపడుతున్న చాలా మంది ప్రజలు మరణిస్తున్నారు కూడా. ఇలాంటి వారికి తగిన దాత కాలేయం అందుబాటులో లేకపోవడం వల్ల మరణాలు సంభవిస్తున్నాయి.

Pig Liver To Human: టెక్నాలజీ చాలా డెవలప్ అవుతుంది అనడనికి మరొక ఉదాహరణ చెప్పుకోవచ్చు. అదేంటంటే పంది కాలేయాన్ని విజయవంతంగా మానవునికి మార్పిడి చేశారు శాస్త్రవేత్తలు. అవును నిజమే ప్రపంచంలోనే తొలిసారిగా పంది కాలేయాన్ని మానవునికి మార్పిడి చేశారు: ప్రపంచంలోనే తొలిసారిగా, పంది నుంచి కాలేయాన్ని తీసివేసి మానవునికి అమర్చారు. వైద్య చరిత్రలో ఒక అద్భుతం అనే చెప్పవచ్చు. చైనా శాస్త్రవేత్తలు ఏడు నెలల వయసున్న బామా అనే జన్యుపరంగా మార్పు చెందిన పంది నుంచి కాలేయాన్ని తీసివేసి, బ్రెయిన్ డెడ్ అయిన రోగికి మార్పిడి చేశారు. ఈ శస్త్రచికిత్స చేయడానికి వైద్యులకు 9 గంటలు పట్టింది. ఈ కాలేయాన్ని పంది నుంచి తొలగించినప్పుడు, దానిని 0 నుండి 4 డిగ్రీల ఉష్ణోగ్రత వద్ద వైద్య ద్రావణంలో సజీవంగా ఉంచారు. దీని తరువాత, 9 గంటల శస్త్రచికిత్స తర్వాత, దానిని 50 ఏళ్ల బ్రెయిన్ డెడ్ అయిన వ్యక్తి శరీరంలోకి అమర్చారు. ఆ వ్యక్తి కాలేయం విఫలమైంది. ఆ వ్యక్తి కుటుంబం కూడా దీనికి అనుమతి ఇచ్చింది.

ప్రపంచవ్యాప్తంగా కాలేయ వైఫల్యంతో బాధపడుతున్న చాలా మంది ప్రజలు మరణిస్తున్నారు కూడా. ఇలాంటి వారికి తగిన దాత కాలేయం అందుబాటులో లేకపోవడం వల్ల మరణాలు సంభవిస్తున్నాయి. ఇలాంటి పరిస్తితుల్లో చైనా శాస్త్రవేత్తల ఈ ప్రయత్నం ఒక అద్భుతం కంటే తక్కువ కాదు అనే చెప్పాలి. ఈ కాలేయాన్ని బ్రెయిన్ డెడ్ వ్యక్తికి అమర్చినప్పుడు, ఆ మార్పిడి చెందిన కాలేయం 10 రోజుల పాటు సహజంగా పిత్తాన్ని ఉత్పత్తి చేస్తూనే ఉందని శాస్త్రవేత్తలు పేర్కొన్నారు. గతంలో, అమెరికన్, చైనా శాస్త్రవేత్తలు పందుల నుంచి పొందిన గుండె, మూత్రపిండాలు, థైమస్ గ్రంథిని మానవులకు మార్పిడి చేశారు. అయితే, పంది కాలేయాన్ని మనుషులకు మార్పిడి చేయడం ఇదే తొలిసారి.

ఒక రోజు ఈ కాలేయం శాశ్వత పరిష్కారంగా మారవచ్చు.
కాలేయ మార్పిడి కారణంగా రోగి ఎక్కువ కాలం బతికే ఉండటానికి బదులుగా, అది రోగికి తక్షణ జీవితాన్ని ఇచ్చినట్లుగా చూడాలని చైనా శాస్త్రవేత్తల బృందం తెలిపింది. అంటే, రోగి కాలేయం విఫలమైతే, దాత కాలేయం దొరికే వరకు ఈ కాలేయం పనిచేస్తూనే ఉంటుంది. అయితే, ఒకరోజు ఇది కాలేయ వైఫల్యానికి శాశ్వత పరిష్కారం కాగలదని శాస్త్రవేత్తలు ఆశిస్తున్నారు. జియాన్‌లోని జియాజింగ్ హాస్పిటల్‌లో ప్రొఫెసర్, ఈ ట్రయల్‌కు ప్రధాన శాస్త్రవేత్త అయిన ప్రొఫెసర్ లిన్ వాంగ్ మాట్లాడుతూ, ప్రతికూల పరిస్థితులలో మానవ శరీరంలో పంది కాలేయం పనిచేస్తుందని మొదటిసారిగా ప్రదర్శించామని అన్నారు. అయితే, ప్రస్తుతం ఇది 10 రోజులు మాత్రమే పనిచేసింది. కానీ ఏదో ఒక రోజు ఈ కాలేయాన్ని మానవ శరీరంలో చాలా ఎక్కువ కాలం సజీవంగా ఉంచడంలో విజయం సాధించాలనేది మా కల అన్నారు.

ఇది ఎలా జరిగింది?
మొదట, జన్యుపరంగా మార్పు చెందిన పందిని అభివృద్ధి చేశారు. తిరస్కరణ అవకాశాలను తగ్గించడానికి జన్యువులలో అలాంటి మార్పులు చేశారట. దీని తరువాత పంది నుంచి కాలేయాన్ని తొలగించారు. తరువాత దానిని వైద్య ద్రావణంలో ఉంచారు. ఇప్పుడు రోగి విఫలమైన కాలేయాన్ని తొలగించి, దాని స్థానంలో దాత కాలేయాన్ని రక్త నాళాలలో అమర్చారు. అప్పుడు కాలేయం విజయవంతంగా పిత్తాన్ని ఉత్పత్తి చేస్తోందని, రక్త ప్రవాహం కూడా సాధారణంగా ఉందని తేలింది. ఈ కాలేయం సరిగ్గా పనిచేయడం కొనసాగించింది. కానీ రోగి కుటుంబం అభ్యర్థన మేరకు 10 రోజుల తర్వాత దానిని తొలగించారు.

Disclaimer : అవగాహన కోసం మాత్రమే ఈ సమాచారం అందిస్తున్నాము. దీన్ని ట్రెండింగ్ తెలుగు నిర్ధారించదు. దయచేసి గమనించగలరు.