Holi: హోలీకి తప్పకుండా సందర్శించాల్సిన ప్రదేశాలివే!

Holi:

భారతదేశం అంతటా హోలీ పండుగను ఘనంగా జరుపుకుంటారు. హోలీని శ్రీకృష్ణుని సంప్రదాయలతో కొన్ని నగరాల్లో జరుపుకుంటారు. అయితే శ్రీకృష్ణుని జన్మస్థలం అయిన ఉత్తరప్రదేశ్‌లోని మథురలో హోలీ వేడుకలు ఘనంగా నిర్వహిస్తారు. హోలీ పండుగకి ఇక్కడ కొన్ని ప్రదేశాలు రంగులతో నిండిపోతాయి. ఎంతో భక్తితో ఇక్కడ హోలీ వేడుకలను ఘనంగా జరుపుకుంటారు. కేవలం రంగులతోనే కాకుండా వివిధ రకాల వాటితో హోలీ జరుపుకుంటారు. హోలీ పౌర్ణమి తిథి మార్చి 13వ తేదీ రాత్రి 12.25 గంటలకు ప్రారంభం అవుతుంది. ఆ తర్వాత రోజు అనగా మార్చి 14వ తేదీన మధ్యాహ్నం 12 గంటల వరకు ఉంటుంది. అంటే ఈ సమయంలోనే హోలీ పండుగ జరుపుకోవాలి. అయితే హోలికా దహనాన్ని భద్రకాలంలో జరుపుతారు. అంటే మార్చి 13వ తేదీన హోలికా దహనం చేస్తారు. దీని తర్వాత రోజే హోలీ పండుగను జరుపుకోవాలని పండితులు చెబుతున్నారు. అయితే ఏయే ప్రదేశాల్లో ఎలా హోలీ జరుపుకుంటారు? తప్పకుండా సందర్శించాల్సిన ఆ ప్రదేశాలు ఏంటో చూద్దాం.

పూలతో హోలీ
మథరలోని బృందావనంలో హోలీ వేడుకలను పువ్వులతో జరుపుకుంటారు. బాంకే బిహారీ ఆలయంలో రంగులతో కాకుండా రకరకాల పువ్వులతో హోలీని జరుపుకుంటారు. పువ్వులతో హోలీ చాలా బాగుంటుంది. జీవితంలో ఒక్కసారైనా తప్పకుండా సందర్శించాల్సిన ప్రదేశాల్లో ఇది ఒకటి. హోలీ సమయంలో బృందావనం ఎంతో కళకళలాడుతుంది.

కర్రలతో హోలీ
మధుర సమీపంలోని బర్సానాలో కర్రలతో హోలీ జరుపుకుంటారు. ఇది అక్కడ చాలా ప్రత్యేకమైనది. ఈ హోలీలో మహిళలు కూడా పాల్గొంటారు. మహిళలు వారిని రక్షించుకోవడానికి పురుషులను కర్రలతో సరదాగా కొడుతుంటారు. ఈ కార్యక్రమానికి చూడటానికి భారీ సంఖ్యలో ప్రజలు వెళ్తుంటారు. మహిళలు సంప్రదాయ దుస్తుల్లోనే ఈ కర్రల హోలీ జరుపుకుంటారు.

వితంతువులకు హోలీ
ఇక్కడ అందరినీ కౌగిలించుకుని కలుపుకునే ఓ సంప్రదాయం ఉంది. వితంతువులు హోలీ జరుపుకోరు. అలాంటి వారికి హోలీని నిర్వహిస్తారు. ఈ హోలీలో మహిళలు రంగు రంగుల దుస్తులు ధరిస్తారు. అలాగే నృత్యాలు కూడా చేస్తారు.

రంగభరి హోలీ
మధురలో ఈ రంగభరి హోలీని జరుపుకుంటారు. ఇక్కడ నీటి బుడగలు, రంగు పొడులు, నీటి తొపాకులతో ఎంతో ఆనందంగా హోలీ పండుగను జరుపుకుంటారు.

నందగావ్ హోలీ
మధురలోని నందగావ్ పట్టణంలో నందగావ్ హోలీ జరుపుకుంటారు. ఈ హోలీని శ్రీకృష్ణుడు, అతని పెంపుడు తల్లిదండ్రులు నంద బాబా, యశోద మైయా మధ్య సంబంధాన్ని గుర్తిస్తూ జరుపుకుంటారు. ఆ గ్రామంలో హోలీ రోజు నృత్యాలు చేస్తుంటారు. హోలీకి తప్పకుండా ఈ ప్రదేశాలను సందర్శించాలి. ఎంతో ఘనంగా ఇక్కడ వేడుకలను జరుపుకుంటారు.

Disclaimer: కేవలం అవగాహన కోసం మాత్రమే ఈ సమాచారం ఇవ్వడం జరిగింది. దీన్ని trendingtelugus.com నిర్ధారించదు. గూగుల్ ఆధారంగా తెలియజేయడం జరిగింది.