Health Tips: నెయ్యి, వెన్న, నూనెలో ఏది బెటర్?

Health Tips:

చాలా మంది నెయ్యి, వెన్న, నూనె వాడుతుంటారు. నెయ్యి, నూనె అయితే ఎక్కువ ఉపయోగిస్తుంటారు. మరీ ముఖ్యంగా నూనె. ప్రతి రోజు నూనె లేకుండా కూరలు చేయడం కష్టం. నూనె భారతీయ ఇళ్లలో ఎక్కు ఉపయోగంలో ఉంటుంది. వీటి వల్ల అనేక ప్రయోజనాలు ఉన్నాయి. ఇక ఆహారాన్ని వండటం నుండి రోటీ కాల్చడం వరకు ఉపయోగపడుతుంటాయి. అయితే శరీరానికి చాలా ఆరోగ్యకరమైన అనేక రకాల నూనెలు మార్కెట్లో అందుబాటులో ఉన్నాయి. కొన్ని నూనెలు గుండెను ఆరోగ్యంగా ఉంచితే మరికొన్ని నష్టం కలిగిస్తాయి. అయితే ఈ మూడింటిలో ఆరోగ్యానికి ఏది మంచిదో తెలుసుకుందామా?

కొన్ని నూనెలు మాత్రం ఆరోగ్యానికి మంచివి. కొలెస్ట్రాల్ ఉండే నూనెలు పూర్తిగా స్కిప్ చేయాలి. ఇక మంచి నూనెలు కాలేయానికి కూడా చాలా ప్రయోజనకరంగా ఉంటాయి. శరీరంలో జరిగే హార్మోన్ల మార్పులను కూడా సమతుల్యం చేస్తాయి. ఇక వెన్నలో లెసిథిన్ ఉంటుంది. ఇది కొలెస్ట్రాల్ ఆరోగ్యకరమైన జీవక్రియను నిర్ధారిస్తుంది. మనం తెలియకుండానే బిస్కెట్లు, బేకరీ వస్తువులు లేదా ఏదైనా ఇతర స్నాక్స్ వంటి అనారోగ్యకరమైన కొవ్వులను తీసుకుంటాము. దీని కారణంగా శరీరంలో అనారోగ్యకరమైన కొవ్వులు పేరుకుపోతాయి.

నెయ్యి, వెన్నలో పోషకాలు పుష్కలంగా ఉంటాయి. నెయ్యి ఆరోగ్యకరమైన కొవ్వు. ఇందులో విటమిన్ ఎతో పాటు ఒమేగా-3 కొవ్వు ఆమ్లాలు ఉంటాయి. ఫోర్టిఫైడ్ వెన్నలో విటమిన్ ఎ ఉండవచ్చు. ఇక నెయ్యి, వెన్నలో కేలరీలు ఎంత ఉంటాయి అంటే? వెన్న 100 గ్రాములకు 717 కిలో కేలరీలు అందిస్తే అందులో 51% ఆరోగ్యకరమైన కొవ్వు, 71 శాతం, 3 గ్రాములు అనారోగ్యకరమైనవి ఉంటాయి. 100 గ్రాముల నెయ్యి 900 కిలో కేలరీలను 60% ఆరోగ్యకరమైన కొవ్వును అందిస్తుంది. అనారోగ్యకరమైన కొవ్వును పూర్తిగా కలిగి ఉండదు నెయ్యి. కానీ దుకాణం నుంచి నెయ్యి కొనుగోలు చేసేటప్పుడు, లేబుల్‌ను సరిగ్గా చదవండి. ఒకవేళ ‘వనస్పతి నెయ్యి’ అని ఉంటే అంది మంచిది కాదని అర్థం. అనారోగ్యకరమైన కొవ్వులు కలిగి ఉంటుంది.

నెయ్యి, వెన్న రుచి, ఉపయోగాల గురించి కూడా తెలుసుకుందాం. నెయ్యి, వెన్న రెండూ చాలా భిన్నమైన రుచిని కలిగి ఉంటాయి. కాబట్టి వాటిని చాలా భిన్నమైన మార్గాల్లో ఉపయోగిస్తుంటారు కూడా. ఇక మన దేశంలో నెయ్యిని అన్ని రకాల కూరలు, పప్పులు, మాంసం వంటకాలలో కూడా ఉపయోగిస్తుంటారు. ప్రత్యేక సందర్భాలలో పూరీలు, పరాఠాలు వేయించడానికి లేదా క్యారెట్ హల్వా తయారీకి కూడా యూజ్ చేస్తారు.

దీనికి కారణం నెయ్యిని అధిక ఉష్ణోగ్రత వద్ద కూడా వండవచ్చు. తెల్ల సాస్ లేదా బెచామెల్ వంటి శీఘ్ర సాస్‌లను తయారు చేసేటప్పుడు వెన్నను సాధారణంగా ఉపయోగిస్తారు. కూరగాయలు, ముఖ్యంగా చేపలు, రొయ్యలు, పీతలు వంటి త్వరగా ఉడికిన మాంసాలను వేయించడానికి వెన్న కూడా ఒక గొప్ప ఎంపిక. ఇది మాంసానికి అద్భుతమైన రుచిని అందిస్తుంది. వెల్లుల్లి, మూలికలతో కలిపినప్పుడు మరింత టేస్ట్ ను అందిస్తుంది.

Disclaimer : అవగాహన కోసం మాత్రమే ఈ సమాచారం అందిస్తున్నాము. దీన్ని ట్రెండింగ్ తెలుగు నిర్ధారించదు. దయచేసి గమనించగలరు.